تجربتى بعد فتح النوية لبروسيسور AMD Phenom II X2 550
بسم الله الرحمن الرحيم
تجربتى عند شراء معالج وكان فلوسى قليلة وكنت طمعان فى تشغيل العاب عالية كان لدى اختيارين
وهما معالج AMD Phenom II X2 550 اوAMD Phenom II X4 965
وطبعا الفرق فى السعر حوالى من 200 الى 300 جنية وفرق اداء عالى وطبعا عشان فلوسى قليلة فقمت بشراء معالج AMD Phenom II X2 550 على قد فلوسى وبعد التجربة فى بعض الالعاب حسيت ان فى عنق زجاجة على الفيجا عندى وحسيت بتقطيع فى بعض الالعاب العالية فقمت بتجربة فتح النواة المغلقة فى البروسيسور وتم فتح الانوية بنجاح والكاش اترفع وتغير اسم البروسيسور الىAMD Phenom II X4 b50 وطبعا كدة بيعادل AMD Phenom II X4 965 وكنت سعيد جدااا والاسعد كمان انى مغيرتش حاجة فى الفولتات والحمد لله الحمد لله بسم الله ما شاء الله الجهاز مستقر ونيجى بقى للحاجة الاهم وهى حرارة البروسيسور بعد فتح الانوية المقفولة فى وضع الخمول من 37 الى 40 درجة وفى الضغط من 50 الى 55 درجة نيجى بقى لاهم حاجة وهى الاداء فى الالعاب الفريمات زادت من 15 فريم الى 20 فريم زيادة ودى حاجة مكنتش متوقعها والحمد لله حاجة اخيرة اى هى الفائدة اللى انا كسبتها من الحوار دة وهى توفير فلوس واداء عالى جدا وطبعا كل دة على تردد 3.10 ghz ولو حبيت اعلى التردد مفيش مشكلة الاداء هيبقى اعلى كمان بس انا كفاية علية فتح الانوية حاليا بس وعند تغير المشتت سوف اقوم برفع التردد
اسف على الاطالة واى استفسار انا فى الخدمة
التعديل الأخير تم بواسطة bob king ; 09-08-2016 الساعة 14:59
المفضلات