[قل ما تشاء] الموضوع المُوحَّد لاستفسارات وتعليقات الأعضاء على هواتف نظام Windows

[McLaren]

تمام تسلم قوي والله
اكيد طبعا مش هنحكم علي موبيل من الفئه دي ونقارنه بالنظام عامتا

انا من سنه او اكتر شويه شفت اللوميا 1320 ف رايه وجربته وبجد كان حاجه جميله جدا
استجابه سريعه للتاتش والوان حلوه مع ان كثافه البيكسيل فيه كانت قليله بس كانت الوانه مقبوله جدا

بالنسبه للشكل تصدق انا عكسك .. عاجبني شكل 435 اكتر من 430
لاني بحب شكل الموبيل اللي بيكون فيه حواف ف الاجناب

بس لما شفت مقارنه وعرفت انه مش بيدعم glance screen فغيرت رايي

No Glance Screen on the Lumia 435
لاني بحسد مايكروسوفت ع الخاصيه دي [emoji1]

وحاولت ادور واعرف اذا كان 430 بيدعمها ولا لا بس للاسف معرفتش اوصل لحاجه

لا يدعمها
الوحيد اللي يدعمها فيهم هو 532

[DoRo]

صح كلامك .. وانا بدور لقيتها ف صفحه الدعم

https://www.microsoft.com/en-us/mobi...topic=FA143602

لو انت مكاني هل الفرق بين 532 و 430 يستاهل ؟

في اختلاف بين الجهازين غير المعالج والكاميرا ؟
اختلاف ف الاوبشن الداخلي

والتحديث متاح لل2 ل نسخه 10

[mmfis]

ربنا يكرمك اخي بجد , احبك في الله
نفسي ميكروسوفت تنزل موبايل طفرة زى 808 يكون بيور فيو وحديث وايضا بكسل عالي زى 1020 وفيه 4k يبقى موبايل العمر فعلا
وخصوصا ان الموبايلات اللي زى دي بتنزل كل فترة كبيرة

[arrow92]

انت كنت قايلى على برنامج مشاهده افلام واحط ترجمه وكده بس مش لاقيه خالص

لو مش هضايقك ممكن لينكه من المتجر

وشكرا مقدما

يكون حاجه زى بوب كورن او شادو بوكس

[McLaren]

صح كلامك .. وانا بدور لقيتها ف صفحه الدعم

https://www.microsoft.com/en-us/mobile/support/faq/?action=singleTopic&topic=FA143602

لو انت مكاني هل الفرق بين 532 و 430 يستاهل ؟

في اختلاف بين الجهازين غير المعالج والكاميرا ؟
اختلاف ف الاوبشن الداخلي

والتحديث متاح لل2 ل نسخه 10

السعر اللي هتزوده من 430 ل 532, مش هيعطيك الفرق الكبير أو المستحق.

لو كنت مكانك كنت أحاول أشوف Lumia 535 مش معيوب.

كلّه هيجي له Windows 10
حتى الأجهزة اللي برام 512.


@mmfis
أشكرك على كلامك
أحبّك الذي أحببتني فيه

أنت أثرت نقطة مهمة فعلاً,
وأتفق فيها معاك.

وأقرب هاتف للي أنت بتقوله هو Lumia 1520
جهاز أكثر من رائع وبيصوّر 4K بالفعل.

بس إحنا فعلاً نفسنا في حاجة تبقى مبهرة أكثر بحيث أن ميكروسوفت تعمل حاجة تبين ضعف الأندرويد بجانبها
موبايل ب Snapdragon 820 مثلاً.

عموماً Lumia 950 XL هيتم الإعلان عنه هذا الشهر,
وهيكون حاجة أفضل طبعاً من ال flagships الحاليين.

لمن يريد أن يعرف أكثر عن Lumia 950xl و 950
يمكن القراءة عنهما هنا:
https://arabhardware.net/forum/showt...=1#post2987332


@arrow92

فيه حاجات كتير,
زي 1box مثلاً

قائمة ببعض البرامج في التخصص ده:
https://www.microsoft.com/en-us/stor...vies+unlimited

وكلهم واخدين تقييم 4 نجوم فما فوق

اللي أنا بستخدمه هو
Movie HD Unlimited
https://www.windowsphone.com/sr-latn...d-5f57d3adf591

بس مش عارف ليه اتشال من الستور
(ممكن يرجع تاني)

[McLaren]

لو انت مكاني هل الفرق بين 532 و 430 يستاهل ؟

بعد إعادة التفكير
ممكن تجيب 532 عشان تعمل حساب Windows 10 والتحديثات المستقبلية

وال QuadCore أكيد هيبقى أفضل برضوا من ال Dual في المستقبل

وبالتوفيق في الشراء

[DoRo]

تم شراء لوميا 532
لفيت عليه كتير جدا ف وسط البلد
وكل ما اسأل ف محل يقولي موجود 535
يا عم عايز 532 بتزود 3 ليه :D

والحمد لله لقيته بعد عذاب .. بس كان الابيض بس الموجود

قولت الف شويه يمكن الاقي اسود او برتقالي ..
والحمد لله لقيته عند محل قريب من مترو محمد نجيب

جربته وتمام التمام ..
طب يا معلم عايز اسكرينه وجراب
معنديش :o

وطبعا موال لف تاني عشان اجيب سكرينه وجراب
ولف يا معلم .. لحد ما لقيته الحمد لله

بس بعد ما ركب الاسكرينه حسيت ان التاتش تقل شويه ف الاستجابه
لانها ازاز من النوع التعبان تقريبا

قولت مش مشكله حاجه مؤقته

وجاري تنزيل البرامج والالعاب :ah40:

وطبعا الف شكر ليك يا عمر على مساعدتك

[arrow92]

تم شراء لوميا 532
لفيت عليه كتير جدا ف وسط البلد
وكل ما اسأل ف محل يقولي موجود 535
يا عم عايز 532 بتزود 3 ليه :D

والحمد لله لقيته بعد عذاب .. بس كان الابيض بس الموجود

قولت الف شويه يمكن الاقي اسود او برتقالي ..
والحمد لله لقيته عند محل قريب من مترو محمد نجيب

جربته وتمام التمام ..
طب يا معلم عايز اسكرينه وجراب
معنديش :o

وطبعا موال لف تاني عشان اجيب سكرينه وجراب
ولف يا معلم .. لحد ما لقيته الحمد لله

بس بعد ما ركب الاسكرينه حسيت ان التاتش تقل شويه ف الاستجابه
لانها ازاز من النوع التعبان تقريبا

قولت مش مشكله حاجه مؤقته

وجاري تنزيل البرامج والالعاب :ah40:

وطبعا الف شكر ليك يا عمر على مساعدتك

الف مبرروك
انا برده عندى تعليق بسيط فى التاتش بس الاسكرينه الوحيده الغاليه الى لقيتها كانت ب45 جنيه

مش لقيت اغلى من كده

معرفش عيب اسكرينه ولا انا بيتهيقلى


الف مبروك مره تانيه .........مرحب بيك فى عائله ويندوز فون:D

[DoRo]

الله يبارك فيك
انا كنت عايز اسكرينه عاديه خالص
بس ملقتش الا دي😐
تقريبا لو الاسكرينه عاديه التاتش هيبقي زي الفل لاني مجرب الموبيل فوق النص ساعه وكان تمام الحمد لله

[McLaren]

@DoRo

مبروك الموبايل الجديد, جبت الأسود ولّا البرتقالي؟
البرتقالي حلو جداً

على فكرة
أنا عمري ما بحب أحط سكرينة أبداً
الازاز أو حتى العادية !!

أولاً بتبوظ ألوان الشاشة,
بتقلل الإضاءة بتاعت الشاشة
وبتخلّي ال Touch كفائته أقل

أنا شخصياً بكتفي أني أحط التليفون في جيب ميكونش في مفاتيح أو فلوس أو حاجة تجرّحه

ولو طلبت معايا, أجيب له Cover
غير كده مبحطّش سكرينات.

ودا بيخلّيني أستمتع بقدرة الشاشة الحقيقية.

عارف أن دا ممكن ميبقاش مناسب لأسلوب إستعمال كل الناس,
بس دا اللي أنا بعمله وبيريحني جداً.

بخصوص Lumia 532 فأعتقد أنت ممكن تحط السكرين بتاعت Nokia x
أظن تنفع معاه

بخصوص Lumia 640 XL فأنت ممكن تضبط حساسية الشاشة للتاتش من خلال
Settings>> display + touch >> Touch Sensitivity

ممكن تفتحه أو تقفله

لو اتفتح بيزود حساسية الشاشة في الأماكن البرد زي دول روسيا وشمال أوروبا
للناس اللي بيلبسوا جوانتيات من البرد.

والخاصية دي بتخلي التليفون يستجيب حتى وأنت لابس جوانتي
أو بتستعمل أداة معدن



وده على فكرة بينفع هنا في الوطن العربي للسيدات اللي بتلبس جوانتي في أيداها
أو لو حد عايز يستعمل حاجة معينة كأنها Stylus,

فيديو 40 ثانية يوضح الخاصية بإستعمال الجوانتي:




فيديو 27 ثانية يوضح استعمال (شوكة):



ودي خاصية حصرية لويندوز فون على فكرة.

لو قفلتها فده المناسب أكثر للدول الحر زي مصر والدول العربية
(أنا شخصياً قافلها)

بس لو حاسس أنك عايز تفتحها عشان السكرينة عازلة أفتحها عادي

[arrow92]

@DoRo

مبروك الموبايل الجديد,

على فكرة
أنا عمري ما بحب أحط سكرينة أبداً
الازاز أو حتى العادية !!

أولاً بتبوظ ألوان الشاشة,
بتقلل الإضاءة بتاعت الشاشة
وبتخلّي ال Touch كفائته أقل

أنا شخصياً بكتفي أني أحط التليفون في جيب ميكونش في مفاتيح أو فلوس أو حاجة تجرّحه

ولو طلبت معايا, أجيب له Cover
غير كده مبحطّش سكرينات.

ودا بيخلّيني أستمتع بقدرة الشاشة الحقيقية.

عارف أن دا ممكن ميبقاش مناسب لأسلوب إستعمال كل الناس,
بس دا اللي أنا بعمله وبيريحني جداً.

بخصوص Lumia 532 فأعتقد أنت ممكن تحط السكرين بتاعت Nokia x
أظن تنفع معاه

بخصوص Lumia 640 XL فأنت ممكن تضبط حساسية الشاشة للتاتش من خلال
Settings>> display + touch >> Touch Sensitivity

ممكن تفتحه أو تقفله

لو اتفتح بيزود حساسية الشاشة في الأماكن البرد زي دول روسيا وشمال أوروبا
للناس اللي بيلبسوا جوانتيات من البرد.

والخاصية دي بتخلي التليفون يستجيب حتى وأنت لابس جوانتي
أو بتستعمل أداة معدن



وده على فكرة بينفع هنا في الوطن العربي للسيدات اللي بتلبس جوانتي في أيداها
أو لو حد عايز يستعمل حاجة معينة كأنها Stylus,

فيديو 40 ثانية يوضح الخاصية بإستعمال الجوانتي:




فيديو 27 ثانية يوضح استعمال (شوكة):



ودي خاصية حصرية لويندوز فون على فكرة.

لو قفلتها فده المناسب أكثر للدول الحر زي مصر والدول العربية
(أنا شخصياً قافلها)

بس لو حاسس أنك عايز تفتحها عشان السكرينة عازلة أفتحها عادي

تمام بس انا مش لاقى الاوبشن ده خالص
انا عندى
display لوحدها
+لوحدها برده
touch
مش موجود فى الاتنين

وانا بحس ببطئ بس فى التاتش فى الالعاب
شويه العاب كمان مش كلها
زى لعبه hungry shark


وعندى سؤالين تانين

اولا : ايه حكايه ضبط الكاميرا فى 640
لقيت فى كل صفحات على الفيس كلهم بيسالوا عن ضبط الكاميرا فى 640 انا مش بصور كتير بس عاوز اعرف المفروض يكون ليه ضبط معين بليل لانى بعمل كله اوتو

وازاى انزل نسخه ويندوز 10 التجريبيه بيتاعت المطورين .. ولا انت تنصحنى بلاش الواحد عاوز يشوف برده الجديد ؟
ولا انت رايك ايه؟

[McLaren]

تمام بس انا مش لاقى الاوبشن ده خالص
انا عندى
display لوحدها
+لوحدها برده
touch
مش موجود فى الاتنين

آسف
Touch لوحدها

display + touch دي كانت في إصدار نطام قديم (Cyan)

[arrow92]

آسف
Touch لوحدها

display + touch دي كانت في إصدار نطام قديم (Cyan)

فى touch مفيش غير خيارين
الاول
wake up
والتانى

navigation bar
والاتنين مفتوحين

مش مشكله حكايه التاتش هو عيب اسكرينه

بخصوص الاسئله الى فوق ايه رايك فيهم معلش بتعبك معايا

[DoRo]

جبت الاسود .. للاسف ملقتش البرتقالي


دلوقتي فيه حاجه محيراني
النت من الشريحه بيشتغل ويفصل دايما
الواي فاي بيشتغل عادي
غيرت مكان الشريحه برضه نفس الكلام
مثلا ف المتجر بعمل تحديث لحاجه
لازم كل شويه اعمل اعاده محاوله لحد ما يتحدث
لما افتح المتصفح برضه النت بيعلق كتير
هل فيه اعدادات بتتزبط من جوه الموبيل ولا ده عيب ايه؟

[DoRo]

دلوقتي عملت وضع الطيران للشريحه 2
والنت شغال عادي من شريحه1

متجر وكل حاجه

في اعدادات مش مزبطها مثلا ولا ايه الحكايه