وعليكم السلام ورحمة الله وبركاته
أولاً مبارك عليك الجهاز, إختيار مُوفّق, جهاز محترم جداً ومفيش حد إشتراه إلّا وشكر فيه.
وموضوع الصناعة الفيتنامي ده, رغم أن الناس بتحبه أكثر من الصيني إلّا أني شايف أنه لا يفرق إطلاقاً وعن تجربة.
بس أهو لعله يكون مُطمئن أكثر لقلبك ومستريح له من الناحية النفسية
بخصوص كورتانا, فأنا مشغلها عندي عادي
عشان تفتح كورتانا محتاج تعمل 3 حاجات من الإعدادات
-لازم تحول الدولة ل USA (وده أنت عملته)
-لازم تفتح خاصية تحديد الموقع (Location)
أو تتأكد أنها مفتوحة
-لازم تفتح Cortana من ال Settings
عشان بقى تستخدمها تدوس دوسة طويلة على علامة البحث.
ثانياً بخصوص التطبيقات فنظام ويندوز مش بينزّل غير من الستور
أكتب في خانة البحث ونزّل اللي أنت عايزه من الستور
لأن صيغة البرامج على ويندوز فون تختلف عن الأندرويد
يعني التطبيقات اللي عندك على Nokia x بتاعك غير متوافقة مع Lumia 640 XL
فلازم تنزّل من الستور
بخصوص ويندوز 10, فبما أنه مازال جديد فأنا شايف أنه مازال محتاج تحديثات وشوية وقت عشان يبقى بخفة وسرعة 8.1
زي أي نظام جديد بيبقى محتاج شوية وقت عشان يبقى كامل وأدائه يكون قياسي.
حالياً أنا شايف أن 8.1 أفضل منه شوية في الخفّة والإستقرار, ويندوز 8.1 في نظري يعتبر رهيب من ناحية السرعة
بس مع الوقت Windows 10 هياكله في الخواص والشكل الجديد.
تحديث ويندوز 10 الرسمي قرّب جداً, إن شاء الله على الشهر القادم بالكتيير.
المفضلات