هل احتاج لتغيير مزود الطاقة ام لا ؟

**bone_collector** · 22-09-2016, 00:55

بعد بسم الله الرحمن الرحيم انا اشتريت بعض المكونات الجديدة لتحديث الجهاز و هى
بروسيسور : Intel Core I5-6402p 6Mb cache Skylake 2.8GHz LGA 1151
ماذر بورد : Gigabyte GA-H110M-S2PH Socket 1151
رام : G.skill 8 Gb DDR4 2400 CL15 1.20v
لكن ساستخدم كارت الشاشة القديم و هو GT 240 لحين توافر ميزانية , هل انا فى حاجة لتغيير مزود الطاقة من اجل القطع الجديدة ام لا توجد مشاكل اذا استخدمت مزود الطاقة القديم و هو تقريبا تجارى
20160922_004925.jpg

**phenomenon** · 22-09-2016, 01:19

الف مبروك
الجهاز احتياجه قليل في الطاقه لذلك انت غير متضطر
و لكن من الافضل الاعتماد على باور صناعه محترمه من اجل المحافظه على القطع فقط و لكن حين تسمح لك الميزانيه

**bone_collector** · 22-09-2016, 01:43

فى الحقيقة هو انا لسه معايا 1000 جنيه و كنت بافاضل بين انى اجيب hard disk او power supply للاستفادة من المبلغ باكبر قدر كافى بدون المخاطرة بسلامة القطع الجديدة

**kahled15486** · 22-09-2016, 03:47

المشاركة الأصلية كتبت بواسطة bone_collector

فى الحقيقة هو انا لسه معايا 1000 جنيه و كنت بافاضل بين انى اجيب hard disk او power supply للاستفادة من المبلغ باكبر قدر كافى بدون المخاطرة بسلامة القطع الجديدة

المفاضلة بتبقى على حسب الاحتياج - هل انت فعلاً محتاج الهارد ديسك وهل محتاجة فى شغل ولا لا

انا من رأى الشخصى طالما معاك فلوس - أمن القطع ببور محترم - لكن هذا لا يمنع ان البور اللى عندك شغال - ولكن عن تجربة شخصية البورات التجارية (الارقام المكتوبة عليها غير حقيقة) بالاضاف الى الفقد الهائل من طاقتة فى الحرارة

**phenomenon** · 22-09-2016, 05:15

+1 تفكير سليم
بالاضافه انها اول الاسباب في تعريض الهاردات للتلف مع اخطاء الكهرباء المتكرره
حاول توزع المبلغ حسب احتياجاتك
باور Corsair CX 500W او من XFX وبالمبلغ المتبقي يكفي هارد 1 تيرا او 120 جيجا صلب

**bone_collector** · 23-09-2016, 01:33

شكرا على الاهتمام , انا فى حيرة من جانب كلام الاخوة الاعضاء الكرام عن اهمية الباور و من جانب اخر احتياجى للهارد خصوصا ان الباور الحالى عندى من فترة طويلة و مر بجميع الظروف من انقطاع مفاجىء للتيار او فصل الجهاز بطريقة غير آدمية من قبل الحاجة ربنا يخليها و انا الصراحة ميال لانى اجيب هارد SSD ليكون للويندوز و هارد تيرا اضافى , هل ده هيزود الحمل على الباور الحالى ؟

**phenomenon** · 23-09-2016, 08:23

ياريت لو ترتاح من امر الباور اولا
ثق بكلامي هو اساس المحافظه على جميع القطع
فصل التيار فجاه عن الحاسب من اول الاسباب للتاثير على عمر الهارد " كما ترجخ بعض الاراء " لكن عموما هو تصرف غير سليم من اجل الويندوز على الاقل
حاول اختيار باور جيد وهارد تيرا واجل القرص الصلب لحين سماح الميزانيه مره تانيه

**abdalhaliem** · 23-09-2016, 20:11

المشاركة الأصلية كتبت بواسطة Phenomenon

ياريت لو ترتاح من امر الباور اولا
ثق بكلامي هو اساس المحافظه على جميع القطع
فصل التيار فجاه عن الحاسب من اول الاسباب للتاثير على عمر الهارد " كما ترجخ بعض الاراء " لكن عموما هو تصرف غير سليم من اجل الويندوز على الاقل
حاول اختيار باور جيد وهارد تيرا واجل القرص الصلب لحين سماح الميزانيه مره تانيه

ونعم الرأى أخى الحبيب وأنا أوافقك الرأى بشده

لأنى فى خضًم تلك المشاكل يومياا نظراا لأنى أعمل بالصيانه

الباور الأحترافى من أهم القطع

لاقدر الله فى حاله حدوث مشكله من الباور التجارى

ستتاثر مكونات جهازك ولكن ألى أى مدى ؟؟

سؤال ليس له أجابه محدده

فكن بأمان وأقتنى باور أحترافى

يقيك من مشاكل عديده أنت فى غنى عنها

فائق تحياتى

**bone_collector** · 26-09-2016, 16:11

انا اخذت براى الاخوة الكرام لكن للاسف روحت اكتر من مكان ( سوق العصر و مول البستان بالتحرير و مول سفنكس ) و محدش بيبيع بورات لوحدها دلوقتى لازم تجمع جهاز كامل تقريبا فى مشكلة فى استيراد كميات جديدة

**محمد فاروق غازي** · 26-09-2016, 16:43

طبعًا كلام الإخوة الكرام لا غبار عليه، بل لا يوجد ما يستدعي الحيرة، لأن القطع خاصتك أخي محترمة وغالية الثمن ومزود الطاقة هو الحارس الشخصي للحاسب ككل خاصة في الدول المتخلفة في مجال تكنولوجيا الطاقة كمصر وأغلب البلاد العربية والإفريقية،
وعلى أية حال متوفر لدى متجر عرب هاردوير تشكيلة من مزودات الطاقة أنصحك أن تختار أحد ماركات XFX أو Corsair ولديهم خدمة الشحن والدفع عند الاستلام، وأرجو ألا تتردد في شراء مزود طاقة محترم في أسرع وقت ممكن.

**bone_collector** · 26-09-2016, 18:22

فى الحقيقة انا مستعجل هل فى عنوان اقدر اروح انا اجيبه النهاردة

**abdalhaliem** · 26-09-2016, 19:23

محدش بيبيع بورات لوحدها دلوقتى لازم تجمع جهاز كامل تقريبا فى مشكلة فى استيراد كميات جديدة

بصراحه أنى أتعجب من سياسه هؤلاء التجار

هل لو احد محتاج باور عليه أن يجمع جهاز اولا ؟؟؟

وجهازه هو أيلقى به فى البحر مثلا؟؟؟

عزيزى أنا بالأسكندريه لاتوجد عندنا تلك القصه مطلقاا

كما أنى أتصور أن تلك السياسه تأثرعلى مبيعاتهم ذاتها

عموماا لو أنا مكانك لتعاملت فوراا مع متجر عرب هارد وير

وأظن أنها لن تأخذ وقت طويل لو كنت من سكان القاهره

فائق تحياتى