محتاج مساعدة في مقارنة الـInterleaver Depth الخاص بالشركات المختلفة في مصر

[waeliano]

تحديث : تم حل المشكلة عن طريق طلب تثبيت قيمة الـDownstream Rate على 8160 و الـUpstream Rate على 1024 يدويا من طرف الشركة, مما خفض الـInterleaver Depth لـ 2

تحديث 2 : الشركة رفعت السرعة تاني بعديها بيوم أكتر من 8 ميجا, مع إني مشترك 8 ميجا , كلمتهم فتم التخفيض من جديد, و قولتلهم يا ريت يتم التثبيت على كدة , قالولي منقدرش نثبت على كدة...أصله By System مش Manual
السلام عليكم,

محتاج مساعدة في مقارنة الـInterleaver Depth الخاص بالشركات المختلفة في مصر , عن طريق عمل سكرين شووت لصفحة الستاتيستكس في الراوتر مع كتابة الشركة, المحافظة و السنترال التابع لحضرتك.

و ممكن من غير سكرين شووت كمان, كفاية تقوللي الـDownstream Interleaver depth كام , مع إني عندي فضول أعرف باقي الداتا أيضاً

أنا مشترك مع "تي إي داتا" محافظة الإسكندرية - سنترال العوايد 2




و السبب من المقارنة هو إني قررت إن شاء الله ألغي إشتراكي مع "تي إي داتا" , بسبب الـInterleaver Depth العالي إللي ظابطين خطي عليه, خاصة و إني لا حظت إني كل ما بدخل في فترة السماح بلاقي الـInterleaver Depth إنخفض لـ 2 و مرات لـ 1 كمان , و أول ما أدفع قبل نهاية السماح بيوم, تعدي كام ساعة و ألاقي الـInterleaver Depth رجع تاني على 64 , مفيش مرة خلال الـ 6 شهور إالي فاتوا غير و الموضوع ده يحصل كل مرة أدخل في فترة السماح ألاقي الـDelay و الـ pIng في أحسن حلاته , بمجرد الدفع يرجع سيئ بسبب زيادة الـInterleaver

كلمت الدعم الفني كذا مرة, و للأسف مش فاهمين حتى أنا عايز إيه" أو يمكن بيتظاهروا بكدة " يروحوا محولين طلبي لشكوة و يقولولي سيتم فحص الخط من السنترال, و مره واحد فيهم قاللي إن الـ"Interleaver Depth " ديه حاجة بيحددها الـDslam بنائاً على جودة الخط, و إن هما مش بإستطاعتهم يغيروا قيمتها, طبعاً كلام يتنافى تماماً مع الإلي بشوفه أول ما بدخل فترة السماح, و بنائاً عليه بعتلهم إيميل, قولتلهم لو لم يتم تحويل خطي لنظام " Fast path " أو لنظام " Interleaved " بحد أقصى 2 , الشهر ده حيكون أخر شهر ليا معكوا , غالباً مش حفرق معاهم , فبالتالي محتاج أحدد الشركة اللي إن شاء الله ححول ليها لما ألغي.

شكراً جزيلاً لكل إللي حيساعدني.

[Madoococa]

مش ظاهر عندي اللي بتقولي عليه
انا تي داتا دقهليه
السرعه 2ميجا
والصوره اهه
https://imgur.com/a/KqZDN

[waeliano]

مش ظاهر عندي اللي بتقولي عليه
انا تي داتا دقهليه
السرعه 2ميجا
والصوره اهه
https://imgur.com/a/KqZDN

فعلاً مش ظاهر , يمكن مش بيبان في كل أنواع الراوتر.

[ayoub_bob]

أخى العزيز
أنا
تي إي داتا
لا تتعب حالك اذا كان الشركة اللى جزء منها حكومة او كلها تابع للدولة وليس قطاع خاص بتسرق العميل فما بالك بالشركات الخاصة
لهذا لا تتعب حالك كل شركات النت حرامية
انا اول ما اشتركت على باقة ميجا بلاص 16 ميجا وصلت لى السرعة 14,750 تمام وبعد أسبوع نزلت الى 10 كلمتهم ارسلو لى فنى بحجة السلك بة مشكلة
والله صعب على الفني لانة اكتشف ان السلك داخل المنزل امريكى يعنى افضل من الذى عندهم ولم يعرف يرد
المهم كلم البية المسؤول على الموبايل وقالة لة ليس لدى اى مشكلة على الاطلاق المهم تم رفع السرعة الى 11.980 وهذة اقصى شيىء سوف يتم رفعة
اما الابلود نزل الى 765 من 1024 وكان رد المسؤول هذا اقصى شيىء واذا مش عجبة يلغى الاشتراك يخرج من الشركة
انتا تعرف المسؤول هذا لو في دولة اوربية كان شرب قضية نصب او الشركة كلها كما فعلو في إنجلترا
لهذا لا تتعب حالك كلهم مثل بعضهم
تحياتى لك ولجميع الاخوة الكرام

[waeliano]

شكراً يا أستاذ أيوب على النصيحة و مشاركتك بتجربتك الشخصية مع الشركة السابق ذكرها, فعلاً كلام حضرتك سليم, أنا نفسي إتولدت و نشأت في إيطاليا, و عارف تماماً الفرق بين فعل الشيئ كما يجب و شغل العشوائية و الفهلوة.

لكن الحمد لله ربنا هداني لفكرة كان فيها إحتمال كبير تحل مشكلتي , و الحمد لله إتحلت و يا رب يفضل بالحالة ديه.

في أول الموضوع أنا كتبت الحل بخط لونه أزرق.

شرفتني بمرورك.

[ayoub_bob]

شكرا لك
اخى waeliano
بس لا تتفائل اوى مع شركات النت لدينا هي فترة قصيرة وسوف ترجع المشكلة تانى
لانهم بيحبو سرقة العميل ذي عيونهم ههه
اذا الموظف لم يسرق العميل لصالح الشركة الذى يعمل بها يصبح بالنسبة للشركة غير كفء
تحياتى

[waeliano]

هي فترة قصيرة وسوف ترجع المشكلة تانى

صدقت أخي, النهاردة الفجر رفعوا السرعة تاني و البينج رجع للحالة المزرية تاني , مع إني مشترك 8 ميجا ..مش ميجا بلص , يرفعولي السرعة ليه ؟ مش عارف, المهم كلمتهم تاني في ساعتها و تم التخفيض من جديد لكن قالولي " لا نضمن بقاء السرعة كذلك " و حيخلوا فني من السنترال يكشف على الخط هناك.

مش عارف لما الفني يتصل بيا و يسألني بتشتكي من إيه ..حقوله إيه؟؟؟ يا ريت تثبتلي الإشتراك على 8 ميجا... مبيتهيئليش إن ده من إختصاصه.

[ayoub_bob]

صدقت أخي, النهاردة الفجر رفعوا السرعة تاني و البينج رجع للحالة المزرية تاني , مع إني مشترك 8 ميجا ..مش ميجا بلص , يرفعولي السرعة ليه ؟ مش عارف, المهم كلمتهم تاني في ساعتها و تم التخفيض من جديد لكن قالولي " لا نضمن بقاء السرعة كذلك " و حيخلوا فني من السنترال يكشف على الخط هناك.

مش عارف لما الفني يتصل بيا و يسألني بتشتكي من إيه ..حقوله إيه؟؟؟ يا ريت تثبتلي الإشتراك على 8 ميجا... مبيتهيئليش إن ده من إختصاصه.

ههههههه
ما انا قلت لك عادى اخى العزيز
السرقة في دم الموظف لصالح الشركة عشان يثبت للشركة انة شغال تمام
للعلم التحكم كلة فى السرعة من الشركة وليس السنترال
هما كدة هبل في استعباط
دة غير أسلوب الرد على العميل
لا تتعب حالك معهم وانسا انهم يلتزمون بأى حرف او كلمة منهم
تحياتى

[abdalhaliem]

صدقت أخي, النهاردة الفجر رفعوا السرعة تاني و البينج رجع للحالة المزرية تاني , مع إني مشترك 8 ميجا ..مش ميجا بلص , يرفعولي السرعة ليه ؟ مش عارف, المهم كلمتهم تاني في ساعتها و تم التخفيض من جديد لكن قالولي " لا نضمن بقاء السرعة كذلك " و حيخلوا فني من السنترال يكشف على الخط هناك.

مش عارف لما الفني يتصل بيا و يسألني بتشتكي من إيه ..حقوله إيه؟؟؟ يا ريت تثبتلي الإشتراك على 8 ميجا... مبيتهيئليش إن ده من إختصاصه.

الأخ الكريم

القصه بأختصار شديد

أننا كمصريين ليس لدينا أى حق للمطالبه

بالمساواة بأى بلد أخرى تعامل مواطنيها

وقيس هذا على كل شىء

وما الأنترنت ألا مثال صغير جداا لذلك

ربنا المستعان


تحياتى

[Ghost-Alex]

اطلب من موظف خدمه العملاء انك تكلم مدير من مديرين الدعم الفنى واطلب منو التحويل الى فاست

[waeliano]

ههههههه
ما انا قلت لك عادى اخى العزيز
السرقة في دم الموظف لصالح الشركة عشان يثبت للشركة انة شغال تمام
للعلم التحكم كلة فى السرعة من الشركة وليس السنترال
هما كدة هبل في استعباط
دة غير أسلوب الرد على العميل
لا تتعب حالك معهم وانسا انهم يلتزمون بأى حرف او كلمة منهم
تحياتى

للأسف, كلام حضرتك سليم, و حأخذ بنصيحة حضرتك المرة ديه و أسلم بالأمر الواقع.

الأخ الكريم
القصه بأختصار شديد
أننا كمصريين ليس لدينا أى حق للمطالبه
بالمساواة بأى بلد أخرى تعامل مواطنيها
وقيس هذا على كل شىء
وما الأنترنت ألا مثال صغير جداا لذلك
ربنا المستعان
تحياتى

فعلاً يا أستاذ عبد الحليم ,مفيش مجال واحد عندنا غير و العشوائية و اللامبالاه مسيطرة عليه, شكراً لمواساة حضرتك ليا .

اطلب من موظف خدمه العملاء انك تكلم مدير من مديرين الدعم الفنى واطلب منو التحويل الى فاست

شكراً لإهتمام حضرتك و أُقدر جداً النصيحة علشان فكرة طلب التحويل لـ"Fast Path " فعلاً حتقلل الـ" latency " بصورة كبيرة , لكن محتاجة خط بـ"Attenuation " منخفض علشان الخط يبقى مستقر من غير ما يـفصل من وقت للتاني , الـ"Atten. " عندي بين 80 -70 محتاج شوية "Interleave " علشان يفضل مستقر , مش منخفض زي ما عند حضرتك 22.4 , شوف الصورة إللي أنا حاطتها تحت, ديه صورة لحالة الخط لما بيكون مظبوط على 8 ميجا الـ"Interleave" على 2 , و الـ" Delay " شوية جداً 0.25 ms ( وضع الـ"Modulation " على G.dmt مساهم جداً كمان في تخفيضه ) و البينج ساعتها في لعبة باتلفيلد بيكون بين 60 و 75 في سيرفرات هولندا , لذلك من وجه نظري ثبات الخط على 8 ميجا حيكون الحل الأمثل لحالة خطي بالذات.

[waeliano]

يغلق

بسبب التسليم بالأمر الواقع .