السلام عليكم ورحمة الله وبركاته
كنت عايز اخد رأيكم في معاهد الهندسة
من حيث جودة التعليم ومن حيث الشغل بعد التخرج ان شاء الله
انا كنت بمر بظروف صحية ونفسية طول فترة الثانوية العامة والحمد لله علي كل شئ الله اعلم الخير فين
فجبت مجموع 74.6 % يعني 306 درجات
وفي تنسيق المرحلة التالتة
قرأت وشوفت معاهد هندسة كتير ممكن تقبل بمجموعي لو ربنا اراد
بما اني في القسم العام فحبيت اخد رأيكم
لقيت قدامي معهد الجزيرة اللي في المقطم
ومعهد 6 اكتوبر للهندسة اللي في مدينة الثقافة والعلوم
والاكاديمية الحديثة في المعادي
ومعهد العبور
وكذا معهد كدة
انا حابب ادرس الهندسة لأنها كانت املي في الله من زمان خصوصا هندسة التكنولوجيا والاتصالات
بس خايف ادخل معهد هندسي من دول بعديها ملاقيش فرصة شغل طبعا الشغل ده رزق من عند ربنا بس انا قلقان من مستوي المعاهد من حث جودة التعليم
خصوصا ان مجموعي قليل
فأنا عايز رأيكم من حيث الحياة العملية وسوق العمل وكدة
اتكل علي الله في معهد هندسي
ولا ادخل كلية التجارة تبع جامعة حلوان او عين شمس
ولو في رأيكم اتكل علي الله وادخل معهد هندسة
ايه هو افضل معهد او اكاديمية من وجهة نظركم؟؟