حرارة البروسيسور والبوردة مرتفيعن دون سبب

[ahmed_BF4]

السلام عليكم
اسف للتاخير ف الرد لكن لسة راجع من السفر امبارح بالليل وانا عملت الاتى
1 - تم تغيير الباورسبلاى من الشركة واستبداله بواحد اخر جديد ( كده هنستبعد الباور ونركز ع الرامات )
2- تم تغير االويندوز وفحص الجهاز من الفيروسات ( ببرنامج افيرا ) والحمدلله خالى من الفيروسات
3- تم فحص فولت البروسيسور ببرنامج CPUZ والفولت ف حالة الخمول 0.71 يعنى مفيش ( 1.06 ) اللى كانت موجودة قبل تنزيل النسخة
4- خلال العمل ع الجهاز ف تنزيل النسخة وتسطيب التعريفات والبرامج اللازمة لم يفصل باور او يعد تشغيل من تلقاء نفسه ....
5- أعتقد ان كده للتأكد والاطمئنان ممكن نتجه لاختبار الرامات ..فما هو البرنامج اللى تنصحنى استخدمه للاختبار ؟ وهل هختبر كل رامة لوحده ف كل ال slots ولا يكفى اختبار الرامة ف slot واحد ؟؟

[phenomenon]

وعليكم السلام ورحمه الله وبركاته ... الحمد لله على سلامه العوده
توقف هنا اخى وياريت متكونشى سطبت اىه برامج اخرى ...
افتح Event Log وشوف هناك ايه اخطاء مثل السابقه ام لا

[ahmed_BF4]

الله يسلمك اخى
انا فصحت الجهاز من الاخطاء ولم اجد شىء يذكر الا هذا الخطأ لانه موجود بصورة متكررة
https://store1.up-00.com/2015-04/1430205090251.jpg

[phenomenon]

ممكن يكون اخطاء فى اتصال الانترنت عموما جرب تبدا تضغط على الجهاز وافتح برامج الحراره امامك عشان تتاكد

[ahmed_BF4]

السلام عليكم اخى ..ارجو ان تكون بخير وفى تمام الصحة
انا بدأت انهارده جربت مثلا لعبة باتلفيلد 4 لمدة ساعة ونصف تقريبا
حرارة البروسيسور وصلت لحد 64 مئوية ..
وحرارة الكارت وصلت لحد 58 مئوية ..
وكل حاجة كانت ماشية كويس والجهاز معملش اعادة تشغيل ولا قفل من نفسه ..
فهل تنصح بختبار الرامات ؟؟ ولا هنفترض انه كان باور سبلاى ومفيش داعى لاختبار الرامات الا ان تظهر المشكلة مرة اخرى ؟؟

[phenomenon]

وعليكم السلام ورحمه الله وبركاته .. جزاك الله كل خير اخى ماشى الحال والحمد لله
انصحك باختبار الجهاز على برامج المراجعات اخى مش الألعاب
جرب برامج كثيره مثل Aida64Extreme النسخه الكامله
جرب برنامج Sisoftware Sandre واعمل Overall Benchmark واتركه للنهايه
جرب برنامج PCMARK8 + 3DMARK8 من الموضوع ده << برامج الــــــ Benchmarking اللازمه للضغط على الهاردوير واختبار الاداء >>
جرب برنامج performance test + Furmark وتابع الحراره لكل مكونات الجهاز اثناء الاختبارات
هذه هي الطريقه الصحيحه للاطمئنان
انتظر بين كل برنامج والأخر فتره ربع ساعه
بعد ذلك اخبرنا النتيجه قبل الانتقال الى الرام ربما يكون كانت مشكله بالتعريفات السابقه او الباور فقط
وتابع حراره الهارد نفسه ايضا

[ahmed_BF4]

تمام اخى
هشوف طريقة الاستخدام ع اليوتيوب شرح وكده ليهم علشان اكون فاهم بس انا بعمل ايه
وهرفع النتائج لحضرتك بإذن الله
بالنسبة لحرارة الهارد لو كانت هى هى ال Air flow اللى فى برنامج ال HWmonitor فهى لاتتعدى ال 37 وف الغالب بتكون ثابتة على كده
ولكن هشوف لو هتختلف وقت الضغط بالبرامج ولا لأ
فى اقرب وقت إن شاء الله هرفعلك النتائج
وجزاك الله خيرا على متابعتك واهتمامك

[Black_Spy]

شكلها كده كانت مشكلة باور سبلاى بس جرب وقولنا عشان تطمن اكتر

[ahmed_BF4]

أكيد اخى هعمل التيست علشان تبقى صفحة وقفلناها للابد وإن شاء الله تطلع نتائج مطمئنة ..انا بس مستنى انزل البرامج لان النت عندى بعافية شوية :D
والتحميل مش سريع اول ما انزله واعمل التيست هرفع النتائج علاطول لان انا كمان عاوز اطمن