برامج التجسس

[Mido Al-Shabah]

امبارح جاه لي فايرس بسبب ملف به فايروسات قديم و نسيت امسحه و للاسف فتحته و سطبته على انه برنامج كنت عاوزه لكن افتكرت انه سبب الفايرس و في ساعتها مسحت الملف و فصلت الانترنت و عملت سكان بكاسبر سكاي و انتي مالوير بايتس و ما لقتش اي فيروسات الا فيروس واحد تروجان و اللي اكتشفه كان انتي مالوير و لكن بعدها وجدت ان الفيس مش بيفتح من الحسابات اللي انا و اخويا مسجلين عليها في جوجل كروم و فايرفوكس و لكن بيفتح في انترنت اكسبلورر لاننا ما كناش مسجلين عليه اي حساب فيس بوك و بيجيب لي كلام زي اللي في الصورة التالية

WP_20160805_001.jpg

مع العلم ان باقي المواقع تفتح كويس و ساعتها انا شكيت ان كدة فيه ملفات تجسس ممكن تسرق حاجة من حساباتي و عملت سكان اكتر من مرة عشان اتاكد و لكن بعدها بشوية لاقيت الفيس فتح تاني بشكل طبيعي و لكني كنت لسة شاكك ان فيه فايرس فقولت ان شاء الله هبقى اجيب نسخة ويندوز و اسطبها عشان اضمن ان مافيش حاجة
و النهاردة بفتح الفيس لاقيت شكي في محله و قال لي ان الحساب مغلق مؤقتا لحين التاكد من ان انا اللي قمت بمحاولة الدخول لان كان فيه محاولة للدخول على حسابي من جهاز اخر و اداني الIP بتاعه و الدولة الصين و طبعا ساعتها اتاكدت ان لسة فيه ملفات خبيثة على الجهاز لما قال لي الصين لان معظم البرمجيات الخبيثة اللي بتواجهنا بيبقى مصدرها الهاكرز الصينيين او الروس
الخلاصة انا ناوي اسطب ويندوز و احط البرنامجين دول على فلاشة و لما يخلص تسطيب اعمل بيهم سكان و هعمل ضبط مصنع للراوتر مع العلم اني مش عاوز اغير الباسوورد او افتح الفيس او تويتر او هوت ميل خوفا من انه يعرف برضو الباسوورد للمرة التانية و الحساب يضيع مني نهائيا
تنصحوني بحاجة تاني بجانب الكلام دة لان لو حساب الفيس عندي ضاع هيبقى مشكلة كبيرة لانه عليه حاجات مهمة كتير و اسف للاطالة بس كنت حابب اشرح الوضع بالتفصيل.

[Black foxer]

اولا طريقة تأمين حسابك الفيس بوك تابع الموضوع ده واعمل كل حاجة موجودة به

https://arabhardware.net/forum/showthread.php?t=444817

ثانيا والاهم استخدم ويندوز 10 لانه تم برمجته بنظام رقمي مختلف عن اي نظام من انظمة الويندوز السابقة

انصحك بEast smart Security و معاه malwarebytes او Avast ومعاه malwarebytes

ولتحميل ويندوز 10 الجديد RedStone من هنا

https://arabhardware.net/forum/showthread.php?t=449280