عليكم السلام ورحمه الله بوركاته ... منور
المعاجين الاحترافيه غالبا سنه ونصف او سنتين قبل ماتفكر تغييرها
السلام عليكم.. من حوالى شهر اشتريت معجون Zalman ZM-STG2 Thermal Grease .. كنت ناوى استعمله على المعالج, سؤالى هو هل المعجون بينتهى الصلاحية او ينشف مثلا بعد وقت معين؟ علشان انا لسه مستعملتوش خصوصا بعد ثبات درجات حرارة المعالج بعد تنظيف الكيسة .. و مظنش انى هستعمله قريب
عليكم السلام ورحمه الله بوركاته ... منور
المعاجين الاحترافيه غالبا سنه ونصف او سنتين قبل ماتفكر تغييرها
طب سؤال معلش لتدخلى بس هو فى سياق الموضوع , المعاجين الحرارية العادية نظامها اية ؟
يعنى انا جبت معجون ب 3 جنية اسمه halnziye thermal grease hy 510 انبوبة كدة بتلاتة جنية دة امن لاستخدامه ولا بلاش من الحاجات دى واجيب احترافي احسن ولو امن يفضل يتغير كل اد اية مثلا
مفيش قلق من استخدام اى معجون مهما كانت ماركته لان الغرض الاساسى منه عدم تلامس الاسطح المعدنيه للمعالج ولقاعده المشتت سويا
اذا فى نسبه تلامس بينهم ستكتشف ان درجه الحراره اعلى مما ينبغى
وهذا هو الغرض الاول والرئيسى من المعجون فقط ( طبقه عازله بسماكه اقل من 1mm اى لا تراها العين تقريبا )
بس كفائته اكيد فى الاستمراريه والتبريد ايضا ممكن مش بكفائه المعجون العالى شيئا ما يعنى ممكن تكتشف درجه حراره المعالج بمعجون احترافى اقل 2 او 3
لكن فى الواقع عشان اكون صريح معاك طريقه اضافه المعجون هى التى تصنع غالبا هذا الفارق
هناك انواع معاجين خطيره تتسبب فى تلف الهاردوير لو غلطت غلطه معاها ( معاجين رخيصه )
هناك معاجين ليست بهذه الخطوره وربما تكتشف انك قادر على ازاله شوائب خرجت عن ايديك وانت بتضيفه فى مكان مش مناسب لوضعها ( معاجين جيده )
المهم متشغلوش بالكوا : اى معجون وطريقه اضافه وازاله المعجون القديم اهم شىء
كل عام وانتم بخير
افادك الله على هذه المعلومات القيمة.. كان عندى استفسار اخير بخصوص طريقة وضع المعجون, انا شوفت ناس بتضعه على شكل نقطة بحجم البازلا فقط, و ناس تانية تقول ان لازم المعجون يكون مغطى سطح المعالج كله يعنى لازم تعمله مسح على السطح بأكمله عشان ميحصلش عدم تلامس بين سطح المعالج و قاعدة المشتت.. انهى طريقة صحيحة فيهم؟
الطريقتين مكملين لبعض
بمجرد ما انت وضعت المعجون بحجم الحبايه وبدات تنزل بالمشتت على سطح المعالج وتضغط ضغطه خفيفه موزونه فى المنتصف بيبدا المشتت
يقوم بالمهمه لانه مسؤل عن تمدد نسبه المعجون مع الضغط عليه وبالشكل دا بدون اى تدخل منك المشتت قام بالمهمه
خدبالك مش تضغط جامد جدا لا الامر بسيط جدا انت ممكن بمجرد تركيبك بس للمشتت النحاسى بس وتربط المسامير هو قام بالمهمه
بس انا بقولك ضغطه خفيفه فى المنتصف لان احيانا كلبسات المشتتات المصنعيه Tricky شويه فى ربطها وانت اكيد فاهمنى
لان انا شوفت ناس ايديها تقيله جدا فى الضغط على المشتت عشان عمليه تمدد المعجون ( لا مجرد ضغطه موزونه القوه فى المنتصف وانت اكيد فاهمنى بردو )
عشان خاطر متنساش ان فى بالاسفل خالص سنون او بنن البورده والمعالج وعشان مش تتاثر سلبيا فى الضغط الثقيل جدا وكمان عشان تمدد المعجون ميسحبشى كتير للاطراف
كمان انت بمجرد ماهتضيف وتركب المشتت عادى جدا حتى لو مشضغطت بس ربط كويس متقلقشى بس بردو انا بقولك لان فى بعض المعالجين العاليه سميكه
وبتحتاج الضغطه الخفيفه دى ( عامله زى gum اللبان ) لكن عموما يعنى ضيف وركب وشغل وشوف الحراره وانت بنفسك هتلاقى كل شىء تمام
المفضلات