أستفسار عن شاشة

[أدهم عمرو]

عايز استفسر عن شئ الا وهو هل لو اشتريت شاشة تليفيزيون مثلا من 28 بوصة ل 32 بوصة بدقة 1366x768 واشرتيت ريسيفر بدقة Full Hd 1080p ايا كان رخيص او غالي هل في هذه الحالة دقة ال Full Hd ستتناسب مع دقة الشاشة ولا هيبقي في فروق ام اني لم أحس بفرق يعني بأختصار لو في مثلا قنوات Hd علي تلك الشاشة هل دقة ال Full Hd ستتقلص لتتلائم مع دقة الشاشة وعندها ستكون الصورة واضحة جدا ام ان دقة الشاشة ستكبر بحيث انها تملأ دقة ال Full Hd وعندها هل ستكون صورة الشاشة سيئة ارجو الإجابة بالتفصيل حتي أفهم ان هذه الدقة ستناسب دقة الريسيفر ام في اختلافات سألاحظها ام ستكون الصورة في مجملها رائعة : ملحوظة انا لا أريد نت في الريسيفر ولا Ip Tv ولا قنوات مشفرة وانا مش عايز افتح سيرفرات انا عايز كل اللي انا اريده بأختصار انا عايز ريسيفر رخيص به خاصية Full Hd ويشغل هذه الدقة علي دقة هذه الشاشة والسؤال بأحتصار مرة اخري هل ستكون الصورة رائعة وستكون الشاشة مناسبة للريسيفر .... وما رأيكم في هذين الريسيفرين لتلك الشاشة https://egypt.souq.com/eg-ar/%D8%B1%...%A7-9547796/i/
https://egypt.souq.com/eg-ar/%D8%B1%...%AF-8150866/i/

[Yasser]

انا مشغل ريسيفر بى ان سبورت بقنواته الhd على تليفزيون 24 ليد عادى وصوره القناه الhd افضل وبشكل عام حتى القنوات العاديه على النايلسات "ليست hd " صورتها تحسنت عن الريسيفر العادى القديم لكن لو سألتنى فأرى ان التحسن ده لان التوصيل بكيبل الhd احسن فى الصوره من كابلات الريسيفر التقليديه اصفر / احمر / ابيض ...لكن طبعا القنوات هاتشتغل على دقه التليفزيون 768 مثلا والافضل شاشه hdبالطبع .

[أدهم عمرو]

يعني رأي حضرتك ان اشتري شاشة Full Hd 1080p مع ريسيفر Hd يدعم دقة ال 1080p هل هذا سيكون الأفضل وهل ستكون الصورة واضحة ونقية جدا ايا كانت القنوات سواء Hd او عادية؟

[Yasser]

الافضل رسيفر وشاشه تدعم hd لترى القنوات الhd كما يجب اما القنوات العاديه فشاهدت تحسن ايضا كما ذكرت مع تغيير الرسيفر وايضا لو هاتشترى تلفزيون حاليا ليه تجيب حاجه مش hd ؟ ولاحظت انك تذكر الصوره رائعه او نقيه جدا فى كلامك فتذكر ان ماركه الشاشه عليها عامل ايضا ...الخلاصه ان شاشه بدقه عاديه مع رسيفر hd تشتغل لكن الافضل والشائع حاليا والمرجو منه افضل صوره هو شاشه ورسيفر كلاهما hd وانتظر رأى الاخوه الافاضل

[أدهم عمرو]

والله يا اخي انك بتتكلم في إلي انا نفسي اعمله اني اشتري شاشة Hd وريسيفر Hd انا كنت بكلم علي الشاشة العادية إلي دقتها 1366x768 بأعتبار ان سعرها رخيص اما فعلا الشاشة ال بعمم اي إلي انا نفسي اجيبها عل قد الميزانية سامسونج UA40K5000 Full Hd فما رأيكم في هذه الشاشة وفي الريسيفر https://www.souqeldish.com/2015/06/d...00-3-1150.html
https://egypt.souq.com/eg-ar/%D8%B1%...%A7-9547796/i/
https://egypt.souq.com/eg-ar/%D8%B1%...%AF-8150866/i/
https://egypt.souq.com/eg-ar/%D8%B1%...%B1-8739058/i/
في أي نوع من هذه الريسيفرات تفضلون؟
ودي رابط الشاشة اي رأيكم فيها؟ https://egypt.souq.com/eg-ar/%D8%AA%...-2963900010/u/

[Yasser]

بالنسبه للريسيفرات فاسترا ماركه قديمه لكن هناك ماينافسها والعديد من الانواع والاسعار لو نزلت منطقه باب اللوق بالقاهره بجوار مول البستان هتلاقى انواع واسعار ةهاتسمع كلام عن الافضل بعكس الشراء على النت ....اما التلفاز فقد نزلت من شهور مع اخ وزميل ليشترى له واحد 40 بوصه واخبرنى ان الLG افضل فى الصوره من سامسونج واشترى على هذا الاساس وكانت 43 بوصه تقريبا لكن ليس لى تجربه شخصيه ....حاول مش تستسهل الشراء من النت و تأخذ جوله قبل الشراء فمثلا عرفت حينها ان الجهاز 43 بوصه فى شارع عبد العزيز ممكن يكون فيه موديل 2016 مخزون وموديل احدث 2017 بمزايا واضاءه اعلى مثلا لكنك تفرح بسعر بائع عن الاخر ولا تفهم الفرق .

[أدهم عمرو]

وصلت فكرتك أخى الفاضل ربنا يبارك فيك