الأخ الكريم
لابد من ذكر مكان البيع
والمقابله الشخصيه
السلام عليكمشاومي ريدمي 5 بلس بشريحتي اتصال - 32 جيجا، 3 جيجا رام، الجيل الرابع ال تي اي، ازرق
للبيع
https://www.gsmarena.com/xiaomi_redm...plus)-8959.php
الجهاز حالته ممتازه جدا جدا يعتبر جديد
تاريخ الشراء 1/3/2018
سبب البيع : كنت جايبه لمراجعه الجهاز فقط
المتعلقات بكامل المتعلقات والفاتوره والضمان والعلبه
الجهاز معاه كوفر هديه
الجهاز جديد سعره 3400 حاليا
سعر البيع 2700
ضمان منى اسبوعين لتجربه الجهاز
مكان البيع الاسكندريه - المنشيه
او الشحن تبع ميدل ايست على حساب المشترى
التواصل 01118509955
التعديل الأخير تم بواسطة mahmoud7774040 ; 23-03-2018 الساعة 20:45
الأخ الكريم
لابد من ذكر مكان البيع
والمقابله الشخصيه
النهائى خاص لو سمحت ، و او ربنا سهل هيبقى شحن .
ده يرضى السادة الأعضاء و الأدمنز !!!!
الأستاذ محمود أحمد بعد ما إتفقنا على السعر و طريقة التوصيل لحس كلامه !!!!
حتى إنى إقترحت عليه أشارك بنص تكلفة الشحن -مع إن الإتفاق الشحن عليه- برضوا منفعش !!!
الإتفاق كان إنه يبعت التليفون و أنا أبيع الفلوس بس بمنتهى البساطة ، حتى رحت فرع إتصالات و إشتركت بخدمة إتصالات كاش !!!
أنا أفهم الطمع بس إحترام الكلمة حاجة تانيه خالص
الصور أهى و الحكم لكم
بصراحة الموضوع تعبلى أعصابى و موش عارف أرتب الرسايل كويس بس حبيت أنشر ردى على صفحته علشان يعرف يرد عليا لغاية معمل موضوع مستقل للى حصل.
الأخ إللى هيشترى أحب أقوله ربنا يباركلك يا اخى بس موش يبارك للأخ محمود أحمد !!!
و السلام على من إتبع الهدى
اولا شكرا على زوقك ثانيا انا حر ابيع اللى عايز ابيعله وعلشان ابينلك حسن نيتى قولتلك هبعتلك الموبايل الاول شحن وهبعتلك ايصال الشحن وتبعتلى الفلوس ومفيش حد بيعمل كده
وبرضو الصبح انا رايح اشحنلك الجهاز لقيتك بتقولى ما انت هتستلم الفلوس قبل ما انا استلم الموبايل يعنى اديتك كل الحلول وانت برضو قلقان فكلمت حد تانى ياخد الموبايل
وعلى فكره محدش بيبعت الحاجه قبل ما ياخد فلوسه اتمنى تكون فاهم الكلام ده
فمنعا للشك اللى عندك قولتلك خلاص هبيعه لحد وجها لوجه يشوف الموبايل ويدينى الفلوس
وتم بيع الموبايل يرجى غلق الموضوع
التعديل الأخير تم بواسطة mahmoud7774040 ; 26-03-2018 الساعة 13:47
الأخ الكريم
mohammed shindy
كان من المفروض أذا كان هناك شكوى
أن تقوم بتحريرها بقسم الشكاوى
**************
على كل حال
أنا أرى أن الشك تسرب أليكم
أنتم الأثنان
مع ملاحظه وجود النوايا الحسنه
منذ البدايه
لاتأخد الأمر بحساسيه
كل شىء بمشيئه الله
ليس لك نصيب فيه
كنا نتمنى أن تنتهى القصه أفضل من ذلك
لكن كما ذكرت سابقاا تسرب الشك أليكم
ولن يستقيم الأمر مع وجود هذا الشك
وللأخ الكريم
mahmoud7774040
كان من المفترض أن تنهى الموضوع مع الأخ
mohammed shindy
بأى شكل قبل التفكير ببيعه لشخص أخر
أو تعرض عليه الأمر وتخبره أن الشك تسرب أليكم
عموما مثل تلك الأمور
تفقدنا بعضاا من المصداقيه بالتعامل مستقبلا
على كل حال لعل الطرفان يستفيدان من التجربه
وبالنسبه لرأيى الخاص
أفضل شىء التعامل وجها لوجه مباشره
أنما الشحن وتلك الأمور أحيانا تحدث مشاكل
وننصح دائما باللجوء أليها مع الشركات والمحلات الكبيره فقط
أنما بين الأشخاص فتكون دائما على مسؤليتهم
ونحن لاننصح بها
عموماا أنا لاأجد مشكله مما حدث
فقط الأخ الشارى ربما كان يريد أتمام البيع بشده
وخذله تصرف الأخ البائع
لكن مع وجود الشك بالتعامل
كل شىء يكون متوقعاا
وبالنهايه أقول للأخ
mohammed shindy
ربنا يعوضك بأفضل منه
( وعسى أن تكرهوا شيئا وهو خير لكم )
يغلق
التعديل الأخير تم بواسطة abdalhaliem ; 26-03-2018 الساعة 16:08
المفضلات