دا أنت كدا طلباتك متفصّلة على Lumia 640XL
وأي موبايل تاني مش هيحقق لك استخداماتك بنفس السعر
بدايةً أنصحك بقراءة ردي السابق هنا في حال لم تكن قرأته:
https://arabhardware.net/forum/showt...=1#post2983782
ثانياً بخصوص موضوع الإتصال,
فطول عُمر Nokia كانت الأفضل في الحتّة دي بالذات
وليك عندي مفاجأة
لو أنت عندّك خط موبينيل ومفعّل ال 3G
فأنت هتتكلّم بخاصية HD Voice
والخاصية دي مش موجودة غير نادراً في الشرق الأوسط وأفريقيا كلها (4 شبكات فقط في المنطقة)
ومش موجودة كمان في بعض الولايات في أمريكا كمان
التليفون أنا جربته في المكالمات بخاصية HD Voice
الله أكبر صوته Studio mp3 كأنّه أغنية.
والجميل في الموضوع أن تقريباً كل تليفونات Lumia بتدعم الخاصية دي
(اللهم إلّا بعض التليفونات فقط في السلسلة)
لو عايز تعرف إيه خاصية HD Voice أكثر تابع موضوعي هنا متكلّم عنها بشرح مفصّل, بسيط ومُختصر :
حصرياً لموبينيل: كيفية شراء تطبيقات من الرصيد +تفعيل تقنية HD Voice.
وده فيديو توضيحي من الموضوع:
يعني موضوع الإتصال كده لا غبار عليه
انترنت يكون سريع:
من أفضل مزايا هواتف Lumia (واللي مجرّب Nokia سابقاً عارف)
هي قوّة Antenna الواي فاي بتاعتها.
لو عندك أجهزة مختلفة في البيت وليكن Apple أو سامسونج
وجيت عند منطقة بعيدة عن الراوتر, هتلاقي لو ال Apple أو السامسونج جايب شرطة واحدة
فاللوميا جايب شرطتين.
ومناطق الأجهزة متلقطش فيها حاجة
واللوميا لاقط.
أمّا لو بتستخدم نت من الشريحة,
فعلى ال 3G بيدعم حتى سرعة 42 ميجا.
فكده موضوع الإنترنت مفيهوش أدنى مشكلة
بخصوص التطبيقات العادية زي واتس آب و facebook , Truecallerوكده
فكل ده موجود طبعاً وبيتلقّى تحديثات ودعم بشكل مستمر
يعني واتس آب على سبيل المثال لسه جاي له تحديث من 4 أيام بس
وغير كده هتلاقي تطبيقات كمان جامدة وهتبقى من استخداماتك العادية.
زي تطبيق TubeCast العملاق مثلاً,
وده تطبيق حصري لويندوز فون لمشاهدة YouTube
وده ببساطة أفضل من التطبيق الرسمي بتاع Google على الأندرويد بإجماع جميع مستخدمي لوميا
فعلاً هيعطيك Experience أفضل من جوجل صاحبة المنصّة على نظامها
يعني مثلاً:
بيدعم Download الفيديوهات على التليفون
مفيش إعلانات
لو عندك تلفزيون Smart, يعمل Cast عليه وتتفرج بدون أي أسلاك.
التطبيق خفيف وشكله شيك وال Animations بتاعته سريعة.
يدعم خاصية Window Hover
وهكذا
تطبيق آخر برضوا زي Movie HD Unlimited
اللي بيخلّيك ببساطة ت Stream أي فيلم أنت عايزه بدون أي متطلّبات
ولا تسجيل ولا إشتراك.
أفتح التطبيق
Search الفيلم اللي أنت عايزة (جديد أو قديم)
وأتفرج
وطبعاً غيرهم كثير من التطبيقات اللي هتلاقيها بقت من الإستخدامات الدورية بتاعتك....
طبعاً الألعاب الأساسية, فالدنيا كلها موجود
Flick Shoot - Candy Crush - Asphalt - Farm Frenzy - FIFA 15 Ultimate Team
LaraCroft: Relic Run - ModernCombat 4 and 5
وهكذا...
ناهيك عن الألعاب الحصرية زي Halo و Threes مثلاً
كده مش ناقص غير جزئية:
يكون الموبايل سريع
ودي مفيش كلام فيها يتقال طبعاً
لأنها حتت WindowsPhone أصلاً.
أي حاجة غير WindowsPhone أو iOS مش هتقدر تحقق لك الموضوع ده
خاصةً في الفئة السعرية دي
نظام ويندوز, نظام خفيف كفائته عالية جداً
قليل الإستهلاك للموارد, مش بيهنّج أو يرستر زي الأنظمة الثانية
وأكفأ في الأداء من أندرويد لنفس الهاردوير
ومبيتفيرسش
وهو ءأمن نظام للهواتف الذكية بشهادة Kaspersky
للمزيد عن هذا الخبر تابع التغطية هنا في القسم:
كاسبرسكاي: "ويندوز فون أكثر أمناً من iOS و أندرويد"
بس,.....
أعتقد كده قلنا كل النقاط اللي أنت ذكرتها,
والموبايل متفوّق وبجدارة في كل نقطة فيهم.
وأعتقد أن مفيش منافسة في هذه النقاط بينه وبين الأندرويد
Voice HD
قوّة ال Wireless Antenna
نظام كفائته عالية ومبيتفيرسش.
وعليه كل البرامج اللي أنت محتاجها وأكثر
أعتقد ده يخلّي Lumia 640 XL هو فعلاً أفضل خيار بالنسبة لك
ويضع أقرب أندرويد له خارج المقارنة.
-مش قلت لك متفصّل عليك
طبعاً بالإضافة لإستخدامات تانية لو حابب زي:
-Microsoft Office الأصلي
-Cortana اللي ممكن تطلب منها وأنت على ال PC أنها تفكرك بموعد معين
ولو أنت قفلت الكمبيوتر تلاقيها بتفكرك على الموبايل
- here maps الخرائط الرهيبة اللي بتخلّيك تعمل Navigation لو أنت تايه في مكان بدون
أي اتصال بالإنترنت.
(الخرائط بتتطلّب أنك تبقى محملها مُسبقاً, وده اللي بيعمله معظم مستخدمي لوميا -حجمها 150 ميجا تقريباً
وال GPS بيحتاج أنه يكون شايف السما عشان يحدد الموقع بالإتصال بالأقمار الصناعية على الثلاث أنظمة العالمية للملاحة -الأقمار الهندية والروسية والأمريكية, وبيحدد موقعك في أقل من دقيقة)
وهكذا.....
نصيحتي ليك: توكّل على الله ومش هتندم إن شاء الله,
فيه بعض التليفونات الأندرويد اللي بتعذّب أصحابها
ومبروك مقدماً
المفضلات