يوجد حساب Origin به لعبة FIFA17 إذا كنت تريد تجربة اللعبه قبل التفكير بالشراء !

[rahim1441]

السلام عليكم تم إستقبال الحساب وبدء عملية التحميل

[Black foxer]

السلام عليكم تم إستقبال الحساب وبدء عملية التحميل

بالتوفيق ونتمنى لك تجربة ممتعة

[saw111]

السلام عليكم , انا اتقدم للتجربه و سرعة التحميل عندي 20 ميجا و بحمل ب 2.5 ميجا بالثانيه , بس عندي استفسار : هل ممكن العب Ultimate Team ولا لا؟
وشكرا للمبادره الطيبه

[Black foxer]

السلام عليكم , انا اتقدم للتجربه و سرعة التحميل عندي 20 ميجا و بحمل ب 2.5 ميجا بالثانيه , بس عندي استفسار : هل ممكن العب Ultimate Team ولا لا؟
وشكرا للمبادره الطيبه

وعليكم السلام اخي الكريم

سيتم مراسلتك في اقرب فرصة بعد المتقدمين اولا بالحساب لتجربة اللعبة

[saw111]

وعليكم السلام اخي الكريم

سيتم مراسلتك في اقرب فرصة بعد المتقدمين اولا بالحساب لتجربة اللعبة

شكراً يا غالي , و تجربه ممتعه للجميع .

[Black foxer]

[saw111]

تم استلام الحساب من الاخ Black Foxer جزاه الله خير والتحميل منتهي مسبقاً , و ان شاء الله انتظروا مراجعتي للعبه بنفس الموضوع بأقرب وقت .

[karimbo]

السلام عليكم ورحمة الله وبركاته
اولا شكرا جزيلا على الموضوع القيم العظيم ده
ثانيا كنت حابب اجرب اللعبة .. انا كنت نزلتها وعندي صورة للعبة من على جهازي هبعتها على الخاص ومنتظر ردكم

[saw111]

تم استلام الحساب من الاخ Black Foxer جزاه الله خير والتحميل منتهي مسبقاً , و ان شاء الله انتظروا مراجعتي للعبه بنفس الموضوع بأقرب وقت .

تم الانتهاء من تجربه اللعبه اليوم وبشكر الاخ blackfoxer جداً علي اتاحه الفرصه ليا و زي ما وعدتكم هكتب مراجعه اللعبه و تجربتي ليها , طبعا مع استلامي الحساب اندهشت ان مكانش في حد تقريباً لعب الفيفا بالحساب سوي ساعات قليله جدا ,لكن مع الوقت عرفت ليه
بالنسبه للاونلاين : الاونلاين في اللعبه شبه ميت ... فاضي زي بيت الاشباح
, مبدئياً الاونلاين مقسم علي 3 انماط نمط ال (6 لاعب × 6 لاعب ) و نمط (الفريق × فريق) و نمط (الالتميت تيم) , و طبعا الاخير يعتبر عصب اللعبه لكنه مقفول من الشركه لجهاز واحد فقط لمنع تبادل الحسابات وبالتالي مقدرتش اجربه ... باقي نمطين , وكلاهم جربته و كان عدد اللاعبين فيه لا يتجاوز 500 لاعب في احسن الاحوال سواء صبح او ليل , و فرصه انك تلاقي حد منهم تلاعبه شبه منعدمه ... طبعا عدد المباريات في نمط (الفريق × فريق) كان صفر و كان ليا الاسبقيه بالحساب في لعب 5 مباريات , فزت ب 2 و خسرت ب 3 ودي المباريات الوحيده اللي اتلعبت بالحساب كله
طبعا الهاكرز خاربين اللعبه كالمعتاد بكل انواع الهاكات , هاك الدفاع التلقائي , هاك الجول و الديسكونكت الخ الخ .
بالنسبه للاوفلاين : فنمط الرحله journey هو الامتع , والباقي مجربتوش .
بالنسبه للجيمبلاي : فكل شئ اسؤ من فيفا 16 , في (لاج) بيشتكي منه كل الناس اللي لعبوا الفيفا السنه دي ,في تأخير و بطئ غريب في الاستجابه .
كمان لو الكره اتحركت ملليمتر واحد عن قدم اللاعب بتضيع منه تماماً وبالتالي تفاجئ انك بتقضي وقتك طول الماتش بتحاول ان الكوره متبعدش عن رجلك !!!!!
من الاخر : لا انصح احد بشرائها و تعازيي الحاره لصاحب الحساب اللي اشتراها , و شايف ان افضل انتقام لفلوسك اللي اتدفعت هو انك فعلا تخلي الناس تجرب اللعبه قبل ما تشتريها .

[karimbo]

تحياتي لحضرتك على المراجعة وانا في انتظار على احر من الجمر للتجربة خصوصا اني اخر تلت نسخ بشتريها باستمرار بمجرد نزولها ولكن بسبب ازمة ارتفاع الاسعار والدولار فالسنادي قمت بالتأجيل ولما لقيت الموضوع ده قولت فرصة اجربها قبل ما اشتري وبخصوص الاونلاين اعتقد انه شبه ميت فعلا لنفس السبب الا وهو ارتفاع الاسعار وقلة الاقبال على الشراء .. وممكن كمان حالة الزهق من الهاكرز وتصرفاتهم وفعلا ده شيء مستفز لان بحس ان طول السنة الهاكرز بيهكروا عشان يعملوا فرق كويسة ويحققوا نقط زيادة لكن الغريب ان الامر بيستمر حتى نهاية الموسم .. فمش عارف ايه فايدة اني اعمل فريق احلام وكوينز عشان في الاخر اعمل فريق احلام العب بيه شهر قبل صدور اللعبة الجديدة؟! ع العموم في انتظار رد استاذنا Black foxer عليا عشان التجربة وبشكرك مرة تانية على المعلومات والمراجعة السريعة والجميلة

[karimbo]

تم استلام الحساب وهبدأ ان شاء الله في تجربة اللعبة وبإذن الله سأوافيكم برأيي بعد التجربة .. تحياتي

[saw111]

تحياتي لحضرتك على المراجعة وانا في انتظار على احر من الجمر للتجربة خصوصا اني اخر تلت نسخ بشتريها باستمرار بمجرد نزولها ولكن بسبب ازمة ارتفاع الاسعار والدولار فالسنادي قمت بالتأجيل ولما لقيت الموضوع ده قولت فرصة اجربها قبل ما اشتري وبخصوص الاونلاين اعتقد انه شبه ميت فعلا لنفس السبب الا وهو ارتفاع الاسعار وقلة الاقبال على الشراء .. وممكن كمان حالة الزهق من الهاكرز وتصرفاتهم وفعلا ده شيء مستفز لان بحس ان طول السنة الهاكرز بيهكروا عشان يعملوا فرق كويسة ويحققوا نقط زيادة لكن الغريب ان الامر بيستمر حتى نهاية الموسم .. فمش عارف ايه فايدة اني اعمل فريق احلام وكوينز عشان في الاخر اعمل فريق احلام العب بيه شهر قبل صدور اللعبة الجديدة؟! ع العموم في انتظار رد استاذنا Black foxer عليا عشان التجربة وبشكرك مرة تانية على المعلومات والمراجعة السريعة والجميلة

هههههههه ما شاء الله اشتريت اخر 3 نسخ ؟ ده انت مبتحرمش بقي
انا اول فيفا اشترتها فيفا 16 واخر فيفا بأذن الله و مش هكررها ,رغم اني قضيت في فيفا 16 حسب الاوريجين حوالي 270 ساعه , الا ان العدد الحقيقي ما يزيدش عن 50 ساعه و الباقي قضيته منتظر في اللوبي بالبحث عن اي حد الاعبه وفي الاخر يطلع الكمبيوتر هو اللي بيلاعبني علي أعلي مستوي ويحصد الكوينز لحساب الهاكر من رصيد المغفلين امثالي .
من الاخر خدها حكمه : اللي عايز يلعب اي لعبه رياضيه اونلاين مهما كانت يلعبها عالكونسول وهيلاقي امم تلاعبه , لكن البي سي تعيش انت والفضل للهاكرز و الدعم اللي مش صفر ولكن تحت الصفر من الشركه لنسخه الكمبيوتر ... يا راجل ده منتدي الفيفا ل EA PC في ناس راحت نشرت صور بورن و فضلت هناك كذا يوم علي ما اتمسحت ... هما بينزلوا نسخه البي سي كل سنه اصلا اداء واجب .

تم الحذف بواسطة الادارة : يمنع منعا باتا وضع اي كراك او اي شىء ينتهك حقوق الملكية الفكرية

[karimbo]

السلام عليكم ورحمة الله وبركاته تحياتي ليكم وتحياتي لاستاذ black foxer انا حصل عندي ظروف عائلية كده وهبقى مش موجود فترة في البيت وحبيت اقول لحضرتك ان تقدر حضرتك تدي الحساب لحد تاني لانشغالي الفترة اللي جاية في الظروف دي ومش هبقى متواجد وشكرا ليكم مرة تانية

[mohelg]

السلام عليكم
ممكن أخي الكريم تجربة الحساب لأني بفكر أشتري اللعبة, لو ممكن أكون شاكر جدا

[مجدي ابو زيد]

انا جربت لعبة فيفا 17 وبصراحة افجر لعبة كرة قدم لعبتها جربتها على في سايبر عندنا قولي سعر الحساب وطريقة الدفع لو سمحت
وبالنسبة لسرعة التحميل فممكن احملها من جهاز صاحبي واشترك معاه في السعر هو النت عنده سريع اوي