استفسار عن ترقية على بوردة GA-MA78LMT-S2

[Abodi Rabie]

السلام عليكم ورحمة الله وبركاته
عندي جهاز بوردة GA-MA78LMT-S2 ومعالج AMD Phenom(tm) II X2 555

اعتقد انو المعالج كويس بس لو عايز اركب كرت شاشة ممكن اجيب ايه
الميزانية مش محددة ولو كرت الشاشة هيتطلب معالج جديد مافيش مشكلة
استخدام الجهاز برامج هندسية ولعب ع الخفيف
لو ممكن يبقىف اكتر من اختيار في كرت الشاشة والرامات

شكرا

[Walid DX01]

المعالج غير جيد اخي الكريم مع الالعاب الحاليه , ياريت تحدد الميزانيه لو ناوي علي شراء معالج ولوحه وكارت ورامه
ياريت تقول نوع الباور سبلاي عندك ودقه الشاشه المستخدمه ونوع البرامج او الالعاب المستخدمه

[Abodi Rabie]

اعتذر نسيت ارفع ملف المواصفات

انا مش ناوي اغير البوردة حاليا عشان التكلفة
ومش هغير الشاشة
البرامج الغالبة هيا الهندسية اوتوكاد وروبوت وسيف وريفيت
https://www.mediafire.com/download/2...9p24j/E-PC.txt
هل يمكن الترقية على نفس البوردة ام لا؟
شكرا لك

[Walid DX01]

متقلقش مش هقولك غير الشاشه
تحديد دقه الشاشه بيسهل عمليه اختيار الكارت المناسب بدون مبالغه
دي صفحه المعالجات المتوافقه مع اللوحه بتاعتك واعلي معالجات متوافقه هي سلسه Phenom II X6
هل جربت البرامج دي مع الجهاز الحالي ؟

[H_KIMO]

الأفضل ترقية اللوحة والمعالج ولو بمكونات مستعملة أفضل

[Abodi Rabie]

متقلقش مش هقولك غير الشاشه
تحديد دقه الشاشه بيسهل عمليه اختيار الكارت المناسب بدون مبالغه
دي صفحه المعالجات المتوافقه مع اللوحه بتاعتك واعلي معالجات متوافقه هي سلسه Phenom II X6
هل جربت البرامج دي مع الجهاز الحالي ؟

شكرا ليك
الاداء بيبقى مقبول الى حد ما لغاية اما نوصل لمرحلة الريندر في البرامج
هل المعالج ده متوفر؟ وسعره كام . وهل في كروت شاشة داعمة للبوردة
شكلها زي مالاعضاء قالوا الافضل ترقية البوردة كلها

[H_KIMO]

معالج ال Phenom II X6 مش موجود جديد ونادر فى سوق المستعمل
زى ما قولتلك الأفضل تحديث اللوحة والمعالج مع بعض

[Walid DX01]

اعتقد انه غير موجود بكثره في مصر للاسف ..
الافضل فعلا ترقيه البورده بدل ان تضع اموال كبيره في منصه قديمه وضعيفه الاداء