مشكلة الفصل التلقائى اثناء الالعاب

**checo4lamor** · 26-10-2015, 01:24

الجهاز بيفصل و انا قاعد بلعب بعد حوالى ساعة لساعتين لعب و لما بفتح الجهاز من زرار البور بلاقى ايقونة اللوج اون و اللعبة بتكون شغالة تحت لما بضغط عليها بدخل و بلاقى اللعبة شغالة عادى أولا كنت شاكك فى البور سبلاى و غيرته و جبت واحد جديد 850 وات جولد كروسير و كنت شاكك فى كرت الشاشة و غيرته و جبت كرت تانى و المشكلة لسه موجودة و دى صورة من درجات الحرارة لما عملت ضغط بالبرنامج ده prime95

**arrow92** · 26-10-2015, 01:52

انت بتقول جربت باور تانى وكارت تانى

طيب حل بسيط ممكن يكون مش خت بالك منه
هل انت محدد فتره للجهاز يعمل فيها اسليب

خش على المسار الاتى
Control Panel\All Control Panel Items\Power Options
واختار
high performance

وخالى الاتنين never

لو هما الاتنين اساسا never يبقا

نشوف حل تانى لمشكلتك

**checo4lamor** · 26-10-2015, 02:35

عملتها من زمان و موضوع البور اوبشن ده المفروض ان الجهاز يفصل فى اى وقت لكن مش يفصل و انا بلعب بس انا بسيب الجهاز ب 3 ايام مفتوح عمره ما يفصل اول لما ابدأ العب يروح فاصل قبل ما اجيب الكرت الى معايا ده كان عندى كرت جى تى اس 450 و كان عمر الجهاز ما بيفصل وقتها مبدأش يعمل كده الا لما اشتريت كرت r9 280x و بعدين قولت المشكلة منه فا جبت r9 380 و برضو المشكلة حصلت معايا و مش عارف ايه المشكلة الغريبة دى حتى عشان كده فكرت اغير الندل كله على الرغم ان القطع لسه فى الضمان و جديدة

**arrow92** · 26-10-2015, 02:39

المشاركة الأصلية كتبت بواسطة checo4lamor

عملتها من زمان و موضوع البور اوبشن ده المفروض ان الجهاز يفصل فى اى وقت لكن مش يفصل و انا بلعب بس انا بسيب الجهاز ب 3 ايام مفتوح عمره ما يفصل اول لما ابدأ العب يروح فاصل قبل ما اجيب الكرت الى معايا ده كان عندى كرت جى تى اس 450 و كان عمر الجهاز ما بيفصل وقتها مبدأش يعمل كده الا لما اشتريت كرت r9 280x و بعدين قولت المشكلة منه فا جبت r9 380 و برضو المشكلة حصلت معايا و مش عارف ايه المشكلة الغريبة دى حتى عشان كده فكرت اغير الندل كله على الرغم ان القطع لسه فى الضمان و جديدة

هو الى اعرفه والله اعلم طمله الجهاز بيفصل فى الالعاب فقط
فيكون عيب باور سبلاى

ففى قدامك حل
شيل الكارت خالص,..ووصل الشاشه على الكارت الداخلى الانتل
واجرب العب اى لعبه ..مش لازم تلعب قصدى .شغل اللعبه وسبها شويه شغاله .وشوف الجهاز هيفصل برده ولالا

**checo4lamor** · 26-10-2015, 02:51

مفيش كرت شاشة داخلة البوردة فرى النقطة التانية الغريبة انى لو شغلت لعبة و سبت الجهاز شغال على لعبة معيسنة يعنى فاتح اللعبة من غير ما العب لمدة 12 ساعة الجهاز مش بيفصل نهائى و دى حاجة غريبة جدا

**checo4lamor** · 26-10-2015, 02:52

هو هل فى طريقة افصل بيها حوار السليب من الجهاز يعنى اخلى الجهاز ميعملش سليب نهائى من الاخر الغى الخصية دى فيه

**Ahmed5000** · 26-10-2015, 04:22

طب حاجة كده جت في دماغي غير الكيبورد
والكيبورد عندك فيها زرار سليب مش كده؟؟

**alepop** · 26-10-2015, 04:25

اعمل ريست للبورده من البيوس

**Erron_BLack** · 28-10-2015, 15:53

ممكن البروسيسور بيحصله overheat نضف المروحه بتاعته و غير عجينه البروسيسور

**checo4lamor** · 29-10-2015, 13:21

الف الف شكر لجميع بجد انا متشكر جدا المشكلة اتحلت الحمد لله و المشكلة كانت فى الكيبورد زى ما الاتخر الفاضل Ahmed5000 قالى اجرب كبيورد تانية و فعلا المشكلة انتهت