[قل ما تشاء] الموضوع المُوحَّد لاستفسارات وتعليقات الأعضاء على هواتف نظام Windows

[McLaren]

وانا بحس ببطئ بس فى التاتش فى الالعاب
شويه العاب كمان مش كلها
زى لعبه hungry shark

دي من الأبليكشن نفسه

وعندى سؤالين تانين

اولا : ايه حكايه ضبط الكاميرا فى 640
لقيت فى كل صفحات على الفيس كلهم بيسالوا عن ضبط الكاميرا فى 640 انا مش بصور كتير بس عاوز اعرف المفروض يكون ليه ضبط معين بليل لانى بعمل كله اوتو

المفروض لو أنت مش بتستخدم خيارات الكاميرا المحترفة, يبقى أوتو هو أنسب حاجة ليك فعلاً

لو أنت بتصور بالليل دوس من الشريط اللي فوق على حرف ال a وحولها للوضع الليلي,
ده كده أسهل حاجة ممكن تعملها بعيداً عن الإعدادات الإحترافية,

لو عايز تفتح الإعدادات مُفصلة وأنت على الكاميرا بتدوس على زرار ال Camera وتسحب لليمين



لو عايز تضبط إعدادات الكاميرا
أسحب القائمة اللي على اليمين من الثلاث نقاط ...
وأختار Settings

وأضبط كالآتي:

Focus Assist Light : Auto
Framing Grids:
Off أو Crosshairs
(وده بيقسّم الشاشة وأنت بتصور عشان يساعدك تشوف لو الصورة معوجة أو حاجة)

Aspect Ratio: 16:9 هو الأفضل
Capture Mode: Jpeg و أعلى رقم ميجابيكسل عندك

ولو عندك خيار Living Images
أفتحه
ولو مش عندك فهينزل لك مع تحديث
Windows 10 إن شاء الله


أمّا تحت بند Video في نفس الصفحة

عندك برضوا Framing Grids
برضوا لو عايز تخليها Off
(في الفيديو دائماً بخليها عندي off)


Resolution:
1080p 30 fps
أو
1080p 24 fps لو أنت عايز تعطي تأثير سينمائي.
(يُفضل في هذه الحالة أن تكون تحركات الكاميرا وتحركات الهدف غير مفاجئة)

Audio Bass Filter:
لو أنت هتسجل فيديو فيه صوت موسيقى أو Bass أو كده
أختار 100 هرتز

لو أنت هتسجل صوت أشخاص أو حوار أو مناقشة
أختار 200 هرتز (بيبرز صوت الأشخاص ويفلتر الأصوات الخفيضة زي أصوات محركات العربيات مثلاً)

لو الموضوع عام أو مش عايز تو جع دماغ كل شوية بالإختيار, أختار Off

(بس أنا شخصياً بخلّيها على 100Hz وأعدّلها حسب الموقف)

لو رجعت تاني للبند Pictures على نفس الصفحة

ونزلت تحت خالص فهتلاقي عندك كلام كده
You Can Change this in Photos+camera
دوس عليها هينقلك لصفحة أخرى

خلّي ال Default Camera app
هو Lumia Camera

وأتأكد من خيار Group my Photos by time and loction
إلا لو أنت مش عايز

عندك آخر حاجة Auto Upload
OneDrive

وده لو أنت عايز ترفع نسخة من كل صورك على ال OneDrive بتاعك
عشان تضمن أنها مضعش أو يكون عندك منها نسخة إحتياطية في حال أنّك فرمت الموبايل

ودي خدمة زي Google Photos و iCloud في أجهزة آبل

عندك بقى تطبيقات لإستعراض الصور
وعمل منها تأثيرات و SlideShots حلوة

زي برنامج Lumia Storyteller بتنزّله من الستور


وازاى انزل نسخه ويندوز 10 التجريبيه بيتاعت المطورين .. ولا انت تنصحنى بلاش الواحد عاوز يشوف برده الجديد ؟
ولا انت رايك ايه؟

بلاش, خليك على 8.1 أفضل لحد ما التحديث يجي لك

جبت الاسود .. للاسف ملقتش البرتقالي

عادي يا عم, الأسود حلو برضوا
على الأقل أفضل من الأبيض

وعلى فكرة أنت ممكن تروح تشتري back Cover بلون مختلف
وتغير لون الموبايل لو أنت حبيت مستقبلاً
ودي ميزة في موبايلك لو أنت بتحب تغير ألوان كل شوية

دلوقتي فيه حاجه محيراني
النت من الشريحه بيشتغل ويفصل دايما
الواي فاي بيشتغل عادي
غيرت مكان الشريحه برضه نفس الكلام
مثلا ف المتجر بعمل تحديث لحاجه
لازم كل شويه اعمل اعاده محاوله لحد ما يتحدث
لما افتح المتصفح برضه النت بيعلق كتير
هل فيه اعدادات بتتزبط من جوه الموبيل ولا ده عيب ايه؟

دلوقتي عملت وضع الطيران للشريحه 2
والنت شغال عادي من شريحه1

متجر وكل حاجه

في اعدادات مش مزبطها مثلا ولا ايه الحكايه

حلو, أدخل على المتجر
من القائمة السفلى أدخل على Settings

تحت عنوان App Updates

تأكد أن الخيارين اللي تحتهم مفتوحين

وكذلك عنوان Live Tile
تأكد أن الخيارين اللي تحتهم مفتوحين برضوا

ومتشغلش بالك بتحديثات التطبيقات بعد كده.
لأن التحديث يدوياً على النت البطئ بتاع مصر ده بيعمل مشاكل

أما التحديث الأتوماتيكي يظبط لك كل حاجة لوحده وبيريح دماغك.

تمام؟

دلوقتي أطلع من الستور خالص وأدخل على Settings الجهاز العمومية

وأدخل على Wi-Fi

أغلق Wi-Fi networking

هيظهر لك خيار Turn Wi-Fi back on

أقفلوا خالص, وخليه Manually

ولو عندك خيار notify me when new networks are found
زي للي في الصورة أقفله برضوا




وبعد كده هتخش من نفس الصفحة في آخر خيار تحت
manage أو advanced

هتلاقي خيارين

أقفل Automatically Connect to Wi-Fi Hotspots


كده أنت بقيت بتتحكم بالكامل أمتى ال Wi-Fi يتفتح وأمتى يتقفل

لأن الواي فاي لمّا بيتفتح نت الشريحة Automatic بيفصل لو لقى شبكة

======

عشان بقى تضبط خيارات نت الشريحة
أرجع ل Settings العمومية وروح ل Mobile + SIM



تقدر تختار الشريحة اللي أنت هتستخدم منها الإنترنت



وتقدر تخلّي Highest Connection Speed
3G بس هيبقى أستهلاكه أعلى شوية في البطارية


وشوف لو حصل معاك مشاكل تاني أتأكد من جودة الشبكة عندك
خاصةً لو أنت شغّال 2g

وبالمناسبة فيه نقطة مش عارف هي عندك ولا لأ.

وهي أن يفضل أن الشريحة ال Micro SIM
تكون مقصوصة صح وشكلها مضبوط.

لأن فيه بعض الناس بتقصها يدوياً وبتبقى شكلها مش مضبوط,
ولمّا بتحط في الموبايل الجزء المعدني مش بياخد وضعه الصحيح

ده بينتج عنه أن الهاتف بيسخن جداً, وبيفقد شبكة بشكل متكرر
ومشاكل كبيرة في الإتصال.

لو أنت شريحتك مش مضبوطة استبدلها عند أي فرع من شركتك
وخليهم همّا اللي يقصوها لك هناك.


آخر حاجة: فيه برضوا خاصية مفيدة في Internet Explorer
للناس اللي بتستعمل نت الشريحة

أدخل على المتصفّح
من القائمة اللي تحت أدخل على Settings

وخلّي Data Sense Savings
معمول Automatic

ودا بيخلّيك لو أنت فاتح نت من الشريحة,
يخلّيه يمنع الإعلانات ويضغط الصور اللي حجمها كبير عشان يوفر لك في ال Data

أمّا لو فتحت من الواي فاي فهو بيفهم, وبيعطيك الصفحة كاملة بكل محتواياتها
ودي خاصية حلوة.

فيه برضوا برنامج Data Sense بال Live Tile بتاعته
أعمل له Pin to Start Menu وهو بيعطيك بإستمرار ناقص لك قد إيه في الباقة بتاعتك.
عشان تبقى عامل حسابك بشكل مستمر.


بس
ولو فيه أي حاجة أنا فوتها أو حاجة مش واضحة,
أنا متابع إن شاء الله....