ازاى اكسر سرعة كارت الشاشة والمعالج بتوعى

[ay.cobra]

السلام عليكم

كنت عايز اعرف الطريقة اللى اكسر سرعة كارت الشاشة بتاعى Overclocking مع العلم ان الكارت بيدعم كسر السرعة
وكمان اكسر سرعة المعالج لو كان ينفع يعنى
علشان اعرف العب اى لعبة من الالعاب الجديدة
لان معظم الالعاب الجديدة بتقطع معايا
حاولت العب Resident Evil Revelations 2 وبتقطع معايا جامد اوى مع انى تقريبا عامل كل حاجة على الlow

امكانيات جهازى

MB : Gigabyte GA-790XT-USB3
CPU : AMD Phenom II X4 965 3.4 MHz
VGA : Sapphire Radeon HD 5770 Vapor-X OC 1GB GDDR5
RAM : OCZ [Black Ed] 4 GB [2x2] DDR3 1066 MHz
PSU : OCZ 600 Watt

وشكرا

[ahmed517]

ان شاء الله ممكن اساعدك فى كسر سرعة المعالج
بس الاول هل كل الالعاب اللى مستواها عالى شوية تقيلة معاك زى مثلا BF3 , BF4 هل برضه فى تقطيع مبالغ فيه وانت شغال على resolution كام
لانه ممكن يكون التقطيع لوجود مشكلة اصلا بالجهاز لان المفروض اللعبة تشتغل على اعدادت كويسة معاك ولو على الاقل medium فى حالة resolution عالى ,واظن انها ممكن تشتغل على high على اعدادت 1366*768
او ممكن وجود مشكلة باللعبة نفسها ممكن تكون الكراك بيه مشكلة او اللعبة نفسها محتاجه تحديث

وكمان هل عندك after market cooler زى cooler master hyper 212

[ay.cobra]

لعبة bf3 شغالة كويس معايا ولسة مسطبها كمان
من اول شهر اكتوبر اللى فات مبقتش انزل العاب خالص
علشان حملت لعبة blacklist و crysis 3 ومشتغلوش كويس
كانو تقال جدا فقولت كده الجهاز ابتدى يفتح بقه فى الالعاب الجديدة
علشان كده مفكرتش احمل bf4 او cod اساسا
اخر لعبة حديثة نزلتها ولعبتها وكانت شغالة حلو اوى على الlow كانت لعبة evil within
مبدئيا انا عارف ان الالعاب الtps بيكون الجرافيك بتاعها اقل شوية من الfps
طبعا فى لعب غبية زى ac unity وبرده مفكرتش انزلها لان سمعت انها تقيلة موت
النسخة اللى منزلها هى Resident.Evil.Revelations.2.Episode.4-CODEX ومأظنش فيها مشاكل
اخر العاب تقيلة لعبتها من فترة صغيرة (بلعبها تانى) Batman - Arkham Origins و Max Payne 3 وشغالين حلو
انا كل العابى بلعبها hd (ريزليوشن 1080) بس بقلل الجرافيك ومش بنزلها عن كده
هحاول اقلل الريزليوشن واجرب
وبصراحة معرفش ايه الafter market cooler .. ده نظام تبريد ولا ايه ؟؟

وشكرا على اهتمامك

[phenomenon]

تهنيج لعبه CRYSIS3 + BL من ضعف كارت الشاشه وليس ضعف المعالج
هل تمتلك مشتت حرارى ام تعمل بالمشتت الافتراضى ؟
الاول ارفع صوره من درجه حراره المعالج بعد الضغط ببرنامج PRIME95 لمده ربع ساعه

[ay.cobra]

على فكرة والله انا عارف ان العيب ان الكارت مبقاش قوى
وعلشان كده انا طالب طريقة كسر سرعة الكارت نفسه خصوصا انه بيدعم ده
وبالنسبة للمشتت بستخدم المشتت الاصلى اللى جاى مع المعالج مش كولر زياده

ممكن طريقة كسر سرعة الكارت وان امكن المعالج كمان

[ay.cobra]

مفيش اى مساعدة خلاص يعنى ؟؟؟؟

[phenomenon]

معزره اخى على التاخير فى الرد .... انت عارف احنا فى فتره دراسيه
لكن عموما مبدايا انت مش هتقدر تكسر المعالج على المشتت الافتراضى
بالاضافه انه جيد جدا ولا يوجد سبب لكسر سرعته مع 5770
ممكن تحاول تكسر سرعه الكارت قليلا ربما تحصل منه على افضليه بالاداء
تابع الرد الاخير بالموضوع دا وشوف لو محتاج تضيف او تستفسرعن شىء تانى قبل الكسر
https://arabhardware.net/forum/showthread.php?t=419208

[ay.cobra]

فى شرح لطرق التعامل مع برنامج MSI AfterBurner و Futuremark ولا التعامل معاهم سهل مش محتاج شرح ؟؟

هو برنامج MSI AfterBurner بيشتغل على اى كارت ولا كروت معينة بس ؟؟

[phenomenon]

فى شرح اخى فى المواضيع المقبته باعلى صفحات الاقسام...
وسهل التعامل جدا على البرنامج فى الكسر والبرنامج بيشتغل على اغلب الكروت
وفى الغالب بيكون فى برنامج مخصص للكسر لكل شركه ولكن MSI AB جيد جدا فى الاعتماديه

[sabry2011]

فى شرح اخى فى المواضيع المقبته باعلى صفحات الاقسام...
وسهل التعامل جدا على البرنامج فى الكسر والبرنامج بيشتغل على اغلب الكروت

[ay.cobra]

بجد مش عارف اشكركم ازاى
بجد الف شكر على المعلومات وسرعة الرد