Lenovo P70
السلام عليكم ورحمة الله وبركاته لو سمحت انا بأذن الله هشترى موبيل وكنت بفكر فى htc desire 816
فهل هو كويس ولا فيه حاجة تانية بنفس سعره او اقل وافضل
وشكرا جزيلا
ملحوظة : انا مش عايز اشترى samsung
Lenovo P70
زي ما قال fate/zero
ضيف عليهم لينوفو a5000
لينوفو s60
هواوي 3c
هواوي g750
وصحيح انت بتكره سامسونج، بس حط من الخيارات جراند 2
اصل انا خايف حضرتك اجيب lenovo او huawei لأن سمعت ان عيوب النظام بتاعتهم كتير
كمان عايز حاجة تكون performace عالية وفى نفس الوقت امكانيات معقولة ويعيش معايا عشان كده انا بعدت عن ال samsung
ولا حضرتك رأيك ايه ؟
كمان سمعت من اكتر من واحد اشترى لينوفو و واوى
وخصوصا لينوفو واعد يموين تلاتة بعد كده بدأ يهنج مع ان الموبيلات الى اشتروها مكنتش رخيصة
التعديل الأخير تم بواسطة mohamedmostaf ; 26-05-2015 الساعة 14:07
كلام غير صحيح حكاية عيوب النظام
اي موبايل ممكن يكون فيه عيب سوفتير ويتعدل بسوفت تاني
جراند 2 عامل مشاكل بهد تحديثة للولي بوب، ده مش معناه ان الهاردوير وحش
وهو بالمناسبة موبايل كويس بسبب الرامات اللى فيه - 1.5 جيجا
ومافيش حاجة اسمها موبايل بيهنج بعد يومين، لينوفو على ما اظن الرابع عالميا في المبيعات، مش معقول وصلت لده بموبايلات بتهنج
الخلاصة في الموبايلات الآتي: مش مهم العلامة التجارية، المهم المكونات فيما عدا الكاميرا والبطارية (يعني من اي علامة تجارية متوسطة او ضعيفة ما تصدقش ان الكاميرا 13 ميجا والبطارية 4 الاف، لكن صدق ان المعالج ثماني والذاكرة 8 جيجا)
المهم دي افضل خيارات ليك، الهواوي 750 حيديك اسرع اداء، واللينوفو بي 70 يتفوق عليه بحوالي 25% في السرعة
بالمناسبة موقع سوق كوم وجوميا حيعملوا عروض خلال يومين على موبايلات كويسة
بالمناسبة كمان سوق عندها موبايل اسمه انفنكس x551 سعره غريب ويستحق الاهتمام (ما تصدقش ان البطارية بتاعته 4 الاف ولا الكاميرا
على العموم شكرا لحضرتك انا بقول الى سمعته والله انا معنديش خبرة فى الموبايلات خالص اكيد حضرتك تعرف اكتر منى بكتييييييييييير
طب حضرتك هل الموبايلات ديت هتشغل معايه العاب كويس عشان انا مش لاقى حد عاملهم مراجعة فى الألعاب ملقتش غير ل htc desire 816 والصراحة ادائه ممتاز
ولا ايه ؟
بص يا سيدي
الHTC Desire 816 ده نفس مواصفات السامسونج جالاسكي جراند 2، وهو معالج سناب دراجون 400 مع 1.5 رام، ودي مواصفات قليلة خصوصا ان المعالج بطيء شوية
من غير ما ادخلك في تفاصيل، معالج الهواوي 750 اعلى بكتير منه، ومعالج البي 70 اعلى من الهواوي، فهما دول افضل خيارين ليك في الالعاب في الشريحة السعرية دي خصوصا انهم 2 جيجا رام
اي موبايل في العالم لازم تلاقي ناس بتشتم فيه وناس بتمدح فيه
طالما مافيش فيه عيب صناعة يستدعي سحب المنتج من السوق، ومعاك ضمان، ومواصفاته كويسة، يبقى لا تقلق
ع العموم الهواوي 750 فيه كل اللى انت عايزه تقريبا، ويتفوق بمراحل على الديزر 816
للأسف مش حقدر افيدك في النقطة دي
اللى انا متأكد منه انك بتشتري نفس موصفات الجلاكسي جراند تو، وانه اصبح موبايل من الفئات الضعيفة
الهواوي 750 اقرب حاجة لطلبك، وفي نفس الوقت فيه منه من ماركات مجهولة زي إنجو وأنفنكس وبأداء كويس جدا وبنص السعر، تحديدا innjoo one
وإنفنكس هوت x551
بتاع إنجو مش موجود دلوقتي وكان اخر سعر ليه 1200ج
وجوميا بعد كام يوم حتعمل عروض حلوة
https://www.jumia.com.eg/ar/mobile-w...l=bgimage#wiko
منها الموبايل ده
https://www.gsmarena.com/wiko_highway-6465.php
ميزة الهواوي 750 في الاكسسوار بجانب الاداء والسعر المعقول نوعا ما
وميزة البي 70 في المعالج والبطارية، حاجة خرافة
التعديل الأخير تم بواسطة setup ; 28-05-2015 الساعة 07:11
المفضلات