عاجل للشراء من معرض جايتكس (محتاج رأيكم)

**AlaaGhost** · 01-10-2015, 21:37

ان شاء الله بيقام معرض جايتكس فى دبى يوم 3 اكتوبر 2015 و سمعت انه بيكون فرصة كويسة للشراء من حيث نزول الاسعار و تجمع كبير للموديلات المختلفة
و انا كنت شبه مستقر انى اشترى جهاز لينوفو y50-70 بكارت شاشة gtx 960m ،، بس لما شفت جهاز msi GE62 apache pro على احد المواقع فبقيت متردد شوية
و الجهازين بيستخدموا نفس كارت الشاشة gtx 960m بس فيه بعض الاختلافات

الاسباب اللى تخلينى اشترى لينوفو y50-70
1- انا بستخدم لينوفو حالياً بقالى 3 سنوات و الجهاز كويس حتى الان

2- كارت الشاشة راماته 4 جيجا فى حين انه فى msi بتكون 2 جيجا

3- الرمات فى الجهاز 16 جيجا و فى msi بتكون 12 جيجا

4- ازالة جهاز الديفيدى و جعله خارجياً نقطة لصالح لينوفو بالنسبة لى لجعل الجهاز اخف وانحف و خصوصاً نادراً انى استخدمه و مخلية شكل جهاز msi سميك جداً من الخارج

5- الكيبورد فى لينوفو انيقة جداً و مرتبة ، وشكل الخط جميل جداً ، و رسمة الحروف على الزراير اعلى يسار الازرار فبيدى فرصة لكتابة حروف اللغة العربية جنبه بطريقة واضحة
و زراير num & caps عليهم لمبة صغيرة بتضىء لما تستعملهم عشان تعرف شغالين و لا لأ

فى حين الكيبورد فى msi تفتقر الى ابسط انواع الشياكة و كأنه تصميم قديم
اول حاجة نوع الخط المستخدم سخيف جداً و رسمة الحروف سخيفة و كاتبين حرف n بطريقة small مش N capital
رسمة الحروف بالظبط فى وسط الازرار فابيخلى حروف اللغة العربية مزنقة جنب حروف الانجلش عشان مافيش مساحة كويسة للكتابة
ثانياً : ترتيب الكيبورد غير المتعارف عليه ،، هما ناقلين زرار الويندوز من الجهة اليسار و حاطينه فى اليمين و كمان شايلين الزرار اللى بيفتح قائمة الاوامر من جنب ctrl و حاطين زرار باك اسلاش مرتين ،، مرة فوق زرار enter و مرة جنب زرار space بدون لازمة للمرة التانية دى

الاسباب اللى تخلينى اشترى Msi GE62 apache pro
1- ماركة MSI من الماركات المشهورة و الكبيرة برضه زى لينوفو

2- الجهاز عليه سنتين ضمان

3- الجهاز فيه هاردين واحد HDD سعة 1 تيرا و الاخر ssd سعة 128 جيجا و دى نقطة مهمة جداً للأسف مش موجودة فى اللينوفو و لو كانت هناك لكانت حسمت الموضوع بالنسبة لى

4- البطارية 6 cell و هى كدة افضل من لينوفو 4 cell

**AlaaGhost** · 01-10-2015, 21:40

5- الكيبورد فى لينوفو انيقة جداً و مرتبة ، وشكل الخط جميل جداً ، و رسمة الحروف على الزراير اعلى يسار الازرار فبيدى فرصة لكتابة حروف اللغة العربية جنبه بطريقة واضحة
و زراير num & caps عليهم لمبة صغيرة بتضىء لما تستعملهم عشان تعرف شغالين و لا لأ

---------------------------------------------

فى حين الكيبورد فى msi تفتقر الى ابسط انواع الشياكة و كأنه تصميم قديم
اول حاجة نوع الخط المستخدم سخيف جداً و رسمة الحروف سخيفة و كاتبين حرف n بطريقة small مش capital
رسمة الحروف بالظبط فى وسط الازرار فابيخلى حروف اللغة العربية مزنقة جنب حروف الانجلش عشان مافيش مساحة كويسة للكتابة
ثانياً : ترتيب الكيبورد غير المتعارف عليه ،، هما ناقلين زرار الويندوز من الجهة اليسار و حاطينه فى اليمين و كمان شايلين الزرار اللى بيفتح قائمة الاوامر من جنب ctrl و حاطين زرار باك اسلاش مرتين ،، مرة فوق زرار enter و مرة جنب زرار space بدون لازمة للمرة التانية دى

---------------------------------------------------------------

دائماً ما استخدم اللاب و انا نائم على السرير عشان كدة بحتاج اللاب يكون خفيف عشان مايكونش حمل تقيل عليا
و انا شايف ان اللينوفو انحف بكتير من msi

**arsenal_henry** · 02-10-2015, 08:07

رأيي اللينوفو افضل ..

**AlaaGhost** · 02-10-2015, 09:59

طيب انا عندى استفسار لو سمحت:
هل يمكن تركيب هارد SSD بجانب الهارد SSHD اللى موجود فى موديل اللينوفو ؟

و كمان هما كاتبين ان موديل MSI فيه 2 هارد واحد HDD 1-tera و التانى SSD 128G
بس فيه فيديو كان بيعرض الجهاز من جوة و كان شكل الهارد ssd زى (شـكـل الــرامـــة) ،، فهل ده فعلاً هارد SSD ?

**arsenal_henry** · 02-10-2015, 10:50

هل يمكن تركيب هارد SSD بجانب الهارد SSHD اللى موجود فى موديل اللينوفو ؟

للأسف لا .. الجهاز فيه الهارد الهجين فقط SSHD ومفيش مكان لهادر آخر .. عكس النسخ السابقة من الجهاز زي Y510p .. ودي استفسارات على مواقع اجنبية عن الهارد الاضافي ..
https://forums.lenovo.com/t5/Lenovo-...s/td-p/1545640
https://forum.notebookreview.com/thr...ansion.755247/

و كمان هما كاتبين ان موديل MSI فيه 2 هارد واحد HDD 1-tera و التانى SSD 128G
بس فيه فيديو كان بيعرض الجهاز من جوة و كان شكل الهارد ssd زى (شـكـل الــرامـــة) ،، فهل ده فعلاً هارد SSD ?

اه .. الهارد الـSSD اللي بيميزه عن الهاردات الساتا العادية انه اصبح بدون قطع ميكانيكية ..بل قطع الكترونية كلها زي الفلاشة مثلاً ..

**AlaaGhost** · 03-10-2015, 09:31

حبيبى شكراً على مساعدتك
خلاص فى الحالة دى ممكن اجيب الموديل اللى فيه هارد 512 ssd لو مش هايكون فرق سعره كبير

وبرضه هاسأل عن الموديل UHD لأنى فى الموقع قريت فى الموديل بتاعة انه كاتبين الهاردين sshd و ssd من غير كلمة OR
على عكس الموديل العادى اللى شاشته FHD كانوا كاتبين كلمة OR
و شكراً مرة تانية حبيبى على اهتمامك و ردك بالموضوع

**arsenal_henry** · 08-10-2015, 16:56

اعتقد يقصدوا انه موجود بخيارين الواحد تيرا والـ512 SSD فقط ..

**Emad-** · 10-10-2015, 10:37

مش عارف انت اشتريت او لا بس انا ارشح لك msi ge62 افضل من اللينوفو , بالنسبة للكيبورد فهو من شركة Steelseries افضل شركة بتصنع كيبوردات بالاضافة انك تقدر تتحكم بالوان الكيبورد عكس اللينوفو لون واحد..زرار الويندوز موجود ناحية اليمين عشان اثناء اللعب متضغطش عليه بالغلط وتخرج من اللعبة ودي بتحصل مع ناس كتير

**AlaaGhost** · 11-10-2015, 21:05

المشاركة الأصلية كتبت بواسطة Emad-

مش عارف انت اشتريت او لا بس انا ارشح لك msi ge62 افضل من اللينوفو , بالنسبة للكيبورد فهو من شركة Steelseries افضل شركة بتصنع كيبوردات بالاضافة انك تقدر تتحكم بالوان الكيبورد عكس اللينوفو لون واحد..زرار الويندوز موجود ناحية اليمين عشان اثناء اللعب متضغطش عليه بالغلط وتخرج من اللعبة ودي بتحصل مع ناس كتير

انا الحمدلله اشتريت خلاص جهاز Asus g501 و الحمدلله الجهاز شكله كويس
هو نحيف و خفيف جداً مقارنة بجاز اللينوفو ، مع ان الاسوس فيه هاردين و اللينوفو فيه هارد واحد و لكن الاسوس اخف بكتير
و الـ msi انا فعلاً كنت بفكر فيه لما شفت اعلاناته على موقع سوق
بس لما روحت معرض جايتكس مالقتش جهاز واحد msi
يعنى كان فيه اللينوفو و الاسوس و alienware و اجهزة تانية و لكن ماكنش فيه خالص msi
ففكرت انى اشتريه اونلاين بس تراجعت لأنى خفت بعد كدة اتعب فى صيانته بدال مش منتشر زى الاجهزة التانية