ديد بيكسل ؟ شاشة s27d590

[عبدالرحمن م]

السلام عليكم ورحمة الله
من يومين رقيت لشاشة سامسونج s27d590 ووصلت ليا من خلال الشحن
بعد التركيب مالقتش اى مشاكل من أول نظرة لكن بعدها بكذا يوم لاحظت نقطة غامقة فى اسفل الجانب اللمين عند عرض صفحة بيضاء
افتكرت فى الأول انها ذرة تراب وحاولت انضفها لكن ظلت كما هى
التقطت صورة وحاولت اقربها لكن زادت من حيرتى الحقيقة
https://s1124.photobucket.com/user/a...25601.jpg.html
النقطة مأثرة على 4 بيكسلات لكن فى نفس الوقت البيكسلات دى بتعرض ألوان وبتتغير حسب الصورة المعروضة بمعنى انهم مش dead

جربت أشغل برنامج UDpixel وركزته على البيكسلات اللى فيها المشكلة لكذا ساعة ولم يتغير شىء
النقطة من بعيد زى ذرة تراب بالظبط لكن مش عارف ابطل اشوفها واتضايق
هل ممكن تزيد مثلاً مع الوقت ؟ أو تكون فعلاً ذرة تراب جوا البانل ؟

كذلك فى جانبى الشاشة من اللمين والشمال بقرب الإطار الإضاءة اغمق بعض الشىء بعرض نصف سنتيمتر ... هل ده شائع فى شاشات LED ؟
https://s1124.photobucket.com/user/a...32927.jpg.html

[TIMO1]

هو فعلا عيب شائع للغايه وجود الديد او الاستوك بيكسل اذاك دائما بيفضل لو هاتقوم بالشراء تشترط على المحل التجربه والبعض يوافق والبعض يرفض .. المهم من جقك ان تقوم بارجعاها فى حاله ان كان العدد 5 ديد بيكسل ولو محل متعاون فى الصوره التى امامى 4 فلا اعلم ماهو سيكون رد الشركه التى قمت بالشراء منها على ذلك .
والاتربه لونهم بيظل ثابت اى ان عند تغيرك للون مثلان الاحمر سيظل الاتربه لونهم اسود وفى الازرق والاخضر كذلك اما ان كان ستوك بيكسل ستجد اللون الاخضر النقط تتحول الى ازرق اى الولن متغيره ولون الاتربه بيكون باهت خفيف غير واضح
ولكن الديد بيكسل او الاستوك بيكسل اوالايت بيكسل حجمه لا يزيد ولا يؤثر على باقى الشاشه ولكن هى حظوظ ومن العادى ان تشترى الشاشه ومع الوقت قد تصاب بديد بيكسل ولكن لن تزيد او تكبر ... فانصحك حاول التواصل مع الشركه لعل هناك خير او قم بفرز الشاشه جيدا على اللون الاسود فهناك مايسمى ستوك بيكسل قد تجد نقط ملونه فى اللون الاسود نقط لمونى مخضره رفيعه للغايه او اى نقط ملونه فى الاسود .

[عبدالرحمن م]

فعلاً يا أخى سياسات الشركات متزمتة جداً بخصوص مشاكل الشاشات، والرد موجود على كل مشكلة ... لايت بليد يقولك طبيعى فى الإل سى دى - ديد بيكسل يقولك على الأقل لازم 5 ... طيب ايه اللى الضمان بيغطيه ؟
النقطة مش معلقة على لون واحد ودى صورة ممكن تحملها بالحجم الأصلى https://s1124.photobucket.com/user/a...gbbig.jpg.html
لو بصيت حتى فى النقط اللى فيها المشكلة بالحجم الكبير بتلاقى الألوان بتتغير طبيعى، لكن المشكلة فى الغمقان اللى فوقهم ... هل ده معناه مثلاً إن البيكسلات عالقة عالأسود أو على وشك انها تموت ؟
كذلك مش قادر اقتنع مثلاً إنها ذرة تراب . بحاول اضرب على النقطة بطرف صباعى عشان لو جوا البانل نفسها لكن مش بتتحرك من مكانها ... !!

[TIMO1]

ممكن نتكلم بالمنطق انا حصل معى بالفعل مره منذ وقت كبير كنت امتلك شاشه ال سى دى وطبعا كانت الشاشه من الظهر مفتحه للتهويه ولاحظت بعد حوالى عام ونصف من وجود شىء باهت اللون ولونه ثابت لايتغير فى اللون الابيض ويعطى اللون الاسود فى باقى الالوان فاعتقد انه ديد بيكسل وعندما ذهب بالشاشه للوكيل قام باخبارى انه تراب وطبعا اعتقد ان ذلك تهرب منه للاعتراف بالديد وكانت كثيره جدا حوالى 7 وفعلا بعد يومين ذهبت لاحظت انه تم فتح الشاشه ومحاولتهم لازاله الاتربه وتم ترحيلها من منتصف الشاشه الى الاسفل قليلا وفى النهايه الوكيل كان منتهى الاحترام وقام بتدبديل الشاشه باخرى وكل ذلك فى خلال 3 ايام ... ما اقصده الشاشه جديده زيرو والشاشات الحديثه شبه معدومه اى منفذ للدخول الهواء سوى النقطه من الخلف التى تكون على شكل قفل للحمايه وبتكون فى اسفل الشاشه يعنى من المستحيل ان يدخل التراب لو كان ذرات تراب الى الشاشه الا لو هى قادمه بمثل هذا العيب وهو شىء غريب للغايه
حاول ان تبحث ان نقط اخرى حتى تكملهم 5 حتى لو لايت بيكسل ليكون مجموع ما يعترف به الوكلاء او حاول التواصل مع المحل لعل يكون هناك اسثناء .