النتائج 1 إلى 8 من 8

الموضوع: مساعدة فى التعديل على الكيسة

  1. #1
    عضوية جديدة
    تاريخ التسجيل
    May 2015
    المشاركات
    27
    الدولة: Egypt
    معدل تقييم المستوى
    0

    Post مساعدة فى التعديل على الكيسة

    السلام عليكم
    يارب تكونوا بخير و كل سنة وانتوا طيبين

    انا اشتريت جهازى من حوالى 7 شهور كدا والحمدلله
    انا عندى كيسة Cooler Master K281
    المشكلة بقا ان شكل الكيسة من برا مش عاجبنى مفهاش غير ال LED الاحمر من قدام بس
    غير كدا الكيسة كلها سودة و مفهاش اى أضائة
    يعنى بصراحة الى يشوف منظر الكيسة ميقولش انها مدفوع فيها كتير
    وانا هاممنى المنظر الخارجى
    الكيسة من حيث الوسع و ال Cable Management فهى ممتازة و درجة حرارتها علطول ممتازة بسبب المراوح الكبيرة الى فى الكيسة

    ياريت اى حد عندو فكرة فى اضافة اضائة للمظهر الخارجى يفيدنى وياريت لو فية صور للتعديل
    كمان عايز اعرف اية الحل فى التراب الكتير الى بيدخل الكيسة فى وقت مش كبير على الرغة انها مقفولة

    وشكراً مقدماُ

  2. #2
    عضو تقنى - عرب هاردوير
    Hardware Expert
    الصورة الرمزية banasonic
    تاريخ التسجيل
    Mar 2013
    المشاركات
    407
    الدولة: Egypt
    معدل تقييم المستوى
    47

    رد: مساعدة فى التعديل على الكيسة

    عليكم السلام
    بالنسبه للاضائه اخى فيمكنك شراء led strip rgb وستجده على المتاجر الالكترونيه بسهوله وسعره تقريبا 150 جنيه تجيبه وتركبه فى الكيس عن طريق التحويه الى بتتباع فردى بتحولك من موليكس power cabel الى 2pin connector وبتاخد 5 فولت وتغير الوانه براحتك ولكن اعتقد ان الكيس ليس بها نافذه window وبالتالى المكونات لن تظهر ولكن يظل امامك القدره على تركيب الاضائه فى الامام والخلف
    بخصوص الاتربه الفلتر هوا الحل dust filter والكيس تقريبا مبيجيش معها فلتر فالارجح انك تشتريه جاهز مستعمل بتلاقيه فى محلات بيخرجهولك من كيسه قديمه او حل اخر انتا تعمله يدوى ودا بيكون بالسلك الى بيتعمل للشبابيك بتختار الحجم الصغير والفتحات الضيقه شويه وتقص زى مانتا عاوز وتعمله بالمقاس وهوا اصلا ناشف هيمسك معاك وتجيب دبل فيس وتعمل الفلتر بنفسك
    التعديل الأخير تم بواسطة banasonic ; 24-09-2016 الساعة 01:28

  3. #3
    عضو الصورة الرمزية kahled15486
    تاريخ التسجيل
    May 2009
    المشاركات
    218
    الدولة: Egypt
    معدل تقييم المستوى
    19

    رد: مساعدة فى التعديل على الكيسة

    بالنسبة لليد والتزيين - مش هقدر افيدك طالما جهازك احترافى (وحتى لو ذكرت حاجة هتبقى بشكل عشوائى بتركيب شرايط ليد واستمد الكهرباء من البور) فهترك الموضوع لسابقى الخبرة فى هذا المجال

    اما موضوع التراب - خصوصاً فى مصر ملوش اى حل عام - الا اذا كان المكان اللى فية الجهاز مغلق باستمرار (احنا عندنا فى مصر ما شاء الله بنتنفس تراب اكتر من الاكسجين )

  4. #4
    إداري الصورة الرمزية N3V3RMiND.2016
    تاريخ التسجيل
    Jan 2016
    المشاركات
    1,336
    الدولة: Egypt
    معدل تقييم المستوى
    775

    رد: مساعدة فى التعديل على الكيسة

    اقتباس المشاركة الأصلية كتبت بواسطة kahled15486 مشاهدة المشاركة
    بالنسبة لليد والتزيين - مش هقدر افيدك طالما جهازك احترافى (وحتى لو ذكرت حاجة هتبقى بشكل عشوائى بتركيب شرايط ليد واستمد الكهرباء من البور) فهترك الموضوع لسابقى الخبرة فى هذا المجال

    اما موضوع التراب - خصوصاً فى مصر ملوش اى حل عام - الا اذا كان المكان اللى فية الجهاز مغلق باستمرار (احنا عندنا فى مصر ما شاء الله بنتنفس تراب اكتر من الاكسجين )
    انا فعلا عانيت كتيرا جدا من مسأله الاتربه فى الجهاز عندى و للأسف بعد اسبوع واحد من تجديد الجهاز فوجئت ان المروحه الخاصه بالمعالج الجديد لونها اصفر من الاتربه!
    الحل الوحيد اللى عملته هو تشويه شكل الكيسه فى مقابل الحفاظ عليها من الاتربه و ده تم عن طريق انى اخترعت فلاتر تناسب نوعيه الاتربه المصريه
    و الفلاتر دى انا عملتا من "شرابات حريمى" جبت شرابات حريمى اللى هى بتكون قماشتها خفيفه و قمت بقصهم بحيث انهم يكونو مفرودين ثم وضعت عدة طبقات منهم "طبقتين او ثلاثه" فى كل مدخل من مداخل الكيسه و النتيجه هى اننى اكتشفت اننى سوف احتاج لتنظيف هذه الفلاتر كل 5 ايام!
    الاتربه المصريه هى نوعيه جباره دقيقه جدا فى الحجم بحيث انها تستطيع الدخول فى ادق الفلاتر حيث ان الفلاتر التى اخترعتها لم تصمد امام الاتربه المصريه كثيرا حيث دخلت الاتربه الكيسه فى خلال شهر!

  5. #5
    عضوية جديدة
    تاريخ التسجيل
    May 2015
    المشاركات
    27
    الدولة: Egypt
    معدل تقييم المستوى
    0

    رد: مساعدة فى التعديل على الكيسة

    شكرا على اهتمامكم بالموضوع
    بالنسبة لمشكلة الاتربة مفيش مشكلة انى انضف الصندوق كل 5 ايام ولو تمكنت من اضافة فلاتر هضيف على قد مقدر
    بالنسبة للأضائة مش ال led stripe rgb دة الى بيتركب فى الموتسيكلات الصينى ولا مش هو :D
    وهل ممكن تغير باب الصندوق الى على اليمين بواحد فية window مناسب للكيسة ولا صعب

  6. #6
    مشرف عام سابق الصورة الرمزية phenomenon
    تاريخ التسجيل
    May 2013
    المشاركات
    8,820
    الدولة: Cuba
    معدل تقييم المستوى
    1473

    رد: مساعدة فى التعديل على الكيسة

    التراب مشكله مالهاش حل الا انك تحاول تقلل منه قدر الامكان زي اختيار مكان جيد جدا للكيس بعيد عن الرؤيه زي تحت المكتب مثلا
    تكون جميع مراوح الكيس تبريد ايجابي
    بخصوص موضوع الباب صعب الا لو هتعمل بالمقاس عند اي شخص شغال في الزجاج

  7. #7
    عضوية جديدة
    تاريخ التسجيل
    Aug 2016
    المشاركات
    6
    الدولة: Egypt
    معدل تقييم المستوى
    0

    رد: مساعدة فى التعديل على الكيسة

    موضوع الاضاءة بسيط جدا ... ممكن تشتري شريط led من محل كمليات عربيات واختار الطول اللي يناسبك و كمان اللون هتلاقي فيه 30 سم و في 20 و فيه 60 والالوان اللي تحبها .....سعره كمان مناسب جدا .... اختار بقا الاماكن اللي تحب توصل فيها الشريط حسب رغبتك الشخصية ....... اما موضوع توصيل الكهرباء فهو سهل للغاية عندك طريقتين الاولي محول خارجي 12 فولت بس هنا الاضاءة هتشتغل مجرد ما توصل الكهرباء............ او توصل من الباور سبلاي من خلال السلك الاصفر و الاسود .... و هنا الاضاءة هتكون مع بداية تشتغيل الجهاز ..لو حابب تفصيل اكتر ممكن تكلمني خاص

    موضوع التراب .... زي ما الاخوة الافاضل قالوا سابقا حاول تعمل فلتر بنفسك علي مراوح السحب ويفضل يكون من نوعية رقيقة من القماش و حاول تعمل نظافة شهرية للكيسة عشان ديما تحافظ علي اداء الجهاز و المكونات

  8. #8
    عضو الصورة الرمزية kahled15486
    تاريخ التسجيل
    May 2009
    المشاركات
    218
    الدولة: Egypt
    معدل تقييم المستوى
    19

    رد: مساعدة فى التعديل على الكيسة







    الموضوع سهل وممكن يتعمل باى حاجة فى البيت - بس المشكلة فى نوعية التراب وكثافتها فى مصر

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •