مساعدة في شراء كمبيونر pentium g3258 +r7 250x vs a10 7700k

[محمد 9]

السلام عليكم ورحمة الله وبركاته


ارجو المساعدة ضرورى انا هشترى كمبيوتر جديد وكنت عايز اعرف هل لو اشتريت
pentium g3258 +r7 250x او gtx 750 او r7 26x هيبقي افضل ولا لو اشتريت apu قوى لوحدة وقدام شوية اجيبله كارت
شاشة زى r7 250 عشان يعمل مع البطاقة الداخلية للapu
ملحوظة هل athlon x4 860k احسن من pentium g3258 خصوصا ان فيه العاب بقت محتاجة 4 انوية وكده يعنى
وسمعت كلام ان amd حرارتها عالية وان لو المروحة قصلت ثانية المعالج يحترق
ملحوظة انا مش ناوى اكسر سرعة pentium الا في المستقبل فهل هيقدم كل الطاقة للكارت بتاعي وايه الكروت اللي المعالج ده يسنحملها

شكرا

[phenomenon]

وعليكم السلام ورحمه الله وبركاته ... مرحبا بك اخى ... اتمنى وصولك للافضل
ايضا يجب ان تحدد ميزانيه المنصه وموعد الترقيه القادم ونحاول ايجاد اقتراحات اكتر
يعنى الافضل انك تسمع اكتر من اقتراح

مبدايا فكره كسر معالج Pentium G3258 مش فكره سيئه بالعكس ده انت تقدر تكسره ل 4GHz
وتقترب من اداء I3-41xx وتهرب من عنق الزجاجه مع الكروت العاليه راجع نهايه الموضوع دا

اما ان كانت فكره الترقيه للمستقبل يعيده عنك فهتكون فكره شراء Athlon X4 865K افضل فى اقتناء معالج رباعى حالى
وبالفعل كلامك صحيح انت فى حاجه لشراء مشتت احترافى افضل فى كل الحالات
ربما هو افضل حاليا من G3258 ولكن ايه اخبار منصاته !! +FM2 وايه هى اسعارها حاليا
اذن بالمستقبل انت بتحكم على نفسك ان اقوى معالج ليك هيكون غير جدير بالمنافسه معه Core I5

اذن بالمستقبل منصه Intel هتكون افضل من منصه +FM2

[H_KIMO]

athlon x4 860k أصلا مش موجود فى مصر

[محمد 9]

خلاص انا قررت هختار g3258 لكن لسه مش عارف اختار 250x or gtx 750 or gtx 650ti خصوصا ان كلهم فئة سعرية واحدة والفرق بينهم مش كبير
بالنسبة للمعالج اظن انى مش محتاج اكسر سرعته دلوقتى لانه يقدر يستحمل كروت زى دى اما قدام شوية لو حبيت اعلي الكارت لgtx 770 or r9 270 فيبقي اكسر سرعته وقتها عشان بأدى المطلوب
بس المهم ان انا مش محتاج اكسر سرعته مع الكروت المتوسطة اللي انا قلتها في الاول صح وهل كسر السرعة ل 4جيجا هرتز فيها خطر علي عمر المعالج ولا لأ

[phenomenon]

مفيش اى خطوره من كسر سرعه المعالج على اللوحه ان شاء الله ....
تاكد من تحميل البيوس المناسب لتتمكن من عمليه Unlock CPU Multiplyer بالبيوس
اعتقد الكسر مشهيكون على اقل من شريحه B85 ولان نظام تبريدها افضل من شريحه H81
انتظر على انتهاء الصيف القادم وتكون وفرت مشتت احترافى زى Hyper EVO 212 يمكنك من الكسر
بخصوص كارت ASUS GTX 750 مش هيحتاج كابل Pci 6Pin من الباور مباشره بالاضافه انه افضل فى استهلاك الطاقه ومسكور السرعه مصنعيا
سعره مناسب وادائه نفس اداء 650TI تقريبا لكن هتقدر تكسر سرعته لو الباور معاك كويس وادائه بالالعاب هيكون مماثل ل GTX 750 TI Refrence

[H_KIMO]

طيب إيه رأيك تجيب AMD A10-7800
سعره كويس 1050 جنيه وأداؤه عالى مع التطبيقات والألعاب بخلاف الزيادة المتوقعة فى الأداء مع DirectX12
وممكن قدام تحط عليه R250 ويشتغلوا مع بعض الإتنين

[حلمى محمد]

السلام عليكم
تسمحوالى بالمشاركه فى الموضوع
من رايى المتواضع انك تشترى cor i3 4150 وتصبر شويه لحد ماتجمع وتجيب كارت شاشه محترم
وموضوع الكسر مع البينتيم مش هايجيب نتيجه مرضيه

[محمد 9]

طيب إيه رأيك تجيب AMD A10-7800
سعره كويس 1050 جنيه وأداؤه عالى مع التطبيقات والألعاب بخلاف الزيادة المتوقعة فى الأداء مع DirectX12
وممكن قدام تحط عليه R250 ويشتغلوا مع بعض الإتنين

فعلا ممكن اعمل زى ما حضرتك بتقول بس يبقي انا كده ده اكتر تحديث ممكن اعمله والتنين مع بعض معتقدش ان هما هيجيبوا اداء r7 260x كمان ايه الكلام علي موضوع السخونة الشديدة للمعالج ده كمان هحتاج رام سرعة عالية 2133 وبوردة a88 وكدة التكلفة هتبقي اكتر من البنتيوم مع 750 مع h81 مع الرام 1600 او 1333

[محمد 9]

السلام عليكم
تسمحوالى بالمشاركه فى الموضوع
من رايى المتواضع انك تشترى cor i3 4150 وتصبر شويه لحد ماتجمع وتجيب كارت شاشه محترم
وموضوع الكسر مع البينتيم مش هايجيب نتيجه مرضيه

الفرق بينهم في الhypertherding ودى مبتفرقش جامد في الالعاب وانا شفت للبينتيوم اداء كويس مع 760 يعنى اكيد هيبقي كويس مع 750

[محمد 9]

مفيش اى خطوره من كسر سرعه المعالج على اللوحه ان شاء الله ....
تاكد من تحميل البيوس المناسب لتتمكن من عمليه Unlock CPU Multiplyer بالبيوس
اعتقد الكسر مشهيكون على اقل من شريحه B85 ولان نظام تبريدها افضل من شريحه H81
انتظر على انتهاء الصيف القادم وتكون وفرت مشتت احترافى زى Hyper EVO 212 يمكنك من الكسر
بخصوص كارت ASUS GTX 750 مش هيحتاج كابل Pci 6Pin من الباور مباشره بالاضافه انه افضل فى استهلاك الطاقه ومسكور السرعه مصنعيا
سعره مناسب وادائه نفس اداء 650TI تقريبا لكن هتقدر تكسر سرعته لو الباور معاك كويس وادائه بالالعاب هيكون مماثل ل GTX 750 TI Refrence

تمام جدا لكن اقوى كارت البينتيوم يستحمله هو ايه ده عشان قدام يعنى لو حبيت اجيب كارت اقوى

[phenomenon]

يا اخى هى متوقفه على اكثر من نظره واحده تجاه افضل كارت ( طبقا للخريطه المستقبليه )
ممكن اقول خليك فى الامان وهات كارت GTX 750 وبالمستقبل اعمل على ترقيه الكارت والمعالج
وممكن نقول ترقيه افضل زى Core I3-4150 وكارت شاشه زى R9-280
وممكن نقول Pentium G3258 + كارت شاشه GTX 770
وممكن نقول Core I3-4150 وكارت GTX 780
كل شىء قابل للعمل ولكن الامر متوقف على عنق الزجاجه ( Bottleneck ) ونوع اللعبه نفسها اولا واخيرا ووضعيه اعدادت اللعبه ايضا وطريقه عملها
والباور ايضا
لكن الافضل انك تحاول توصل لافضل اداء بالالعاب فوق 30 اطار فى اغلب الالعاب
وفى نفس الوقت تحسبها بطريقه ذكيه من اجل المستقبل ....
فى الربع الثالث من عام 2014 كانت افضل تجميعه اداء مقابل السعر على مواقع بالهاردوير تحمل G3258 + R9-280
والاداء بالالعاب جيد جدا ومفيش عنق زجاجه ملحوظ لكن حتى لو عنق الزجاجه محتمل وجوده فهيكون بنسبه ضعيفه
فاعتقد انك ممكن تشترى R9-280 لكن مع معالج I3-4xxx او i5-4xxx هتحصل على فرق كبير ملحوظ
ايضا لازم ان ذهبت لمعالج pentium تفكر فى لوحه ام يوجد لديها بيوس قابل لفتح معامل الضرب والاستفاده من الميزه دى
طالما انت ناوى على كارت شاشه قوى يعيش فتره طويله بدون تغييره - يبقى ضع الثوابت للمستقبل
لوحه ام داعمه للكسر + معالج بانتيم + كارت شاشه قوى + مشتت
ايضا انت مذكرتش الميزانيه بالتحديد ... ضع موضوع بقسم طلبات النصائح وشوف الاقتراحات

[محمد 9]

ادى كل المعلومات دقه الشاشة 900×1600 الميزانية 3000 جنيه هشترى باور ورام وبينتيوم وgtx 750 كده لسه البوردة انا معلوماتى عن كسر السرعة قليلة فهل h81 هتبقي كويسه في الكسر ولا p85 بالنسبة لبيوس قابل لفتح معامل الضرب ده يعنى ايه
ومعلش انا اسف علي الاسئلة الكتيرة

[phenomenon]

تمام اخى ... ضع موضوع بقسم طلبات تجميع الاجهزه واسمع الاقتراحات كلها وفضل بينها
بخصوص كسر السرعه هيكون سهل جدا من البيوس ان شاء الله بس لابد من المشتت
معامل الضرب اى ( اولا اقرا بهدوء للنهايه ومش تستصعب الامر )
معالج Pentium G3258 سرعته 3.2GHz اذن هو مضروب معامل الضرب فى التردد الاصلى = سرعه النواه
Multiplayer او MP وهو معامل الضرب للمعالج و BCLK او Base Clock وهو التردد الاصلى
مضروبين فى بعض يطلع النتيجه = Core Frequency او تردد نواه المعالجه

وبما ان التردد الاصلى اصبح واحد لكل معالجات انتل وهو BCLK = 100MHz
اذن بدون تفكير عامل الضرب لمعالج Pentium G3258 هو X32 لان سرعه نواه المعالجه فيه 3.2GHz وهى دى سرعه المعالج
عامل ضرب 32 x تردد اصلى 100MHz = سرعه انويه المعالج 3200MHz او 3.2GHz

كل اللى هتعمله هتدخل على البيوس وترفع معامل الضرب ده مع ضبط بعض القيم البسيطه جدا
يعنى هتعمل عامل الضرب ولنفترض x40 اذن الان المعالج بتاعك هيكون 4.0GHz
فى مراجع كتيره لكن انت لم تعد بحاجه لمراجع لان الموضوع بقى اسهل من الاول وخصوصا على معالج زى pentium
لكن بعد رفع معامل الضرب والوصول لسرعه 4.0GHz ربما لن تحصل على استقرار فى الاداء اذن انت فى حاجه لرفع الفولت تدريجيا
وهذا مثال لكل ماتم داخل البيوس للوحه ام ASUS H81 باحد المراجعات

CPU Voltage Mode: Manual
CPU Voltage: 1.31v
Load line Calibration: Medium
Multiplier:47

فقط اربع خطوات
الاولى تعديل امكانيه التحكم بالفولت
الثانيه ضبط الفولت على 1.31v
ضبط معايير التحميل على متوسط
رفع معامل الضرب ل x47

وبالشكل ده بدون اللعب فى اى قيم اخرى وصل لتردد 4.7GHz لمعالج بانتيم اى تقريبا 40% فى الميه اكبر فى كفائه اداء المعالج
وبرفع الفولت على 1.31 وصل لاسقرار النظام والحراره كانت ماكس 80C وغالبيه الجهد 60C على مشتت احترافى طبعا
لكن بنهايه المراجعه تم ضبط عامل الضرب على 45 وفولت 1.30
للاسف اللوحه مش هتساعدك فى بعض التعديلات الاخرى لكن قامت بالمهمه بشكل اكتر من كافى
معلوماتى عن بوردات داعمه لبيوس مفتوح معامل الضرب بشريحه H81 هى كل بووردات اسيوس
اما عن جيجابايت واسرروكوخلافهم شوفتلهم بسيط لكن ممكن نتاكد من بعض المصادر بالتفصيل عشان تكون مطمئن قبل ماتشترى

اى مشتت احترافى لابد من توفيره CM hyper EVO 212 حتى لو مستعمل
ودى نتيجه المراجعه بالنهايه ومثال للعبه BF + Metro LL فقط انظر لعدد الاطارات فى الشريط الازرق





المراجعه تمت مع كارت nVIDIA TITAN وبالتاكيد هيكون فى عنق زجاجه فى بعض الالعاب مع كارت زى ده
فى الصوره دى بيوضح عنق الزجاجه المحتمل - تاخير استجابه المعالج وهتلاحظ ان مفيش فرق واضح غير بس فى I5-4690
انظر للشريط باللون الاحمر فقط



لكن انت هتجيب 760 او 280 وبالكسر هتحصل فى اى لعبه من العاب العالم المفتوح 20 اطار زيده وتهرب من عنق الزجاجه
Ahhh
بردو اذا اردت تفسير اى شىء فى مشاركتى غير مفهوم ضيفه

[محمد 9]

كلام زى الفل بس g3258 يدعم رام 1333 حيصل ايه لو جبت رام 1600 وهل هتفرق في الأداء مع مازرh81

[H_KIMO]

هتشتغل بتردد 1333 ومفيش فرق فى الأداء