النتائج 1 إلى 15 من 15

الموضوع: مساعده فى شراء شاشه

  1. #1
    عضو فضي
    تاريخ التسجيل
    Feb 2016
    المشاركات
    621
    الدولة: Egypt
    معدل تقييم المستوى
    11

    مساعده فى شراء شاشه

    السلام عليكم
    انا عندى كارت شاشة rx480 وانشاء الله ناوى اغير الشاشة الى عندى الحاليه الى عندى دلوقتى نوع ديل 20 بوصه 60 hz فكنت عاوز اجيب واحده 22 او 24 بوصه بس المشكلة مش عارف اجيب كام هيرتز عشان الالعاب وتتوافق مع كارت الشاشة على العموم انا عندى حاجه اسمها fps دى اخرها فى كارت الشاشة 200 هل لازم اجيب شاشة تكون اعلى من 144 hz ولو انا اشتغلت على 60 hz اية الى يحصل فى اللعب واية معنى خاصيه
    FreeSync وهى موجوده فى شاشات اية وهل هى كويسة لكارت الشاشة ارجو الافاده وشكرا
    التعديل الأخير تم بواسطة kan_zaman ; 28-06-2017 الساعة 02:47

  2. #2
    مشرف عام سابق الصورة الرمزية phenomenon
    تاريخ التسجيل
    May 2013
    المشاركات
    8,820
    الدولة: Cuba
    معدل تقييم المستوى
    1473

    رد: مساعده فى شراء شاشه

    وعليكم السلام ورحمة الله وبركاته

    أولاً هناك عجز واضح جداً في شاشات الألعاب داخل مصر فلا تنتظر وجودها بسهوله و سعرها ببساطه هيقطم الوسط و هتكون من أردىء الأنواع

    برضو عشان ارد الى اسئلتك

    شاشات 144hz مطلوبه أكتر في الالعاب الاونلاين لانه أسرع في رؤية تفاصيل الصوره بلحظات عن شاشات 60hz و بالتالي تقدر تصيب عدوك اسرع

    كارت RX 480 مناسب لهذا النوع من الشاشات و لكنك لن تتمكن من تشغيل الالعاب الحديثه بجودة إعدادات رسوميه عاليه

    مفيش ولا لعبه كارت RX 480 بيحقق فيها 200fps من الالعاب المشوره فاكيد انت تقصد العاب بسيطه بالجرافيك و فيها هتقدر تستفيد بنوع شاشات الالعاب العاليه
    في معدلات انعاش الصور لو قدرت تلاقيها و لكن تذكر مره اخرى اهم مميزاتها الالعاب الاونلاين

    تقنية Freesync في الشاشه بتخلصك من كابوس 144hz لو حصل

    تلات حاجات محتاج تعرفهم وتقرا عنهم (
    Vertical synchronization + Screen Tearing + Frame Drop )

    لو بتلعب لعبه عاليه في الجرافيك ومقدرتش توصل إلى 144hz اثناء تفعيل
    Vertical -Sync هتبدأ تعاني بوضوح من هبوط و تجميد في حالة الاداء Drop Frame
    في نفس الوقت مشهتقدر تلغي تفعيل تقنية V-Sync وإلا هتواجهه مشكلة تمزيق الصوره اللي بينصف الصوره الى نصفين و بيشوهه معالمها خصوصا من الجزء العلوي

    لذلك Freesync بتعالج مشكلة تمزيق الصوره Screen Tearing و لكن لو اتضح للشاشه ان الكارت ضعيف و مشقادر يوصل لعدد عالي من الإطارات
    فبدأ الشاشه تتكيف مع هذا العدد دون ان تتسبب لك في الشعور بعرقلة و تجميد الاداء

    https://arabhardware.net/forum/showthread.php?t=446227

  3. #3
    عضو فضي
    تاريخ التسجيل
    Feb 2016
    المشاركات
    621
    الدولة: Egypt
    معدل تقييم المستوى
    11

    رد: مساعده فى شراء شاشه

    اية الى ممكن يجيب الكلام ده عنى فى الشاشة لو بتلعب لعبه عاليه في الجرافيك ومقدرتش توصل إلى 144hz اثناء تفعيل Vertical -Sync هتبدأ تعاني بوضوح من هبوط و تجميد في حالة الاداء Drop Frame
    وهل من الممكن تقترح عليا شاشة تتوافق مع كارت الشاشة ومتعملشى اى مشاكل وتكون بدقة 180
    التعديل الأخير تم بواسطة kan_zaman ; 28-06-2017 الساعة 11:37

  4. #4
    مشرف عام سابق الصورة الرمزية phenomenon
    تاريخ التسجيل
    May 2013
    المشاركات
    8,820
    الدولة: Cuba
    معدل تقييم المستوى
    1473

    رد: مساعده فى شراء شاشه

    ما معنى جملة " اية الى ممكن يجيب الكلام ده عنى فى الشاشة " ما معنى هذه الجمله و كلام ايه ؟

    مفيش مشاكل من اي شاشه هتشتريها سواء كانت 1080 أو أعلى إن وجدت و لكن لكل شاشه متطلبات
    فإذا كانت هذه الشاشه تتمتع بخواص معدلات الإنعاش الأسرع مثل 144hz+ فهذا يفرض علينا إمتلاك الحاسب القادر على تحقيق 144fps+ في جميع الألعاب
    اللي بنلعبها و على جودة إعدادات الرسوميات اللي بنفضل نلعب عليها

    يعني لو إتضح لينا أن الكومبيوتر بتاعنا مش قادر يتجاوز عن 100fps في لعبة وليكن Watch Dogs 2 بالرغم ان شاشتي 144hz فده ليه معنى من اتنين
    يا إما انا متضطر اقلل الإعدادات الجرافيكيه عشان اقدر اوصل لمعدل 144fps+
    يا إما نلغي خاصية V-Sync من قائمة اللعبه عشان لو الاداء كان اقل من 144fps منحسش بعرقلة و تجميد الاداء

    V-Sync هي الخاصيه المسؤوله عن معالجة ظاهرة " تمزيق الصوره " الشهيره التي تحدث في جميع الألعاب بشكل دائم كلما آستطاعت البطاقه الرسوميه من معالجة
    عدد من الآطارات يزيد عن سرعة تردد إنعاش الشاشه
    فعلى سبيل المثال لو شاشتي 60hz لكن بطاقتي الرسوميه بتحقق 90fps في الالعاب فهتبدأ تلاحظ خط مائي بيتنصف اعلى الشاشه متسبب في اهتزاز الصوره و ضياع
    تفاصيلها بوضوح وده بيحصل لان الكارت بيرسل للشاشه معلومات من مشاهد لم يأتي زمنها الطبيعي و الصحيح لعرضه على الشاشه
    فهنا تحدث ظاهرة تمزيق الصوره بسبب اختلاف عدد الاطارات وزيادته عن اقصى تردد انعاش لمعالجة الصور بالشاشه نفسها

    لذلك نحتاج إلى خاصية V-Sync لمعالجة Screen Tearing و تثبيت عدد الإطارات الذي يمكن معالجته على نفس تردد انعاش الصور بالشاشه
    فلو الشاشه 60hz مع تفعيل تقنية V-Sync من قوائم الالعاب سيتم تثبيت سرعة الاداء على معالجة 60fps فقط
    لو الشاشه 144hz مع تفعيل V-Sync سيتم تثبيت سرعة الاداء على معالجة 144fps فقط

    لكن ماذا يحدث لو بطاقتي الرسوميه غير قادره على معالجة 60fps أو 144Fps من الاساس ؟
    سنعاني من هبوط واضح في مستويات الاداء ولذلك وجدت شاشات المزامنه الاكثر ايجابيه التي تعالج مشكلة تمزيق الصوره و في نفس الوقت لا تجلعنا نشعر بهبوط الاداء
    لو لم تستطيع البطاقه معالجة اقصى عدد اطارات مفروض بسبب تردد انعاش الشاشه المرتفع

    ما هي ميزانيتك للشاشه ؟

  5. #5
    عضو فضي
    تاريخ التسجيل
    Feb 2016
    المشاركات
    621
    الدولة: Egypt
    معدل تقييم المستوى
    11

    رد: مساعده فى شراء شاشه

    اولا انا ميزانتى من اول 2500 / الى 3500 جنية مصرى ثانيا الكارت الى عندى rx480 يعنى شاشة 144hz مش تقصر فية يعنى لو جابت شاشة زى 144hz او اعل من 60hz لاكن لازم يكزن فيها Freesync وميكونش فيها g- Freesync مش هيحصل مشاكل عندى ولا اية راليك
    التعديل الأخير تم بواسطة kan_zaman ; 29-06-2017 الساعة 01:16

  6. #6
    مشرف عام سابق الصورة الرمزية phenomenon
    تاريخ التسجيل
    May 2013
    المشاركات
    8,820
    الدولة: Cuba
    معدل تقييم المستوى
    1473

    رد: مساعده فى شراء شاشه

    مفيش أساساً شاشات احترافيه في مصر و اخر شاشه كانت في مصر 144hz G-Sync سعرها كان 17 الف جنيه لأنها بانل IPS
    أما اخر شاشه كانت موجوده في مصر Freesync سعرها كان 6.000 من Acer و بانل TN الكلام ده مر عليه سنتين تقريبا يعني لو نزلت تاني
    هتبقى في حدود 12 الف جنيه او ازيد
    عشان كده مفيش شاشات العاب بتنزل مصر لان سوقها ضعيف والاقبال عليها قليل جدا بسبب ارتفاع سعرها فالافضل انك تخرج الموضوع من بالك

    بالإضافه ان المجتمع بتاعنا لا يتطلب شاشات 144hz فلا توجد مسابقات او منافسات او اصدقاء هيتنافسوا بالعاب الحروب معاك الا لو ليك صداقات
    من خارج القطر العربي و تلعب في سيرفرات صديقه بالنسبالك

    بالنسبالك ممكن تفكر بس في شاشه بمساحة عرض اكبر او افضل في الالوان و دقة التفاصيل او درجات الإضائه أو سرعة معدل الاستجابه للاستمتاع
    بالالعاب الاوفلاين و الافلام
    لكن حتى هذا النوع من الشاشات قليل جدا و الخيارات محدوده جدا ان وجدت من الاساس
    الشاشات كانت غاليه بطبيعة الحال قبل تعويم الجنبيه و الموديل الوحيد اللي نزل مصر 4K كان من سامسونج وهو اضعف الموديلات و ارخصها
    والسبب ان هذه الشاشات سعرها مرتفع و الجنيه لا يستطيع تسديد تمنها
    يعني شاشات 4K كانت بتلعب في رنج 3 الى 4 الاف جنيه قبل التعويم و النوع الوحيد كان من سامسونج U28E590D هو اللي نزل مصر من يوم ما قولنا 4K و ده
    لانها ارخص الانواع
    فمبالك بعد تعويم الجنيه اصبح سعر الفيرجن الجديد منها 9 الاف جنيه

    يمكن فرصتك كانت تكون افضل مع شاشات Benq اللي نزلت من عدة سنوات و كانت مخصصه للالعاب وبميزانيه 3500 جنيه كونت تقدر توصل لشاشه 144hz
    لكن دلوقتي الشاشات دي اصبح سعرها الضعف وازيد من الضعف

  7. #7
    عضو فضي
    تاريخ التسجيل
    Feb 2016
    المشاركات
    621
    الدولة: Egypt
    معدل تقييم المستوى
    11

    رد: مساعده فى شراء شاشه

    صدمتنى انت كدا على كدا هريح دماغى واجيب شاشة 24 فول اتش دى واريح دماغى اية رايك

  8. #8
    مشرف عام سابق الصورة الرمزية phenomenon
    تاريخ التسجيل
    May 2013
    المشاركات
    8,820
    الدولة: Cuba
    معدل تقييم المستوى
    1473

    رد: مساعده فى شراء شاشه

    للأسف دي الحقيقه اللي بنعاني منها جميعا في سوق الشاشات و في سوق الهاردوير بشكل عام

  9. #9
    عضو فضي
    تاريخ التسجيل
    Feb 2016
    المشاركات
    621
    الدولة: Egypt
    معدل تقييم المستوى
    11

    رد: مساعده فى شراء شاشه

    طيب حضراتكم فية سؤال فى بالى بقاله كتير ومش عارف اجابته او بمعنى تانى مش قادر اوصل الى الاجابه الحاسمه
    لو انا عندى كارت شاشة فية مخرج HDMI والشاشة مش فيها مخرج HDMI وفيها مخرج dvi هل من الممكن اجيب كونفرت تحول من dvi الى HDMI هل هيكون جوده الصورة اعلى او مقاربة ل HDMI ولا لازم يكون الشاشة فيها مخرج HDMI

  10. #10
    مشرف عام سابق الصورة الرمزية phenomenon
    تاريخ التسجيل
    May 2013
    المشاركات
    8,820
    الدولة: Cuba
    معدل تقييم المستوى
    1473

    رد: مساعده فى شراء شاشه

    لإجابة السؤال بشكل بسيط جداً


    فلنفترض أن لدينا شاشه 2560x1440 QHD / 2K

    و عند الإعتماد على منفذها HDMI و توصيله بمعالج رسومي لا يحتوي إلا على DVI يجب النظر في عدة أمور و هي كالتالي

    1- ما هي أبعاد الشاشه الموصي بها :

    فبعض مخارج DVI تأتي على شكل Single link و بهذا الشكل قد يكون أقصى Resolution مدعوم هو 1920x1080
    أما في حالة إستطاعته على ضبط الأبعاد الموصى بها و هي 1440p فقد يتسبب فعلاً في تشويهه الصوره - و هذا إذا إستطاع ان يضبط الأبعاد على 2560x1440

    أما إذا إتضح انه DVI Dual Link فهذا يعني أنه المطلوب للشاشه لأنه قادر على تدعيم أبعاد تصل حتى 2560X1600 و بالتالي لن يتسبب في تشويش
    الصوره او ضياع اي قيمه من جودة و دقة تفاصيلها .

    2- هل هذه الشاشه تمتلك سماعات لخروج الصوت :

    فبالرغم ان كل من HDMI / DVI هم قادرين على نقل الإشاره Digital و لكن DVI لا يستطيع نقل إشارة الصوت و بالتالي سماعات الشاشه هتكون بلا أدنى فائده


    3- هناك شيء إضافي يجب أن تعرفه عن HDMI و ليس عن DVI

    تردد إنعاش الصور المدعوم و قدرة الشاشه على إنعاش الصور في الثانيه الواحده

    على سبيل المثال بعض شاشات 4K التي تحتوي على منفذ HDMI فهي لن تعمل نهائياً حين توصيلها بمعالج رسومي من خلال منفذ DVI سواء S Link / D Link

    و هذا بالتأكيد بسبب أبعاد 4K التي تصل حتى 3840x2160 فهي ستحتاج إلى منفذ HDMI للضروره كي تتمكن من عرضها بنفس دقة الأبعاد

    معدل إنعاش الصور من خلال منفذ HDMI و منفذ HDMI 1.4 أثناء ضبط الشاشه على أبعاد 2160p لن يزيد عن 30hz و بمعنى آخر أداء الالعاب لن يزيد
    عن 30FPS كحد أقصى

    لكنها ليست مشكله امام المصممين

    لكنها مشكله مرهقه امام اللاعبيين
    لذلك يأتي منفذ Displayport في أغلب شاشات 4K من أجل الالعاب و يجب للضروره توصيلها أيضاً بمنفذ Dp بالمعالج الرسومي و هكذا يمكنك تشغيل الشاشه
    بمعدل إنعاش 60hz

    حتى يأتي منفذ HDMI 2.0 ببطاقات GTX 900 و ما بعدها و بطاقات RX 400 و ما بعدها كي يُمكن شاشات 4K من العمل بسرعة 60Hz أو 60FPS كحد أقصى
    و لكن شاشات 4K التي تحتوي على HDMI 2.0 باهظة الثمن " جداً جداً و نادره "

    حتى تم الإعلان عن HDMI 2.1 و قدرته على دعم 4K / 8K 120Hz

    لو تقول اسم الشاشه يكون أفضل

    لكن عموما لنفترض انك بتفكر في شاشه 2K 1440p 144hz Refresh Rate

    في الحاله دي عشان تقدر توصل لمعدل إنعاش 144hz Of Refresh Rate لازم التوصيل يكون فقط من خلال Displayport
    لأن حتى لو الشاشه فيها HDMI / HDMI 1.4 فهم غير قادرين على العمل بتردد أعلى من 60hz لهذه الأبعاد أما أبعاد 1920x1080 فمن الممكن العمل بتردد 144hz



  11. #11
    عضو فضي
    تاريخ التسجيل
    Feb 2016
    المشاركات
    621
    الدولة: Egypt
    معدل تقييم المستوى
    11

    رد: مساعده فى شراء شاشه

    انا كنت فى الاول ناوى اجيب شاشة عالية شوية لكن لقيت الاسعار ارتفعت تانى ولقين ان الشاشة الى عندى مقاربة ل hd و full hd فقولت اصبر شوية يمكن الاسعار تنزل شوية فجه فى بالى موضوع التحويلة
    بعض الصور لمخرج الشاشة انا اعتقد انه DVI Dual Link هل انا صح ولا لا


    لكن انا معايا وصله الى فى الصورة القادمه وموصلها بكارت الشاشة والشاشة هل الوصله دى dvid Single link وهل هى ممكن تؤثر على الاداء ولا لازم اجيب وصله DVI Dual Link

    ولو سمحتم عاوز اعرف اية الفتحات الى موجوده فى الصورة القاده دى موجوده فى الشاشة انا



    انا الشاشة الى عندى نوع Dell 2007FPB 20" LCD Monitor 1600x1200 4 3

    وكارت الشاشة ROG-STRIX-RX480-8G-GAMING

    وهل الشاشة دى فيها اصلا سماعات ولو فيها اشغلها ازاى
    اسف على الاطاله

    التعديل الأخير تم بواسطة kan_zaman ; 28-07-2017 الساعة 14:08

  12. #12
    مشرف عام سابق الصورة الرمزية phenomenon
    تاريخ التسجيل
    May 2013
    المشاركات
    8,820
    الدولة: Cuba
    معدل تقييم المستوى
    1473

    رد: مساعده فى شراء شاشه

    الشاشه معاك DVI-D Dual Link و الشاشه تحفه بجد بالرغم انها اصدار قديم

    و الأبعاد UXGA 1600 X 1200 تعتبر أفضل من ابعاد HD 1280 x 720p بفارق ملحوظ و قريبه جداً جداً من ابعاد FHD 1920 x 1080

    شاشتك بتعرض 192 مليون بيكسل بينما FHD بتعرض 207 مليون بيكسل " فارق يكاد يكون معدوم

    بالإضافه ان الشاشه VA Panel يعني زوايا الرؤيه فيها أفضل كتير من الف شاشه 1080p دلوقتي مازالت Panel TN

    عندك مخارج USB و منفذ D-SUB و منفذ DVI-D

    و منفذ S-Video / Composite Video و بيسمح بتوصيلها باليات عديده منها كسماعات فعلاً و لكن يفضل شراء السماعه الموصى بها في المانوال و هي optional Dell 10W multimedia soundbar AS501

    منافذ USB بيكون ليها وظائف محدده تبعاً لكل شاشه " في شاشتك بتقدر تساعدك على تشغيل محتويات ميديا و فيديو من على الفلاشه أو بعض الكاميرات و متحكمات الالعاب "
    و ممكن تسمح ليك بتوصيل الكيبورد للتحكم في أوامر OSD الشاشه يعني التغيير في ضوابط الشاشه عن طريق الكيبورد بدلاً من ازرار الشاشه "





  13. #13
    عضو فضي
    تاريخ التسجيل
    Feb 2016
    المشاركات
    621
    الدولة: Egypt
    معدل تقييم المستوى
    11

    رد: مساعده فى شراء شاشه

    كل الى حضرتك قولته جميل لكن لكن انا معايا وصله الى فى الصورة القادمه وموصلها بكارت الشاشة والشاشة هل الوصله دى dvid Single link وهل هى ممكن تؤثر على الاداء ولا لازم اجيب وصله DVI Dual Link

    ولا مش تفرق لو شغلت الشاشة مع الكارت

  14. #14
    مشرف عام سابق الصورة الرمزية phenomenon
    تاريخ التسجيل
    May 2013
    المشاركات
    8,820
    الدولة: Cuba
    معدل تقييم المستوى
    1473

    رد: مساعده فى شراء شاشه

    المنفذ معاك اسمه DVI-D Single Link و الأمر مالوش علاقه إطلاقاً بجودة الصوره بالنسبالك لانه داعم حتى 165hz 1920 X 1200

    الفكره ان المنفذ داعم للاشاره الديجتال فقط يعني لو حاولت توصله بكارت شاشه من خلال منفذ VGA مشهيجيب صوره

    عشان كده في حاله زي دي بتشترى ادابتور فقط DVI-I اللي هو باربعه بن اضافين شكل علامة الزائد + عشان بيقدر ينقل اشاره ديجتال و انالوج مع بعض

    بالنسبالك الامر عادي جدا و تحصل على كامل جودة الصوره + اقصى ابعاد شاشاتك بدون اي نسبة تشويهه + افضل اداء ممكن


  15. #15
    عضو فضي
    تاريخ التسجيل
    Feb 2016
    المشاركات
    621
    الدولة: Egypt
    معدل تقييم المستوى
    11

    رد: مساعده فى شراء شاشه



    شكرا على الافاده

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •