يعني يا اخي العزيز الكارت الي راكب عندك mediatek ralnik ؟ قصد في windows 8.1 الكارت بيتعرف automatic فأدخل على device manager و شوف اسم الكارت الي هناك و انا معاك هنا
بسم الله الرحمن الرحيم
يا ريت كل اللي عنده لاب hp probook 450 g1 يدخل يقول موديل كارت الوايرليس ومدى جودته وقوته لأني اشتريت اللاب النسخة ال i5 رامات 6 جيجا من حوالي 5 أيام وموظف البيع في ايجيبت لاب توب فشل في تعريف الكارت على ويندوز 8.1 والكارت اشتغل وبعدين قعد يفصل ويرجع بعد فترة بدون انتظام أو سبب منطقي وموظف المبيعات قعد حوالي ساعتين ومعرفش يعرفه ورد على كل استفساراتي ببلادة منقطعة النظير فضلا عن إنه نزلي تعريفات متفيرسة وقديمة أصلا !! المهم أنا عرفت الكارت لما رجعت البيت بال driver pack solution آخر اصدار لأني كنت مستعجل وعاوز أطمن بسرعة والليل كان اتأخر فالكارت اشتغل ولحد دلوقتي شغال عادي على حد ملاحظتي ومش بيفصل وأنا منزل ويندوز 7 و ويندوز 8.1 ولكن أنا قلقت لما عرفت إن اللاب نازل بكذا كارت ولما قرأت موضوع أخونا akrammlsh دخلت على منتدى HP وبالفعل لقيت كلام كتير على كارتmediatek ralnik ولحد دلوقتي على المنتدى هناك ناس بتشتكي من الكارت حتى بعد التعريف الجديد وناس بتقول إن الكارت مش بيفصل بعد التعريف الجديد ولكنه أصلا مصنوع ضعيف وسيئ الجودة ولازم متبعدش عن الراوتر عشان يشتغل وإن السوفتوير قلل المشكلة ولكن هذا لا يمكنه حل مشكلة رئيسية في الهاردوير الخاص بالكارت وناس تانية بتقول إن شركة HP اعترفت برداءة الكارت وفساده كليا وقامت بتغييره لهم مجانا وبالطبع هذا الخيار غير متاح لنا في مصر!!
مشكلتي إن الواي فاي عندي قوي والراوتر ب 3 أنتنا وبالتالي مش هقدر أحدد جودة الكارت ولو هو بالفعل ضعيف وسيئ ولا لا ؟ لأن بالتأكيد في حالة التنقل باللاب مش هتبقى كل الراوترات ب 3 أنتنا !!
وكمان فيه بياع في شركة You&me في سوق العصر قاللي المشكلة تحديدا في الموديل الi5 ال 6 جيجا رام وإن المشكلة مش موجودة في موديل ال 8 جيجا ولا في موديل core i7 بس الحقيقة شكيت في كلامه وقتها إنه عاوز يبيع وخلاص خصوصا إني قرأت مشاركات ناس كتير هنا بتشكر في اللاب وفيه مشرفين بيطمنوا الناس من ناحيته
أنا عاوز أطمن أو أفهم المشكلة لو موجودة عشان لو فيه أي حاجة ألحق أرجع اللاب قبل ما ال14 يوم يخلصوا
ياريت اللي عنده اللاب يدخل ويشارك بموديل كارت الوايرليس وتجربته معاه
وكمان لاحظت التاتش باد تقيلة شوية خصوصا ناحية اليمين يعني أنا لسه كنت شغال على اللينوفو الG570 جيل تاني والتاتش باد كان جميل جدا و أسهل بكتير وأكثر فاعلية في اللينوفو..فهل ده طبيعي؟ ولا ليها حل؟
آسف على الاطالة وشكرا لكم مقدما
يعني يا اخي العزيز الكارت الي راكب عندك mediatek ralnik ؟ قصد في windows 8.1 الكارت بيتعرف automatic فأدخل على device manager و شوف اسم الكارت الي هناك و انا معاك هنا
صديقي هو بالفعل نفس النوع اللي انت اشتكيت منه مش متأكد لو نفس الموديل بس هو نفس النوع مع العلم ان تعريف ويندوز 8.1 للكارت لا قيمة له وبيفصل بعد شوية ومش عارف ده طبيعي وبيحصل مع كروت تانية ولا لا ؟
وعلى فكرة الكارت ده داخل في أكتر من موديل hp مش بس بروبوك 350و 450 ده داخل في موديلات من الفئات العليا زي envy وفيه ناس معاها envy وبتشتكي من الكارت ده تخيل ؟
ده اخر تعريف نازل للكارت الي عندك صطبه و لو المشكلة فضلت موجوده تبقى تعمل زي و ترجع الجهاز قبل ال14 يوم ما يخلصو
https://ftp.hp.com/pub/softpaq/sp655...00/sp65803.exe
فعلا غباء من hp تتعامل مع شركة زي ديه(ralnik) ماليانة مشاكل
الموديل اللي عندي بالضبط هو mediatek mt7630e 802.11bgn wifi adapter
وبص أنا معنديش مشكلة في الحصول على التعريف وزي مقلت الكارت دلوقتي متعرف و شغال عندي طبيعي ومش بيفصل بس أنا عاوز أطمن إنه مش هيعمل مشاكل قدام نتيجة لعيب صناعي في الهاردوير يعني لو فيه عيب في الهاردوير يبقى حله بالسوفتوير و التعريف بالبلدي كده شغل تلصيم وطرمخة :D
وبعدين عاوز أعرف من الناس اللي معاها نسخة الcore i7 أو core i5 رامات 8 هل موديل الكارت عندهم مختلف؟ realtek مثلا؟ وهل واجهوا مشكلة في البداية مع تعريف ويندوز 8.1 زيي وهل ده طبيعي يعني ؟ لأني للأسف معنديش خبرة في التعامل مع ويندوز 8.1
ده رابط لأحد الشكاوى في موقع HP عن نفس موديل الكارت
https://h30434.www3.hp.com/t5/Wirele...s/td-p/2828029
ولو حطيت الموديل على جوجل هتلاقي بلاوي
التعديل الأخير تم بواسطة SaD_MaN ; 14-09-2014 الساعة 23:17
انت المشكلة عندك بدأت في بداية التشغيل انا عندي بدأت بعد 10 ايام فملهاش نظام معين يعني فربنا يستر ان شاء الله و ميوقفش تاني و ياريت لو حد من الاعضاء معاه الموديلات الي بتسأل عليها يتفضل و يفدنا ان شاء الله
دلوقتي الحمد لله بعد ما رجعت الprobook 350 g1 جبت asus k550ld و الحمد لله مفيش اي مشاكل حصلت الحمد لله بس asus جاي معاه اسطوانة تعريفات بتدخلها و بتعرف كل حاجة مع نفسها و الجهاز بيشتغل عادي بعد كدة يعني الكارت متعرفش automatic مع الasus على عكس الhp
لا شكر على واجب يشرفني اني اساعدك طبعا
أنا لسه شاري الجهاز i5 . وأول ما نزلت ويندوز 8.1 اشتغل شويه وفصل ومرضاش يشتغل تاني لما نزلت التعريف شغال تمام ومفيش مشكلة لحد دلوقت وفي ناس في المنتدى من اللي اشترت الجهاز وبقاله فترة معاهم قالوا إن الوايرلس شغال كويس بعد آخر تحديث
انا معايا اللاب تمام وعمرو ما فصل منى نهائى والواى فاى فيه كويس جدا وعمروو ما فصل وانا معرفوا باسطوانة التعريفات :D
انا معايا النسخه الـ Core I7 من الـ HP Probook 450G1
بكرت Intel Dual Band Wireless-n7260
شغال الحمدلله ميه ميه وعمرة مفصل
جميل جدا موضوع الاسطوانة ده وموجود في اللينوفو
مش قضية كبيرة لو الشركة بتحط التعريفات على موقعها ومش بتحطها في اسطوانة
بس لما تكون الشركة مهملة لدرجة إن التعريفات على موقعها تبقى قديمة ومش مقسمة تبعا للموديل أو السيريال أو البارت نامبر ده شئ مش مفهوم ومقرف وده حال hp للأسف
اللاب معهوش اسطوانة تعريفات؟ فيا ترى تقصد أي اسطوانة؟
أنا عارف إنك متحمس للاب وهو كويس من نواحي كتير بس بالذمة ينفع الواحد يدففع أكتر من 4000 جنيه في لاب الواي فاي بتاعه مشكوك فيه؟ وكمان امبارح لاحظت حاجة جديدة وهي إن الصوت لما بتعليه بيطلع خرفشة كده قوية زي نتشة حاجة بجد زبالة...لكن المشكلة إن السوق سيئ والواحد بيختار ما بين سيئ وأسوأ وده مخلي الواحد محتار طب لو رجعته أجيب ايه ؟
شكرا لمشاركتك
التعديل الأخير تم بواسطة SaD_MaN ; 16-09-2014 الساعة 14:27
المفضلات