هل اقدر انزل واتس اب علي لاب توب hp
و ازاي اقدر انقل حاجه بلوتوث من نوت 3 للاب و العكس
دي مواصفات اللاب بتاعي hp
processor : intel core I 3 5005 U 2 GHz
cache memory : 3 MB Smart Cache
Ram : 4GB DDR 3
Hard Disk : 500 MB
Optical Drive : DVD RE DL
Monitor : 15 . 6 " HD Wled BrightView
Display Card : intel HD Graphics 5500
comm . ports : LAN - WiFi - USB - HDMI - BLUETOOTH
Extras : HD Webcam MlReader
OS : Dos
بالنسبة للواتساب للويندوز: تقدري تنزلي الواتساب من هنا لنسخة الـ 32 بت WhatsApp (32Bit) ومن هنا لنسخة الـ 64 بت WhatsApp (64Bit)
بعد التحميل بتفتحي الواتساب من الموبايل وتختاري إعدادت من فوق ( أيقونة الثلاث نقاط العمودية) وتختاري من القائمة WhatsApp Web
وتعملي سكان للـ QR Code الخاص بالواتس اللي على الكمبيوتر وهيتم الربط بين واتس الموبايل وواتس الكمبيوتر في خلال ثواني معدودة،
بس طبعًا عشان تقدري تسخدمي واتس الكمبيوتر لازم واتس الموبايل يفضل متصل بالإنترنت.
بالنسبة للبلوتوث: هتدخلي على الموقع الرسمي لـ HP وتدخلي على قسم التحميلات وتكتبي اسم موديل اللاب توب بتاعك وتنزلي تعريف البلوتوث على حسب الويندوز اللي متسطب على اللاب،
وتعرفيه وبعد كدا تربطي بين اللاب والموبايل زي الربط بين موبايلين وتنقلي بين الموبايل واللاب عند طريق فولدر البلوتوث على الويندوز،
لكن إذا كان متوفر عندك الإنترنت في الموبايل واللاب أنصحك ببرنامج SHAREit أفضل برامج الترانسفير بين الموبايل والكمبيوتر على الإطلاق من وجهة نظري،
وسرعة النقل فيه تقريبًا تصل إلى 10 أضعاف سرعة البلوتوث، البرنامج متوفر على جوجل بلاي بالنسبة للموبايل وممكن تنزليه من هنا بالنسبة للكمبيوتر SHAREit.
التعديل الأخير تم بواسطة محمد فاروق غازي ; 27-07-2016 الساعة 14:24
مشكور علي سرعه الرد
رجاء توضيح لينك الموقع الرسمي ل hp حاولت ادخل عليه معرفتش
كمان مش عرفه ازاي اعرف موديل اللاب انا معرفش غير الواصفات اللي كتبتها لكن الموديل معرفش ازاي اعرفه
كمان نسخه الوندوز ازاي اعرف كام bit
اعذرني علي اسئلتي الكتير بس انا مش خبره زيك
التعديل الأخير تم بواسطة nancyنانسي ; 27-07-2016 الساعة 14:43
العفو
دا موقع HP الرسمي www.hp.com ومن هنا قسم تحميل التعريفات Software and Driver Downloads
موديل اللاب بيكون موجود على ملصق في ظهر اللاب توب،
إبحثي في الملصق عن .Product No، بعد كدا إدخلي على قسم تحميل التعريفات وانسخي كود اللاب في المربع يمين الشاشة بعنوان Enter my HP model number،
هيحولك على صفحة تحميل تعريفات اللاب، إختاري نوع الويندوز وحملي تعريف البلوتوث وأي تعريف آخر تحتاجينه.
انا فتحت اللينك بتاع التحميل و كتبت المنتج و ظهرلي الموديل و لكن لا توجد نتائج لاي برامج كمان طالب مني احدد نظام التشغيل و الاصدار و مش لاقيه وندوز 8 مفيش غير 7 و 10 بس
الرجاء المساعده
product : p4g48ea#abv
Model : ac118ne
مشكور
عند فتح جهازي اتفاجئت بانه لم يتم تعريف الوايرلس
فقمت بتوصيل كابل بين اللاب توب و الراوتر و الكابل منور تمام لكن access network limted
فهل هذا يعني انه لم يقم بتعريف اللان ايضا
تعريف اللان منفصل عن تعريف الوايرليس يعني ممكن اللان يكون متعرف والوايرليس لا وممكن الاثنين يكونوا مش متعرفين،
شوفي في إعدادات الشبكة موجود أيقونة الـ Ethernet واسم كارت اللان ولا لا وممكن توصلي كابل وتتأكدي.
المفضلات