مشكله الحراره فى الكيسه التجاريه

**ابوعماد3** · 05-08-2015, 00:47

السلام عليكم ورحمه الله وبركاته
انا كنت منزل موضوع عن الحراره قبل كده ولقيت الحل انى اجيب معجون

حاليا صديق لي عنده مشكله الحراره فى الكيسه الجديده

امكانيات r9 285
fx 6300
4gb ram
المهم الكيسه اللى عنده تجاري وهو حالته مشطبه
والكيسه مفهاش غير مروحه واحده وبايظه
فهو فاتح باب الكيسه

فهل ده غلط ولا لأ
حراره الكارت فى الخمول 53

**ابوعماد3** · 05-08-2015, 01:08

الباور
cooler master exterme 500w

وجه يشغل furmark تست
الجهاز مش راضي يشتغل
وتقريبا الباور اتحرق
الحقونا يا رجاله
وهل انا السبب لما شغلت التست ولا الباور عاجلا ام اجلا هيتحرق ؟

**ابوعماد3** · 05-08-2015, 01:19

الحقونا يا رجاله

**ابوعماد3** · 05-08-2015, 01:49

!!!!!!!!!!! مساعده
فينكم يا رجاله

**ayoub_bob** · 05-08-2015, 02:22

سؤال كيف لكيس ليس بها تبريد
تقمو بتشغيل برنامج ضغط على قطع الهارد واير
طبعا اكبر خطاء
===
المهم جيب باور اخر وجرب
وانتا وحظك اما يقوم الجهاز او لا
و اذا فشلت اذهب لفنى ومعك الكيس ليجرب القطع ويعرف اين المشكلة

**ابوعماد3** · 05-08-2015, 02:34

الكيسه قامت على باور تانى
هل ده غلط ؟
المهم
انا السبب والبرنامج
ام عاجلا ام اجلا كانت هتتحرق ؟

**ابوعماد3** · 05-08-2015, 03:12

!!!!!!!!!!!! برجاء الرد
هل انا السبب ؟

**ashraf77160** · 05-08-2015, 04:10

بصراحه خساره كارت شاشه و بروسيسور زي ده يشتغل في كيسه تجاري

لكن لو مضطر لازم أهم شيء تجيب بور يكون ماركه كويسه و يكون البور زايد عن الاستخدام لانه فيه حاجه اسمها صافي

يعني البور ال 500 مش صافي 500 يعني تجيب علي الاقل 650وات عشان تكون في الامان و مطمن و الحمد لله انها جات في البور و مش في كرت الشاشه او حاجه تانيه

ثانيا لازم تظبط لتهويه في الكيسه و لو هتسيبها مفتوحه عليك و علي مروحه و لو صغيره حتي تعمل تيار هواء يطرد الحراره الداخليه للقطع و خاصة الجو الايام دي نار

**ahmadrashad** · 05-08-2015, 06:16

السلام عليكم ورحمه الله

عموما ترتيب الاسلاك داخل الكيسه مع وجود مروحه واحده علي الاقل مع قفله باب الكيسه افضل من فتحه الكيسه لان قفله الباب بتعمل سحب هواء جديد وطرد هواء سخن غير كدة المروحه هتسحب الهواء الي كثافته اقل انت عارف الهواء البارد بينزل لتحت والهواء السخن بيرتفع لفوق عشان كدة لازم الكيسه تكون وحده مقفوله ودة بيظهر في الكيسات الاورجينال في منها مبيشتغلش والباب مفتوح وفي منها بيرفع سرعه دوران المراواح لاعلي درجه لمجرد فتحه الباب بس لانه بدل ما بيسحب من خلفيه الجهاز ممكن يكون بيسحب من الهواء ويطرد في الهواء لو مفيش مراواح بقي فتحه الكيسه مع مروحه مباشره دة هيكون اقل حل مؤقت عشان تعدي الجو الي احنا فيه ذي الاخ اشرف ما قال وشكرا

**snow leopard** · 05-08-2015, 23:02

اساسا اى باور من كولر ماستر جنب اسمه اكستريم دا باور كارثة ومتشترتهوش بتاتا

**عادل مرجان** · 05-08-2015, 23:18

ربنا يعوض عليك فى باور وبنسبة للتهوية اهم شىء يكون فى جنب الكيسة مكان مروحة خليها تشفط هواء من الخارج ودة تعرفة بورقة لم تشفط الورقة اجعل هذا الجنب للخارج