صفحة 1 من 6 1 2 3 4 5 6 الأخيرةالأخيرة
النتائج 1 إلى 15 من 81

الموضوع: مراجعتي لجهاز Lenovo Z5070 . i7 ,, اختبار عام للجهاز والحرارة والالعاب

  1. #1
    عضو
    تاريخ التسجيل
    Nov 2013
    المشاركات
    139
    الدولة: Egypt
    معدل تقييم المستوى
    11

    Post مراجعتي لجهاز Lenovo Z5070 اختبار عام للجهاز والحرارة والألعاب و CINEBENCH Test -محدث

    السلام عليكم ورحمة الله وبركاته


    بعد بحث طويل وحيرة بين الاجهزة وهي المشكلة التي تواجه اعلب من يريد شراء لاب توب جديد،

    تم بحمدالله شراء جهاز Lenovo Z50-70

    وقررت اعمل مراجعة للجهاز لإفادة الجميع وبالاخص الي لسه محتار زي ما انا كنت من كام يوم




    ____

    اولا: مواصفات النسخة وسعر الشراء

    Lenovo Z50-70


    Processor: Intel Core i7-4510U
    Hard Disk: 500GB+8G SSHD
    Display Size: 15.6 inches FULL HD LED
    Operating System: Free DOS
    Memory: 1x 4GB DDR3L PC3-12800 1600MHz
    Graphics: 2GB NVIDIA GeForce GT840 DDR3
    Optical Drives: DVD SuperMulti
    Camera: HD WebCam 720P
    Communications: WiFi + Bluetooth
    Power: Battery 4 CELL
    Sound System: DOLBY Home Theater

    ملاحظة هامة: الشاشة FULL HD 1920x1080 فعلاً والالعاب بشغلها 1366x768 لتكون اسرع ليس الا

    **********

    UPDATE: RAM UPGRADED TO 8GB by adding "1x TEAM 4GB DDR3L 1600MHz"

    سعر النسخة كان في عرض على موقع Rayashop Online بـ 5200 ج فقط "سعرها في نفس الوقت 5700 ج في السوق"
    بالاضافة الى خصم 100 جنيه اضافي يعني وقف عليا بـ 5100 ج والشحن عليهم و الجهاز وصل بعد الطلب بيومين فقط واشحن من شركة aramex .. الصراحة ناس محترمة جدا

    تحديث: سعر الجهاز وقف عليا بزيادة الرام 5425 ج وسعره بنفس المواصفات لكن بهارد تيرا لا يقل عن 6000 حالياً

    ______

    ثانياً: صور الجهاز






    علبة الجهاز



    المحتويات داخل الكرتون : وصلة شاخن بمثبس ثنائي + وصلة بمقبش ثلاثي + ادابتر البطارية + اسطوانة تعريفات Win 8.1 64bit + كاتالوج وضمان + البطارية والجهاز طبعاً



    نظرة داخلية




    لوحة المفاتيح اكثر من رائعة











    خامة الجهاز جميلة جدا ولكن تتأثر بالبصمات بسرعة



    DVD + 1x USB 2.0 + 3.5mm Audio Jack \\ 1x USB 2.0 + 1x USB 3.0 + 1x HDMI + 1x Ethernet Port + 1x VGA Interface + Battery Adapter Port


    *** اضافة الرام الجديد ***



    تم زيادة الرام الى 8 جيجا بإضافة رام TEAM بنفس التردد والنوع للرام الموجودة في الجهاز وتم شراؤها بسعر 325 ج















    ______


    ثالثاً: اداء الجهاز



    1. الجهاز بيجمل الوندوز بصورة سريعة جداً (ثانيتان فقط لبدأ تحميل الوندوز + 6 ثواني من بداية تحميل الوندوز إلى الدسك توب) يعني الجهاز من ساعة ما تضغط باور بيستغرق 8 ثواني فقط لتكون في سطح المكتب للوندوز ! طبعا دي سرعة عالية جدا لكن بالتأكيد هو لسه سريع لأني لسه منزل الوندوز امبارح وتم اخذ الزمن في عملية التشغيل رقم 7 تقريباً .. اما في ايقاف التشغيل بيستغرق 10 ثواني لحد ما يفصل كهرباء تماما تقريبا

    2. لم اضغط بشكل كامل على البطارية لكن من الواضح انها بتستحمل ساعتين او ساعتين الا تلت في الضغط العالي و 3 ساعات في الاستخدام المتنوع او 4 ساعات (او اقل حاجة بسيطة) للانترنت فقط وممكن 5 ساعات ونصف لو بدون استخدام واقل اضاءة .. البطارية جيدة عموما وميزتها انها خارجية مش زي z510 كانت داخلية يعني ممكن تشتغل على الجهاز دا بالشاحن فقط "عشان الي ميعرفش يعني"

    3. الكاميرا كويسة جدا للانترنت في الاضاءة الجيدة وطبعا هي 1 ميجا بكسل تقريبا لكن الفيديو ابعاده 1280x720 يعني HD Res ولكن الجودة ضعيفة لتناسب الانترنت اكيد ومع ذلك عجبتني جدا وهي اوضح على الطبيعة لكن خدت صورتين منها









    4. الجهاز ملهوش صوت تقريباً .. هادئ جدا وملوش حس ورائع ولكن عند قراءة CD او DVD طبعا بتسمع صوت عالي لحظيا ثم يهدأ مره اخرى .. الهارد ملوش اي صوت وتم تجربة فك ضغط ملفات كبيرة ونقل ملفات والتنقل بالجهاز في نفس الوقت ولم يكن له اي صوت (ممتاز)

    5. تبريد الجهاز ممتاز حيث يكون في الخمول من 40 الى 50 وفي الضغط العالي لم يتعدى 67 معي ولم اشعر بالحرارة ناحية الماوس ولكن اسفل الجهاز على اليسار اثناء اللعب بيكون في حرارة اكيد بس مش بتحس بيها الا لو اللاب على قدمك .. يعني حرارة طبيعية جدا



    اثناء فك ضغط ملفات + تشغيل يوتيوب




    اثناء تشغيل PES 15 High on nvidia 840M + Chrome "Youtube" + IE
    تحديث


    وهنا نتائج اختبار OpenGL على برنامج CINEBENCH واختبار المعالج













    حرارة الجهاز اثناء تشغيل METRO 2033 مع تثبيت MAFIA 2 نسخة مضغوطة





    حرارة الجهاز في نفس الوقت السابق ولكن مع تشغيل الفوتوشوب بالاضافة لمؤشر الرام





    6. الكيبورد مريج جدا وشخصياً شايف كيبورد اللينوفو افضل بكتير من Dell و HP لانه مريح جدا وتصميمه اكثر جاذبية .. في ناس اشتكت من ضعف قاعدة الكيبورد وانك لما تضغط عليها جامد بتدخل معاك لجوه شوية وترد اكيد لما تشيل ايدك لكن دا محصلش معايا خالص

    7. خامة الجهاز قوية ورائعة ولكن الضهر بيتأثر بالبصمات بسرعة بالاضافة لأن اثناء الشحن لو فضلت تمشي ايدك على الجهاز حول الكيبورد كتير هتحس كأن في موبايل بيعمل Vibration خفيف جدا يعني مش بقول بتحس بكهبراء لا لكن بتحس في هزات او ذبذبات خفيفة جدا ودا لأن خامة الجهاز معدنية

    8. الشاشة Full HD والوانها جميلة جدا لكن الشاشة عاكسة جدا للأسف يعني لو محفف الاضاءة وجايب صورة داكنة بتشوف انعكاس صورتك .. لكن العيب دا ممكن تتفاداه بتغيير اتجاه الشاشة لتجنب الضوء وتظبط الوضعية الي تناسبك..


    9. صوت الجهاز لو مش مشغل Dolby Home Theater هتحس انه مكتوب وتعبان اما لما تشغل البرنامج الخاص بيه هتحس انك ركبت سماعات مختلفة تماما والصوت بيكون عالي جدا مسمعتش لاب توب بصوت عالي زيه قبل كدا .. البرنامج رائع وبيتيح ليك عدة انواع وخيارات للصوت لكنن مش بيكون نقي جدا يعني درجة نقاء "جيدة" مع صوت عالي جداً .. بصفة عامة صوت الجهاز ممتاز وسماعاته عجبتني




    بالنسبة للألعاب

    تم اضافتها في المشاركات بالاسفل لأن الموضوع لا يسمح بأكثر من 25 صورة..

    ____________________


    في النهاية احب اقول ان الجهاز يستحق الاقتناء فعلاً لمن يحاتج مواصفات فوق المتوسطة "مثل التصميم والانترنت .. الالعاب ولكن بشكل مش تقيل"

    تقييمي للجهاز 8.5/10

    اعتقد غطيت اهم واغلب النقط واي استفسار تحت امركم واتمنى تكون المراجعة مفيدة وفيها اجابة لكثير من الاسألة
    التعديل الأخير تم بواسطة boddaxp ; 07-12-2014 الساعة 21:40

  2. #2
    عضو برونزي
    تاريخ التسجيل
    Jun 2012
    المشاركات
    1,104
    الدولة: Egypt
    معدل تقييم المستوى
    24

    رد: مراجعتي لجهاز Lenovo Z5070 . i7 ,, اختبار عام للجهاز والحرارة والالعاب

    مراجعة ممتازة الف مبروك على الجهاز

  3. #3
    عضو
    تاريخ التسجيل
    Nov 2014
    المشاركات
    64
    الدولة: American Samoa
    معدل تقييم المستوى
    0

    رد: مراجعتي لجهاز Lenovo Z5070 . i7 ,, اختبار عام للجهاز والحرارة والالعاب

    مبررروك عليك ياباشا وتغطيه ممتازه للجهاز ربنا يباركلك فيه انا لسه بقارن بينه وبين Asus k550

  4. #4
    عضو
    تاريخ التسجيل
    Jan 2009
    المشاركات
    102
    الدولة: Egypt
    معدل تقييم المستوى
    16

    رد: مراجعتي لجهاز Lenovo Z5070 . i7 ,, اختبار عام للجهاز والحرارة والالعاب

    مراجعة ممتازة و بارك الله فيك, أنا أيضا لسة شارى نفس الموديل z5070 لكن بمواصفات مختلفة , معالج i5 رامات 6 جيجا , هارد هجين 1 تيرا + 8 جيجا , كارت شاشة نيفيديا 820 و الشاشة Hd فقط و ليست FHD و سعره 4400ج من مول السخاوى , و الجهاز فعلا رائع و إن كنت غير راض تماما عن الشاشة ليست لأنها سيئة و لكن لأن عندى لاب آخر سامسونج بمواصفات أعلى و شاشة خرافية فالمقارنة هى السبب, لذا فأنا أفكر فى تغيير الشاشة مستقبلا إن أمكن , لذا أريد منك خدمة و هى معرفة نوع شاشتك لأنها بالتأكيد ستكون متوافقة مع جهازى لأنهم نفس البوردة , شاشتى نوعها AUO40EC و طريقة معرفة نوع الشاشة , أدخل على Device manager ثم Monitors ثم Events ستجده مكتوب بالأسفل.
    الف مبروك الجهاز و هو بالفعل إختيار موفق.

  5. #5
    عضو الصورة الرمزية Aragon kingdom
    تاريخ التسجيل
    Apr 2011
    المشاركات
    112
    الدولة: Egypt
    معدل تقييم المستوى
    13

    رد: مراجعتي لجهاز Lenovo Z5070 . i7 ,, اختبار عام للجهاز والحرارة والالعاب

    بسم الله ما شاء الله ربنا يباركلك فى اللابتوب ده حقيقى مراجعه ممتازه بس نصيحتى ليك كنت استنيت شويه على المراجعه و كنت نزلتها بعد ما تكون اضفت ليها مجموعه العاب اكتر شويه (تصدق انت كده هتكبرها فى دماغى انى اجيب لاب زى ده بس لما الظروف تسمح) :D

  6. #6
    عضو
    تاريخ التسجيل
    Nov 2013
    المشاركات
    139
    الدولة: Egypt
    معدل تقييم المستوى
    11

    رد: مراجعتي لجهاز Lenovo Z5070 . i7 ,, اختبار عام للجهاز والحرارة والالعاب

    الله يبارك فيكم جميعاً مشكورين ^__^

    اقتباس المشاركة الأصلية كتبت بواسطة HishamShafai مشاهدة المشاركة
    مراجعة ممتازة و بارك الله فيك, أنا أيضا لسة شارى نفس الموديل z5070 لكن بمواصفات مختلفة , معالج i5 رامات 6 جيجا , هارد هجين 1 تيرا + 8 جيجا , كارت شاشة نيفيديا 820 و الشاشة Hd فقط و ليست FHD و سعره 4400ج من مول السخاوى , و الجهاز فعلا رائع و إن كنت غير راض تماما عن الشاشة ليست لأنها سيئة و لكن لأن عندى لاب آخر سامسونج بمواصفات أعلى و شاشة خرافية فالمقارنة هى السبب, لذا فأنا أفكر فى تغيير الشاشة مستقبلا إن أمكن , لذا أريد منك خدمة و هى معرفة نوع شاشتك لأنها بالتأكيد ستكون متوافقة مع جهازى لأنهم نفس البوردة , شاشتى نوعها AUO40EC و طريقة معرفة نوع الشاشة , أدخل على Device manager ثم Monitors ثم Events ستجده مكتوب بالأسفل.
    الف مبروك الجهاز و هو بالفعل إختيار موفق.
    اعتقد حضرتك تقصد ده Matching Device Id: *PNP09FF .. لكن لا انصح بتغيير الشاشة شحصياً بس اكيد براجتك

    اقتباس المشاركة الأصلية كتبت بواسطة Aragon kingdom مشاهدة المشاركة
    بسم الله ما شاء الله ربنا يباركلك فى اللابتوب ده حقيقى مراجعه ممتازه بس نصيحتى ليك كنت استنيت شويه على المراجعه و كنت نزلتها بعد ما تكون اضفت ليها مجموعه العاب اكتر شويه (تصدق انت كده هتكبرها فى دماغى انى اجيب لاب زى ده بس لما الظروف تسمح)
    الله يبارك فيك .. ان شاء الله سيتم اضافة مزيد من التفاصيل بالموضوع


    ______________


    الالعاب

    اولا Need for Speed Most Wanted 2012 الاعدادات بالصورة




















    ثانياً PES 2015 على HIGH + 1080p












    _______________


    Tom Clancy's Splinter Cell Blacklist


    العبة على اعدادات High جابت معايا 30 فريم في الثانية او اقل او اكثر قليلا كما في الصور














    اما على المتوسط فقد تخطت 40 فريم








    Tom Clany's Ghost Recon Future Soldier


    اللعبة على اعلى اعدادات جابت في حدود 17 فريم فقط اما المتوسطة كانت 22 اللى 29 ولذلك خليتها على اقل اعدادات مع حفظ الرزليوشن وجابت من 33 الى 50 تقريباً ودا كان كويس جدا





























    المزيد في مشاركتي التالية
    التعديل الأخير تم بواسطة boddaxp ; 07-12-2014 الساعة 21:41

  7. #7
    مشرف سابق الصورة الرمزية arsenal_henry
    تاريخ التسجيل
    Feb 2013
    المشاركات
    4,373
    الدولة: Egypt
    معدل تقييم المستوى
    40

    رد: مراجعتي لجهاز Lenovo Z5070 . i7 ,, اختبار عام للجهاز والحرارة والالعاب

    مبروك عليك الجهاز .. مراجعة ممتازة ومجهود رائع منك ..
    عندي استفسار .. هل شاشة الجهاز Full HD فعلاً؟ لان موجود بمواصفات اخرى بشاشه HD فقط ..

  8. #8
    عضو
    تاريخ التسجيل
    Mar 2013
    المشاركات
    116
    الدولة: Egypt
    معدل تقييم المستوى
    0

    رد: مراجعتي لجهاز Lenovo Z5070 . i7 ,, اختبار عام للجهاز والحرارة والالعاب

    تسلم أخي الگريم ، گنا محتاجين المراجعة دي

    اقتباس المشاركة الأصلية كتبت بواسطة arsenal_henry مشاهدة المشاركة
    مبروك عليك الجهاز .. مراجعة ممتازة ومجهود رائع منك ..
    عندي استفسار .. هل شاشة الجهاز Full HD فعلاً؟ لان موجود بمواصفات اخرى بشاشه HD فقط ..
    نفس السؤال لأنه هوا نفس الموديل اللي ب 5200 في راية مكتوب عليه HD بس


    Sent from my GT-I9082 using Tapatalk 2

  9. #9
    عضو
    تاريخ التسجيل
    Jan 2009
    المشاركات
    102
    الدولة: Egypt
    معدل تقييم المستوى
    16

    رد: مراجعتي لجهاز Lenovo Z5070 . i7 ,, اختبار عام للجهاز والحرارة والالعاب

    اقتباس المشاركة الأصلية كتبت بواسطة boddaxp مشاهدة المشاركة
    الله يبارك فيكم جميعاً مشكورين ^__^



    اعتقد حضرتك تقصد ده Matching Device Id: *PNP09FF .. لكن لا انصح بتغيير الشاشة شحصياً بس اكيد براجتك
    لا أقصد Matching Device Id: *PNP09FF و لكننى أقصد نوع الشاشة و الشركة المصنعة و شرحت لحضرتك تجيبه إزاى. يعنى مثلا أنا شاشتى AUO40EC و لو حضرتك مش عارف ممكن أشرحلك مرة أخرى.



    الله يبارك فيك .. ان شاء الله سيتم اضافة مزيد من التفاصيل بالموضوع

  10. #10
    عضو
    تاريخ التسجيل
    Jan 2009
    المشاركات
    102
    الدولة: Egypt
    معدل تقييم المستوى
    16

    رد: مراجعتي لجهاز Lenovo Z5070 . i7 ,, اختبار عام للجهاز والحرارة والالعاب

    الأخ الكريم صاحب الموضوع إنت نسيتنا و الا إيه , من فضلك تأكد من الشاشة هل هى FHD 1920×1080 أو HD 1366×766 لأننى دخلت على موقع راية و وجدت إنها فقط HD و فى إعتقادى أن ال FHD تأتى مع طراز Y50 .

  11. #11
    عضو
    تاريخ التسجيل
    Nov 2013
    المشاركات
    139
    الدولة: Egypt
    معدل تقييم المستوى
    11

    رد: مراجعتي لجهاز Lenovo Z5070 . i7 ,, اختبار عام للجهاز والحرارة والالعاب

    اسف ياا جماعة على التأخير ظروف الكلية .. والشاشة FULL HD 1920x1080 عندي والالوان باهتة شوية لسه هشوف اعدلها ازاي .. وجاري اضافة العديد من النقاط الهامة للمراجعة ان شاء الله اليوم
    بالنسبة لنوع الشاشة ،، الشاشة مش متعرفة عندي عشان كدا مفيش غير Matching Device ID لان الشاشة مكتوب Generic PnP Monitor ومفيش بيانات ليها ..

    ____________


    اخر مجموعة من الألعاب




    Mafia 2


    العبة على اعدادات مع anti aliasing كانت في حدود 25-30 ولكن بدون AA كانت في حدود 40














    ________




    METRO 2033


    اللعبة على الالترا كانت من 16 إلى 33 اما على high فقط كانت من 30 إلى 40




















    اما على الاعدادات المتوسطة او الضعيفة فكانت لا تقل عن 45 وتخطت ال60 في بعض الاماكن في الحالتين ووصلت ل 75 تقريباً




















    وبهذا تمت المراجعة للجهاز والصراحة بعد الاستخدام لـ5 ايام تقريباً الجهاز رائع جداً وعجبني اكتر الحمدلله
    التعديل الأخير تم بواسطة boddaxp ; 07-12-2014 الساعة 21:43

  12. #12
    عضو
    تاريخ التسجيل
    Nov 2013
    المشاركات
    139
    الدولة: Egypt
    معدل تقييم المستوى
    11

    رد: مراجعتي لجهاز Lenovo Z5070 . i7 ,, اختبار عام للجهاز والحرارة والالعاب

    تم تحديث الموضوع واضافة اختبار اخر للحرارة واختبار CINEBENCH وتم زيادة الرام واضافة المزيد من الالعاب ..

  13. #13
    عضوية جديدة
    تاريخ التسجيل
    Dec 2014
    المشاركات
    13
    الدولة: Egypt
    معدل تقييم المستوى
    0

    رد: مراجعتي لجهاز Lenovo Z5070 اختبار عام للجهاز والحرارة والألعاب و CINEBENCH Test -

    هوا حضرتك ينفع التغلب على موضوع انعكاس الشاشة دا بطريقة اخرى ؟؟؟؟؟؟؟

  14. #14
    عضو
    تاريخ التسجيل
    Nov 2013
    المشاركات
    139
    الدولة: Egypt
    معدل تقييم المستوى
    11

    رد: مراجعتي لجهاز Lenovo Z5070 اختبار عام للجهاز والحرارة والألعاب و CINEBENCH Test -

    اقتباس المشاركة الأصلية كتبت بواسطة prince4moha مشاهدة المشاركة
    هوا حضرتك ينفع التغلب على موضوع انعكاس الشاشة دا بطريقة اخرى ؟؟؟؟؟؟؟
    اغلب الاجهزة بتكون بشاشة عاكسة .. جهاز z510 كان شاشة مطفية تقريباً مش عاكسة يعني بس معدش موجود .. شخصياً بعد فترة من الاستخدام مش متأثر بالانعكاس خالص ولا اشعر به .. ممكن في الشمس او لو الصورة داخل الشاشة مظلمة بتحس بيه ولكن مش بيكون مؤثر زي ما انت متخيل يعني .. عموماً هو بالنسبالي عيب لكن اغلب الاجهزة الموجودة بالسوق لها نفس العيب

  15. #15
    عضو
    تاريخ التسجيل
    Sep 2010
    المشاركات
    292
    الدولة: Egypt
    معدل تقييم المستوى
    14

    رد: مراجعتي لجهاز Lenovo Z5070 . i7 ,, اختبار عام للجهاز والحرارة والالعاب

    باشا استفسار بسيط

    هو لو حضرتك جيت تشغل لعبة من غير ما توصله بالكهرباء بتشتغل طبيعي ولا بتبقي تقيلة اوي اوي اوي

    مثلا pes 2015

صفحة 1 من 6 1 2 3 4 5 6 الأخيرةالأخيرة

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •