استفسار بخصوص بروسيسور amd fx 6300 الرجاء الدخول والمساعده

[boyka_atef]

بسم الله الرحمن الرحيم والصلاه والسلام على رسول الله

اولا تحياتى لكل اعضاء ومشرفى هذا المنتدى الكريم وتقبلونى عضو فاعل بأذن الله يفيد الاعضاء بقدر خبرتى بأذن الله لكن اسمحولى ان تكون اول مشاركاتى هو استفسار من اهل الخبره واتمنى ان تفيدونى بأذن الله اولا يا جماعه انا من كام يوم فاتوا اشتريت كيسه جديده كليا من مول السخاوى اللى فى مصر والكل يعرفه اكيد وكلفنى بظبط 4500 جنيه وامكانياته انا كاتبها فى الملف الشخصى بتاعى ولكن هكتبها هنا فى الموضوع بردوا عشان تساعدكوا انكوا تساعدونى والاجزاء هى
1-المازر بورد GIGABYTE BY AMD970A-D3P
2- البروسيسور CPU AMD FX-3600 BLACK EDITION
3- عدد واحد قطعه

RAM

TEAM 4G-1600 DDR3 DARK
4-الهارد ديسك HDD 1 TERA BLUE
5- كارت الشاشه SAPPHIRE R9-270X 2GB DUAL-X
6- الكيسه THERMALTECK WITH POUER SUPPLY COMMANDER MS/lll 500W

هى ديه كل الحاجات اللى اشتريتها يا جماعه الكلام ده من حوالى اسبوع تقريبا المهم من هنا يبدا استفسارى بقى
انا بعد ما نزلت ويندوز 7 (ULTIMATE 46) التصفح على النت سريع جدا والحمد لله وكل العمليات بتتم بسرعه لدرجه انى نزلت الوندوس فى 10 دقائق ويمكن اقل كمان
والفرق واضح كمان فى السرعه مع لابتوب اخويه اللى بيحتوى على بروسيسور

INTEL I5

لكن المشكله فى ايه بقى لما نقلت للكمبيوتر الجديد بتاعى لعبه FIFA 14
و

NEED FOR SPEED

RIVALS لما جيت اشغلهم درجه حراره البروسيسور بترتفع جدا وبتتراوح تقريبا من 60 ل 65

:ah8:

وبتبدا مروحه البروسيسور تدور بسرعه جدا لدرجه ان صوتها بيبقا مزعج فى محاوله منها لتبريد البروسيسور انا الموضوع ده دايقنى جدا بصراحه قولت طالما هو مع فيفا 2014 وبيسخن كده امال لو نزلت لعبه CRYSIS 3بأذن الله وحاولت العبها ممكن توصل درجه حرارته لكام المهم بعد بحث طويل جدا فهمت من موضوع كان فى احد المنتديات انك لو عاوز تختبر البروسيسور والرامه نزل برنامج
PRIME 95 وبرنامج HW MONITORالمهم نزلت البرنامجين وضغط على البروسيسور لمده 19 دقيقه تقريبا اقصى درجه حراره عملها كانت 67 فأنا دلوقتى عاوز اعرف كده البروسيسور درجه حرارته طبيعيه ولا كده عاليه وهل هو بايظ ولا سليم لانى بصراحه جايب الجهاز للجيمز وبدرجه الحراره ديه اخاف اشغل عليه جيمز لفتره كبيره ليتحرق
اها نسيت اقول ليكم حاجه مهمه ان لما بلعب نفس الالعاب ديه على لابتوب اخويه بسمع صوت المروحه بتاعته انه زادت لكن مش بنفس مقدار المروحه بتاعت البروسيسور بتاعى طبعا فأرجوكم بالله عليكم تفيدونى علشان هما مدينلى 14 يوم ليه حق الاستبدال او الارتجاع وكده فات اسبوع وانا عمال ابحث ومش لاقى اجابه قاطعه هل الكمبيوتر بتاعى سليم ولا بايظ واخيار احب اعرف ايه رأيكم فى التجميعه ديه معلش اطلت عليكم الكلام وكزاكم الله

[Black_Spy]

اولا مبروك على الجهاز الجديد قبل اى شىء

بخصوص البروسيسور اعتقد انت كاتب اسمه غلط المفروض انت تقصد AMD FX-6300

على كل حال درجات الحرارة عالية والبروسيسور بتاعك سداسي النواه يعنى انت محتاج مشتت لان الفانه اللى جايه مع البروسيسور مش هتنفع خصوصا اننا خلاص بقينا فى الصيف

انا ارشحلك تجيب مشتت من دول

Cooler Master Hyper T4 CPU Cooler ... 250 LE
Cooler Master Hyper 103 CPU Cooler ... 200 LE

[ahmed_BF4]

أحى درجة حرارة 60-65 مع الالعاب فى مثل هذه الجو مش مرتفعة اوى ولا حاجة ولا الموضوع مقلق ولا حاجة لكن اللى اعرفه ان درجات الحرارة لمعالجات AMD بتكون اعلى من الانتل بفارق بسيط فى نفس ظروف التشغيل انا عندى الانتل وانا شغال بالليل يعنى الجو مش حر اوى ومشغل مروحة الاوضة بيوصل ل 63 اثناء الالعاب لو لمدة ساعة مثلا او اكتر .. وزى ما الاخ black_spy نصحك طالما بتلعب و الجو حر وكده هات مشتت احتارفى افضل وهيريحك من القلق ده علاطول

[boyka_atef]

بعد التحيه وبعد السلام على اخويه black -spy واخويه ahmed bf4 اولا شكرا على اهتمامكم بموضوعى والرد عليه وجزاكم الله خير بأذن الله

انا قرأت تعليقم وفهمت منه ان درجه حراره 65 درجه :ah5:ديه تعتبر طبيعيه مع الالعاب بس احب اقولكم حاجه نسيت اذكرها انه بيوصل للدرجه ديه بعد 5 دقائق من فتح اللعبه مش بعد ساعه او اكثر
ولو على المشتت الاحترافى فأنا ناوى اشتريه بأذن الله زى ما قالى بلاك اسباى بس كنت عايز اعرف يعنى انا كده البروسيسور سليم وحرارته كده طبيعيه ولا فيه عيب معلش يا جماعه لو كنت بلح فى سؤالى عليكم علشان انا لغايه اللحظه ديه فى ايدى انى اغيره او ارجعه لكن لو فاتت مده ال 14 يوم اللى فى الضمان كده هيقى اقصى حاجه انى اصلحه

معلش سؤال بالمره انا لو اشتريت المشتت ابو 250 جنيه اللى قال عليه بلاك اسباى ممكن البروسيسور تبقى درجه حرارته كام مع الالعاب وشكرا واسف على الاطاله :D

[Black_Spy]

الشكر لله أخى الفاضل ومفيش اى مشكلة من انك تسأل زى ما تحب

البروسيسور بتاعك بروسيسور من الفئة العليا وانا وجهة نظرى انك لازم تجيب المشتت سواء كنت لاحظت ان الحرارة عاليه او لاء لان الفانه اللى بتيجى مع البروسيسور فى نظرى لا تصلح ولا يعتمد عليها

والبروسيسور مفيهوش عيب ولا حاجه لاننا حاليا درجات الحرارة للجو فى مصر مرتفعه اصلا وطبيعى ان اى حد يلاحظ ارتفاع فى درجة حرارة الجهاز فى الايام الحاليه

بس المهم انك تحط معجون حراري ماركة كويسة وكده كده بيجى مع المشتت انبوبة معجون حرارى كولر ماستر حط منها بس متحطش كتير يادوب كمية اد قطرة الماء كده فى منتصف المعالج واتأكد انك مسحت المعجون القديم كويس جدا قبل ما تحط معجون جديد

وركب المشتت كويس وإتأكد انك ركبته كويس وبعدها بخصوص درجات الحرارة مع الضغط ممكن تزيد عن 65 بس بعد فترات طويلة من الضغط مش من اول 5 دقايق زى ما بتقول

بس المهم بردو التهوية الكويسه للمكان اللى الجهاز فيه عشان دا بيفرق كتير فى درجات حرارة الجهاز طبعا وتركيب مراوح للكيسة لو امكن عشان تظبط حركة الهواء داخل الكيسة كمان