الف مبروك يا اخ عمرو اختيار ممتاز .. البرنامج مش موضع تردد الفولتيات وانما عباره عن متحكم بالفولتيات وانصحك بعدم الاعتماد عليه الان
من المفترض عدم خروج تردد الضجيج لمسار الفولتيلات الثلاثه عن نسبه 5% فى حاله اقصى الزياده او ادنى الهبوط
12V+ يجب الا تزيد عن 12.60v ويجب الا تتدنى عن 11.40V
فاذا خرجت نسبه الزياده او النقصان اثناء مراحل الضغط المختلفه لتردد الضجيج
خرج مزود الطاقه عن النسب الموصى بها لنظام عمل باور ATX المسموح به للكومبيوتر
والمشاكل المتوقعه كثيره لا سمح الله اوقات الضغط او مشاكل الكهرباء المتوقعه
لكن ليست خطيره كليا لدرجه كبيره ولكنها تتسبب احيانا فى عمليه اغلاق مفاجىء للجهاز او اغلاق اوتوماتيك للبرامج اللى شغاله
او فرييز وتجميد فى الكومبيوتر احيانا معرض له اذا خرجت النسب عن النسبه الموصى بيها لفولتيه 12V+
ومعرض انك ممكن تخسر اعمالك اللى شغاله ربما فى اى وقت من اوقات Power Interrupt
نفس الامر لفولتيه 5V+ ونفس الامر لفولتيه 3.3V+ بالزياده والنقصان 5%
اذا كان مزود الطاقه نتائجه فى رنج فرق 2% او زى مجموعه الباورات العاليه 1% اغلب مراحل الضغط بنعرف ان مزود الطاقه قوى ومؤهل لكسر السرعه
لان بالاساس الامر معتمد على شىء واحد فقط داخل الباور سبلاى
نظام فلتر تصحيح الفولتيات بالجانب الثانى من الباور سبلاى وعدد ملفات الكهرباء Choke Coils الضخمه
اذا اكتشفت ان فولتيه 12V+ بيحصل ليها تدنى وقت الضغط يعنى مثلا 11.80 لكن فولتيه 5V+ بيحصل فيها زياده يعنى مثلا 5.2V
بالتالى فى وقت الخمول بيحصل العكس تماما فترتفع فولتيه 12V ثم تهبط فولتيه 5% ودى مش فيها اى مشكله
طالما نسبه ضجيج مسار التردد اقل او ازيد من 5% فى الحاله النقصان او الزياده
لكن دا معناه ان الباور سبلاى فى الجزء التانى منه بيمتلك ملفين كهرباء فقط 2X Coils
احدهما هتلاقيه ضخم وده مسؤل عن تخزين التيار لكل من فولتيه 12V+ وايضا 5V+
وهتلاقى ملف اخر بجانبه اقل بالحجم مسؤل عن تخزين تيار 3.3V
اما اذا اتضح ان نسبه فولتيه 12V+ اثناء الضغط تكون برنج 1% فقط اى ثابته تقريبا على 12.12V بينما نسبه 5V+ مازالت مرتفعه ايضا
ده معناه اما كل من مساران الفولتيه لهم ملف Coil مسؤل عنه على حدى او نظام عمل الطاقه الاخير واحدث ماتم الوصول اليه DC~ DC
اى الا يمتلك مزود الطاقه بالجانب الثانى من جزء فلتر التصحيح ايه ملفات كهربائيه بل بورده صغيره او بوردتين يمتلكوا مجموعه مكثفات تخزين فقط
واذا وجد ملف او ملفين صغيرين فهم فقط مسؤلين عن فولتيه 3.3V وحدها
وهذه الطريقه غير موجوده الا بمزودات الطاقه Hihg-End وموصلى بها من اجل كسر السرعه وامكانيه
تشغيل اكثر من مزود طاقه واحد فى كومبيوتر واحد اذا لزم الامر
اما اذا اكتشفت ان مسارات الفولتيه مجنونه خالص وبعيده عن النسب المسموح بيها لنظام عمل باور ATX 12V EPS
وخرجت نسب احد مسارات الفولتيه عن هذه النسب
12V+ يجب الا تزيد عن 12.60V ويجب الا تقل عن 11.40V
5V+ يجب الا تزيد عن 5.25V ويجب الا تقل عن 4.75V
3.3V+ يجب الا تزيد عن 3.46V ويجب الا تقل عن 3.14V
هكذا تضمن ثبات واستقرار طول الوقت اما اذا خرجت فى بعض الاحيان فهو غير مسموح لنظام استقرار عمل الهاردوير الحديث
النسب الصحيحه والموصى بها والمفضل عملها الا تزيد او تقل عن 3% ولكن نسبه 5% مسموح بيها ولذلك هتلاقى البرنامج فى الاختيار الاول
اللى انت اختارته بيامر مسارات الفولتيه الا تتدنى عن هذه النسب المسموحه وانصحك بعدم الاعتماد عليه الان
لان السوفت ده مشابه للسوفت القادم مع بعض مزودات الطاقه High-End
وليها نظام عمل معين وتكون واثق من كفائه الباور سبلاى بشكل كبير عشان مش يتسبب فى اى مشاكل اداء لا سمح الله
خليك مع الصوره التانيه ده اول شىء
اما تانى شىء ممكن تطمئن من نظام استقرار نسبه الضجيج من خلال برنامج HWiNFO او Aida64 Extreme
ابتعد عن HWMONOTOR
ايضا البيوس انسب قرائه لكنها ليست دائما خاصه فى حالات الضغط والاشغال المختلفه اللى بيقوم بيها الجهاز واحتياجاته من الباور سبلاى
اذا اتضح انك داخل نسبه 5% طول الوقت لجميع مسارات الفولتيه فهذه هى النسب المسموحه من انتل تحديدا لنظام عمل Haswell
الا تزيد نسبه medium Voltage عن 120mv لمسار 12V+ والا تهبط عن 50mv لكل من 3.3V+ و 5V+
ولكن هذه النتائج لا نستطيع قرائتها بدون الاجهزه اللازمه لها
الف مبروك عموما وابقى طمنا على النتائج لكن عموما انت كنت نويت على باور Seasonic وان شاء الله اختياره ممتاز مش تسخسر فيه وباور S12II 520W هيكون اختيار مثالى
المفضلات