هو ممكن البور سبلاى بيضعف مع الوقت

[peter magdy mon]

مساء الخير يا شباب
معايا بور سبلاى HEC 600W
و دى مواصفات جهازى
ASUS M4A785TD-V
APOGEE 1600 2x2GB CL8
AMD 6950/2GB @ LED SAMSUNG PX 2370
الجهاز سعات مرة واحدة يطفى كأنى شلت الفيشة و مرة تظهر الشاشة الزرقاء و تعد لغاية 100 و يطفى
ووقت اول ما افتح الجهاز و مرة يقعد معايا شغال كويس بدون مشكلة
انا حاليا شلت كارت الشاشة خالص و شغال بكارت بلت ان و سعات برضو بيعمل كدة
و سعات بتظهر لما بسطب لعبة مثلا و هشغل فيديو اثناء التسطيب
كدة المشكلة فى اية بالظبط
شكرا

[phenomenon]

مساء النور
ايوه فعلا ممكن نمسك مكثفين فى ايدينا ونقول ايوه احنا لازم نغيرهم بعد سنتين وغالبا بتكون نوعيات المكثفات الصينى واكيد دى النوعيات المتواجده فى باور HEC
ولكن لما بنقول سنتين مقصود بيها سنتين من العمل المتواصل دون انقاطع 24/7/30 باستمرار وايضا تحت درجات حراره معينه حسب تقييم المكثفات وليكن 85C او 105C

عكس المكثفات اليابانى والتايوانى ممكن نقول 5 او 7 سنين
ولكن اكيد كل الامور دى نظريه لان اكيد الباور استخادمه مختلف لجميع اجهزه الديسك توب المنزليه ومتنوعه بشكل كبير مش بتوصل لعدد الساعات المتواصل
لذلك الباور بيعيش 5 و 10 سنين عادى ولكن بطبيعه الحال المكثفات حالتها بتسوء وبتبدا تضعف فى قدره تخزين التيار وتصحيحه

انت ممكن تكون شغال حاليا بباور فيه مكثف عطلان ومش تعرف لان المكثفات الباقيه قايمه بدوره خاصه لو تحميلك على الباور مش محتاج جهد المكثف العطلان
بغض النظر عن الاعمار : الباور بيتحمل اخطاء مالهاش عدد من شبكات الكهرباء وخاصه لما نتكلم على مصر
شوف الكهرباء بتقطع كام مره وشوف الكهرباء بتضعف كام مره فى اليوم او الاسبوع

المشكله الرئيسيه : مش باور وبشكل كبير جدا اعتقد والله اعلم ان الباور سليم 100%100
الشك يمكن بالهارد او الرامات او حتى درايفرات غير متوافقه مع نظام شغلك او فيروسات

افحص الجهاز بانتى فيرس كويس
اتاكد من توافق التعريفات بشكل سليم وياريت تثبت نسخه ويندوز جديده مناسبه للتعريفات الحديثه كويندوز 7 على الاقل
ثبت اخر تعريفات مستقره لكارت الشاشه
لو معاك كارت لان خارجى بلاش تثبت تعريفه مؤقتا
ثبت تعريفات البورده المتوافقه ايضا مع بوردتك ونظام الويندوز بالضبط ( حمل التعريفات الحديثه من صفحه اللوحه الام المناسبه لنظام الويندوز واصدار اللوحه )
بلاش تثبت تعريف كارت صوت خارجى الان لو معاك كارت لان خارجى

اكشف على الهارد ببرنامج HD Tine

شوف النتيجه

[peter magdy mon]

انا متشكر جدا جدا لرد و اهتمام حضرتك
انا عملت زى حضرتك و بشك فى الرامات و بقا بيحصل حركات و فضل شكى يروح للرامات و البور
انا شلت كارت الشاشة و نزلت الجهاز لبتاع صيانة جنبى هنا
فضل يعمل معاه كده برضو
فحط بور من عنده و سيبلتو الجهاز نص ساعه و محصلش اى تهنيج او ريستارت
كده شكرا للبور بس عايز اقول لحضرتك فعلا نوع البور ده محترم جدا جدا . الشهر ده قفل 5 سنين عذاب و انتقام بصراحه مع كسر سرعه البروسور و تحويل كارت الشاشه ل 6970 و كسر سرعته مع كسر سرعه الرامات كمان و شغل و لعب طحن انا مش زعلان منه و كتر خيره والله
دلوقتى اشترى ايه
هل اشترى نفس الموديل 600w ولا اشترى نفس الماركه 700 w جاجور باين اسمه
على اساس ممكن اغير كارت الشاشه مستقبلا
و اعلى كارت شاشه ممكن يشتغل مع البروسور ده
متشكر جدا جدا لحضرتك

[peter magdy mon]

طب بعد اذن حضرتك فيدنى فى شراء بور جديد
هل اشترى
hec cougar cmx 700 watt
ولا ماركهSeaSonic 620w
هو فيه مودليين ممكن حضرتك تفيدنى ايه الفرق بينهم غير موضوع التحكم فى الكبلاتSeaSonic S12II Bronze 620W 80 PLUS Certified PSU تمنه 650 جنيه
.......Seasonic M12II 620W EVO Edition 620-Watt 80 PLUS Bronze Full Modular PSU سعره 775 جنيه
انا استخدامى ميتعداش 4 ساعات فى اليوم و كمان مش بقعد كل يوم على الكمبيوتر
و مستقبلا ممكن اغير الكارت بحاجه اعلى
هل فرق السعر يستاهل . ممكن تشرحلى بعد اذنك
شكرا

[phenomenon]

خلاص اخى الكريم .. ربنا يعوض عليك ... اها انصحك طبعا بماركه Seasonic هيتحمل معاك فتره عمر اكبر ان شاء الله
اللى سعره مناسب ليك اشتريه الاتنين نفس الكفائه ونظام التصميم من الداخل وتقريبا الفرق الوحيد هو اللى حضرتك ذكرته ( ترتيب الكابلات )

[peter magdy mon]

انا متشكر جدا لزوقك حضرتك
طب هل ممكن تفيدنى لو حبيت اشترى رامات جديدة
كنت عايز اشترى رامات 2x4gb تكون بمواصفات
1600 - 1.5v - cl 9 مثلا
فى ماركات كتير حضرتك ممكن تقولى انى افضل
CORSAIR Team G.SKILL

[محمد البرديسى]

CORSAIR اختيار ممتاز

[phenomenon]

الرامات المدعومه من خلال صفحه اللوحه الام Memory Support List هى الافضل لتجنب مشاكل التدعيم وماشابهه
جميع الماركات زى بعضها : المهم التوافق مع اللوحه الام وغالبا جميع الماركات المشهوره بتكون مدعومه لاغلب اللوحات الام
ولكن مش دايما او احيانا بيتم التدعيم بعد تحديث البيوس ولكن مش دايما ايضا

[l_POSEIDO_l]

اعتقد انها مشكلة في الهارد او نسخة ويندوز اصبحت مفيرسة

[peter magdy mon]

انا متشكر جدا لحضراتكم
انا اهاردة اشتريت باور SeaSonic S12II Bronze 620W
و للاسف اضطريت اشترى رامات team 2x4gb 1.5v 1600 black
قلبت سوق العصر على رامات ملقتش غير تيم و كينج ستون فقط - و تحس ان الرامات اختفت و لو استنيت شوية مش هلاقى اللى موجود حاليا
ف توكلت على الله و اشترتهم
اية رأيكم فى الرامات
شكرا