حاول تقدم طلب تغيير السلك الخاص بك
من اول الكابينه الى فى الشارع لحد بيتك
وياريت لو تجيب نوع نضيف شويه زى السويدي للكابلات
تقريبا سعر المتر حوالى 4 جنيه بعد غلو سعره
واتاكد انك موصل من السلك مباشره وليس من فيشه فى الحيطه
السلام عليكم
انا النت عندى مستقر نسبيا لكن بتيجى عليه اوقات بصوره عشوائيه الاقى لمبه ال Adsl تفصل وتنور وتطفى وتفصل وتنور وتطفى لفتره كبيره لازم ارفع سماعة التليفون علشان تثبت او افضل اعمل ريستارت للراوتر كتير على ما تثبت ولو ثبتت بتجيلي سرعة قليله بدل 1024 الاقى 348 او 528 يعنى قيم متغيره كما يظهر فى صوره المرفقات
غيرت الاسبليتروالراوتر وبرضو نفس الكلام اكلم شركه تى داتا يفضل كل مره يعيد نفس الكلام ولا حياه لمن تنادى انا نفسى افهم او احصر المشكله
حاول تقدم طلب تغيير السلك الخاص بك
من اول الكابينه الى فى الشارع لحد بيتك
وياريت لو تجيب نوع نضيف شويه زى السويدي للكابلات
تقريبا سعر المتر حوالى 4 جنيه بعد غلو سعره
واتاكد انك موصل من السلك مباشره وليس من فيشه فى الحيطه
الواضح من الصورة ان نسبة العزل (التشويش) عالية ونسبة الجودة سيئة جدا ودا له اسباب كتير تغيير السلك الواصل من البوكس ومفيش حاجة اسمها من الكابينة من الكابينة للبوكس اسمه كابل ارضى ملوش علاقة بسلك او ممكن البورت الخاص ب tedat داخل السنترال عليه نسبة عزل فممكن تبتدى بتغيير السلك عن طريق فنى السنترال ولو نسبة العزل متحلتش وهو بيغير السلك هيغيرلك حاجة اسمها داخل او primary ودا ما بين الكابينة والبوكس واخر حاجة بورت الشركة لو متحلتش عن طريق البوكس والكابينة بس غالبا المشكلة خارج السنترال بوكس او كابينة
نسبة ال SNR كأن مفيش اشارة اصلا - كان عندى مشكلة زيها واكتشفت لحامات كتير فى السلك وكانت مش معزولة ومعرضة للعوامل الجوية - بالاضافة انة كان قريب جداً من كابل كهرباء علية حمل كبير (عمومى الشقة) غيرت السلك كلة بنفسى - الموضوع اتحسن لكن كان فية مشكلة برضو فى ال SNR نسبية بسبب مقاومة السلك - كانت عالية - اتصلت بفنى السنترال جة غيرلى السلك بسلك المصرية للاتصالات - سلك محترم ومقاومة قليلة
غير كدة يبقى ممكن تكون المشكلة فى الشركة او زى ما قال استاذmazen saqr
اخي حاول تجرب راوتر اخر واعلمنا بالنتيجة
انا كنت كلمت شركه تى داتا وقالولي فيه حد نزل من عندنا للسنترال واتاكد ان البورت بتاعى فى السنترال مفهوش مشاكل والمشكله من عندى وواضح انها السلك من البوكس للشقه عندى
انا بالفعل مره الحراره فصلت وجه عامل السنترال قالي ان الفأر واكل السلك ولحمهولي ومن بعدها بشهر بتحصل المشكله ده فباذن الله هكلم عامل السنترال واخليه يغيرلي السلك
بس ازاى احمى السلك الجديد من العوامل الجويه والفئران ؟
جربت روتر اخر ونفس المشكله واضح ان المشكله فى السلك اللى طالع من البوكس
انا عندى نفس المشكله كلمتهم(المصريه للاتصالات) يغيروا السلك ونفضولى ....و جالى اتصال بعدها من الجوده تقريبا بيسأل هن مستوى الخدمه قلتله نفضولى ووعدنى بحل المشكله ونفضلى!!.... واتصلت تانى ونفضولى وابويا راح السنترال وطلب تغيير السلك قالوله السلك علينا ومجانا وبعدين ...................... نفضولى تانى
الاخوه غير المصريين نفضولى يعنى حلقولى قصدى يعنى عدم الاهتمام ولا حل المشكله!
التعديل الأخير تم بواسطة Yasser ; 23-09-2016 الساعة 12:39
فقط للتوضيح :
فى شركة TE -Data لما يكون السلك عند حضرتك فيه اى لحامات و حضرتك بتشتكى من تقطيع بعض الاوقات او بطئ فى السرعه يبقى حضرتك فى هذه الحاله خارج اطار المساعده من الشركه !
اذا مين المسئول ؟ حسب الشركه المسئول فى هذه الحاله هو السنترال يعنى حضرتك لازم تتواصل مع السنترال لتغيير السلك.
قاعده عامه فى شركات تقديم خدمات الانترنت : اى لحامات فى الاسلاك عند العميل هى سبب فى بطئ او انقطاع الخدمه و هى مسئولية السنترال و لا دخل للشركه المزوده للخدمه فيها!
المفضلات