أهلاً أخى الغالى .. أنا مقدر شعورك وحاسس بيك ..
إنت عارف إن أنا كنت فى نفس موقفك ده .. وكنت فعلاً بدور على بورده سليمه لجهاز أيفون 5s.. ولفيت كتير ..
وعارف لما لقيتها ... سألت عليها قالى كام :
1400 جنيه بمساحه 16 جيجا .
وبصراحه إستغليتها جداً ..
فلما إعترضت على السعر وحبيت أفاصل معاه ..
لقيته بيقولى :
يا باشاً .. البورده هى الجهاز .. وأنا ممكن أقفلها فى شاسيه مع فلاته كاميرا أماميه وخلفيه وفلاته شحن وبطاريه وشاشه وبقى جهاز كامل هعرضه فى الفاترينه .. والحاجات دى هتكلفنى 700 جنيه جمله .. يعنى هيقف عليا فى الأخر بـ 2100 وهبيعه بــ 2500 أو 2700
فسبته ومشيت ..
شخصياً حسبتها حسبه تانيه
قولت لنفسى أنا إيه اللى يخلينى أشترى بورده بــ 1400 جنيه والله أعلم حالتها عامله إيه وأكيد هبقى قلقان منها جداً ... والسيريال بتاعها مش هيبقى متطابق مع كرتونه الجهاز ورقم الموديل والسيريال الأصلى الموجود فى ظهر الجهاز .. ( يعنى كده كده دى حاجه هتتعرف و هخسر فيه كتير لما أجى أبيعه )
طب ما أنا أبيعه قطع غيار وأكمل عليه ال 1400 اللى كنت هشترى بيهم البورده وأدور على جهاز تانى مستعمل ولو الماديات معايا مكفتش هشترى أيفون 5 عادى بــ 1600 أو 1700 جنيه ولما ربنا يكرمنى أبقى أبيعه وأشترى الأيفون 5s تانى ... أو أعمل بدل وأدفع الفرق ..
فحاول تحسبها بينك وبين نفسك .. ولو مصمم تشترى بورده .. ابقى خد بالك لتكون مغلقه على شبكات أو عليها أى كلاود ..
لكن عايز أعرف إيه اللى وصلك للمرحله دى ؟؟ وإيه اللى عطل فى البورده بتاعتك ؟
المفضلات