عليكم السلام ورحمه الله
هل فكرت تعمل CLR CMOS او تشيل البطاريه الخاصه بالمازر بورد لمده دقيقه ثم تقم بشغيل الجهاز قم بالتجربه ورد على اخى الكريم
السلام عليكم
دلوقتي انا جيت أشغل الجهاز لقيت الجهاز دخل في مشكلة startup repair وثبت علي كدا
حاولت أغير نسخة الويندوز لقيته بيشغل التسطيب وبعدها يعمل ريستار للجهاز وهكذا
جربت أغير الهارد وجبت هارد تاني علية نسخة جاهزة من جهاز تاني لقيت الجهاز بيعمل نفس المشكلة
جربت أخد الهارد اللي شغال علي الكيسية وجربة علي كيسية تانية شغال كويس
فاية المشكلة دلوقتي ؟؟
التعديل الأخير تم بواسطة MIDO V2012 ; 18-09-2016 الساعة 18:39
عليكم السلام ورحمه الله
هل فكرت تعمل CLR CMOS او تشيل البطاريه الخاصه بالمازر بورد لمده دقيقه ثم تقم بشغيل الجهاز قم بالتجربه ورد على اخى الكريم
HEMA AMA ALLAH
للأسف انا معرفش عملية CLR CMOS لكني شيلت البطارية ورجعتها تاني بعد دقيقة لكن للأسف نفس المشكلة بس لو تقصد ووفقا لما بحثت عنه في الانترنت
هناك Jumper داخل Motherboard اللوحة الأم يحمل اسم CLEAR CMOS او CLR أو CLEAR يتم فصل Jumper عن اللوحة الأم واعادة تركيبه ليتم مسح اعدادت CMOS طبعا وجهاز الكمبيوتر مطفئ.
للأسف انا مش لاقي اي حاجة مكتوب عليها كدا وشيلت كل السلوك ورجعتها تاني ولسة المشكلة موجودة
عايز بس اضيف اني في الكيسية اللي فيها المشكلة الهارد طالع منه صوت تكتكه لما احطة في كيسية تانية الصوت مش موجود
أخى, إرفع لى بعض الصور من داخل الكيسة التى بها المشكلة لأتأكد من كون القطع والأسلاك موضوعة بالشكل الصحيح.
وأخبرنى بمواصفات جهازك بالتفصيل.
التعديل الأخير تم بواسطة MIDO V2012 ; 13-09-2016 الساعة 03:45
وعليكم السلام
في اول المشكله لو حضرتك وضعت أسطوانه التسطيب الخاصه بالويندوز كان هيقوم بعمل ال repair الخاص به وسيعمل بدون مشاكل لكن لي من الضروره هذه المشكله السبب
عموما يجب تجربه عمل CLR COMS
وهو كالتالي
1_فصل الطاقه نهائيا عن الجهاز
2_أبحث عن 3 ثنون أو 2 مكتوب أسفلهم CLR COMS أو CLR فقط وهم في الغالب بجانب البطاريه
3_لو 3 ثنون ستجد بهم قطعه بلاستيكيه موجوده علي أول سنتين ستنزعها وتضعها علي أخر سنتين لمده 6 ثواني ثم ترجعها مره أخره مكانها أول سنتين
لو 2سنه فقط قم بأحضار مفك ووصل بين السنتين لمده 6ثواني أيضا ثم أرفع المفك وقم بالتشغيل وأن شاء الله تتحل المشكله
أولا مواصفات جهازي هي:
باورسبلاي: Seasonic 520w
مازربورد: Gigabyte p81-d3 ودا اللينك بتاعها https://www.gigabyte.com/products/pr...px?pid=4987#ov
كارت شاشه: Zotac gtx 950 2gb
رامات: kingstone 2*4gb 1600
بروسيسور: Intel i3
ودي صور من جهازي
وفعلاً مدخل الـ CLR COMS مافيهوش حاجة متركبة
إنزع إحدى قطعتى الرام, ثم ضعها فى الشق الآخر وشغل الجهاز بقطعة رام واحدة فقط. وأخبرنى بالنتيجة.
انا حطيت الصور لكن قالي في انتظار موافقة الإدارة
وبالنسبة لموضوع الرامات
فعلاً الجهاز اشتغل من غير مشاكل لما شلت الاتنين واشتغلت بواحدة بس بعد ما غيرت مكانها
وهجرب دلوقتي ارجع الهارد الأساسي تاني في الكيسية علشان اشوف هتشتغل ولا لأ
بس ممكن توضحلي ازاي الرامات ممكن تعمل كدا ؟
بعد تجربة يوم كامل
المشكلة ومش عارف هي السبب أزاي كانت في الرامات
زي ما الاستاذ ما قال
وحاليا الجهاز شغال بالرامتين بدون مشاكل بمجرد ما شلتهم وحطيتهم تاني
شكرا لكم جميعاً
طب, الحمد لله رب العالمين, ربنا يباركلك فى الجهاز أخى الكريم/ هذه المشكلة سببها أن الجهاز لم يتعرف على الرامات بشكل سليم والسبب هو تراكم الأتربة والعوالق على شرائح الرامات أو فى المنافذ التى تدخل فيها الرامات (DIMM Slots) أو قد تكون الرامات ليست موضوعة بشكل دقيق فى منافذها (غير مستقرة), وقد يصل الأمر إلى حد أن تظهر لك شاشة الموت الزرقاء (blue screen of death) تخبرك بوجود عطل ما فى أحد مكونات الجهاز أو تحدث مشكلة أخرى (مثل المشكلة التى واجهتك) وقد يصاحب عدم تعرف الجهاز على الرامات بعض الرسائل مثل هذه الرسالة :
أترغب فى أى إستفسار آخر (أنا تحت أمر حضرتك ), قبل أن أُغِلِقَ الموضوع ؟
يُغلقُ لتمامِ حلِ المشكلة.
المفضلات