مساعدة بخصوص لاب لينوفو y5070

[hassan112]

السلام عليكم و رحمة الله و بركاتة ..

انا الحمدالله اشتريت لابتوب لينوفو y5070 رام 16 و core i7 4720hq 6mb و gtx 960 4gb ddr5
اللاب كويس جدا و مشغلى bf4 و gta v على اعلى اعدادات

بس لقيت فى كام مشكلة بتواجهنى خصوصا انى اول مرة استخدام لاب

1- لقيت شاشة اللاب بتفصل بعد كدة تنور فى اقل من ثانية و دية بتحصل اكتر من مرة فى اليوم !
2- درجة حرارة اللاب فى الاستخدام العادى بتوصل ل50 و اثناء العب وصلت ل 75/80 درجة !! مع ان الغرفة صغيرة و مكيفة
3- هل استخدام الجهاز لفترات طويلة خطر خصوصا انى اتسعملة من اول ما استيقظ حتى الفجر مع توصيل كابل الباور

ملحوظة الجهاز مشترية من يومين و الشاشة بتعمل كدة من اول يوم شراء :ah8: :ah8:

[ahamed omar]

لو جديد ودية الضمان لو مستعمل جبتة منين وبكام لان ممكن تكون شارية رخيص واللىباعة باعة بسبب العيب دة

[hassan112]

لسا مبقالوش 4 ايام و شارية ب 8900 بعد 9000 من ريد لاين فى مول البستان
و ديتو للمحل بيقولى ان هو طلعو لوكيل لينوفو و لقاة مش بيتطفى و ان درجة 80 دية حاجة عادية و اقصى درجة فى الجهاز :3 :3
و سبب الحرارة ان انا مشغل العاب تقيلة زى gta v و bf4 و فى نفس مشغل التكيف و جايب مروحة ستاند موقفها جمبى و موجهها على اللاب و بتنزل ل 75 درجة :3 :3
مع العلم ان اعرف ماس بتلعب نفس العابى و من غير تكيف و لا مروحة و مبتوصلش ل 70
فا ياريت حل عشان انا رايحلو كمان شوية

[ahmadrashad]

السلام عليكم ورحمه الله وبركاته

انت شاري اللاب والكرتونه متبرشمه والبطاريه خارج اللاب ومشحون نصها ولا لقيت الوضع غير كدة عشان لو غير كدة هيكون في غش وانت كدة بيشيلوك جهاز في مشكله لكن لو الوضع ذي ما قولتلك يبقي متقلش القلق انك تديهم الجهاز ممكن يبدلو منه حاجات غير الي خارجه من مصنعها لاي سبب دة لو افترضنا سوء النيه من وجه نظري متسبش الجهاز الا لو في مشكله ولو في مشكله مفيش حاجه اسمها يدخل ضمان في حاجه اسمها يديك جديد وهو يتعامل مع التوكيل في خلال 14 يوم من تاريخ شراء المنتج بالنسبه ليك انت هو يتحمله وانت ملكش ذنب دة وجه نظري ودة حقوق المستهلك علي فكرة بالفاتورة ممكن تعملهم احسن قلق وانا كمان ليه تجربه في الموضوع دة

[hassan112]

هو اة كان مقفول بس مخدتش بالى من حوار البطارية دة بس شكيت بعد ما اشتريتة ان حد كان اخدة و رجعة
عشان ببص على الحتت الجمب الماوس لقيت عليها بقع صغيرة زى الرزاز شكيت فى نفسى جيت امسحها مبتتمسحش !!!

بعد كدة وديتو للمحل و قالى سيبهولى عشان اجربو و اطلعو للوكيل بتاع لينوفو
روحتلو انهاردة قالى الجهاز بعد ما عملتلو ريكوفري معملش حاجة معايا :ah46:
و المشكلة انو شاف مشكلة الشاشة بعينو
بعد كدة طلعنى للوكيل و قالى يوم الاربع تعالى و هنشوف الشركة هتقول اية لو فية حاجة ممكن تاخد واحد جديد او تاخد فلوسك :D

[ahmadrashad]

هو اة كان مقفول بس مخدتش بالى من حوار البطارية دة بس شكيت بعد ما اشتريتة ان حد كان اخدة و رجعة
عشان ببص على الحتت الجمب الماوس لقيت عليها بقع صغيرة زى الرزاز شكيت فى نفسى جيت امسحها مبتتمسحش !!!

بعد كدة وديتو للمحل و قالى سيبهولى عشان اجربو و اطلعو للوكيل بتاع لينوفو
روحتلو انهاردة قالى الجهاز بعد ما عملتلو ريكوفري معملش حاجة معايا :ah46:
و المشكلة انو شاف مشكلة الشاشة بعينو
بعد كدة طلعنى للوكيل و قالى يوم الاربع تعالى و هنشوف الشركة هتقول اية لو فية حاجة ممكن تاخد واحد جديد او تاخد فلوسك :D

المشكله ان هما كدة هيدخلوة تصليح وانت اصلا مشتغلتش عليه ولا عدي اسبوعين عشان تاخد حاجه معيوبه وتدخل ضمان حتي ولو اتصلح العيب هيقلولك الجهاز مفيهوش حاجه انت تقولهم صراحه الجهاز اتفتح من الداخل واتسخن علي المازر او اتغير حاجات بلحمات لو قالو منعرفش روح بنفسك لتوكيل واقولهم الجهاز دة اية الا تم فيه لان لو اتسخن علي المكونات او اتلحم في البوردة وارد جدا تتكرر المشكله فيه وانت في غني عن كدة عشان كدة لو رجعت للمشاركه قولتلك متدهمش فرصه يصلحوة وقتي يا مفيهوش مشكله ياتدوني جهاز جديد انا انصحك تروح النهاردة للمحل ويودوك التوكيل وتقولهم ايه النظام اي تاخير قولهم انا مش عايز الجهاز وادوني فلوسي انا مش عايز جهاز متصلح

أرسلت من SM-A500H بإستخدام تاباتلك

[Khaled Khattab]

للأسف اللاب بيعاني من مشكلة الحرارة العالية
أما الشاشة فدي مشكلة فردة ولو كنت في أول 14 يوم تبدل الجهاز فوري