وعليكم السلام اخي الكريم
مبارك عليك الخلاص من دوامة الثانوية العامة : )
حاسبات ومعلومات (علوم حاسب) : ده اسم الكلية وبداخله تخصصات اشهرهم تخصص هندسة برمجيات - تكنولوجيا المعلومات IT ( الاتنين بينهم تشابه كبير جدا يكاد يصل للتطابق ) - علوم حاسب - بحوث العمليات ونظام دعم القرار - نظم المعلومات كل تخصص بيهتم بحاجة معينة بتميزة عن غيره ومش هطول عليك قم علوم حاسب بيهتم بشكل اكبر بلغات البرمجة و فيه مادتين لهندسة البرمجيات لكن بتدرس فيه هاردوير بشكل مش قليل برضو ومن كلية هندسة انا كنت بدرس مواد اخويا في هندسة كهرباء بياخدها وده بيتوقف على الي ماسك الكلية عندك لان المناهج بتختلف من جامعة او اكادمية للتانية الاختلاف بيكون بسيط مش كبير ولو عاوز شرح تفصيلي لاي تخصص انا تحت امرك
بالنسبة لهندسة حاسب الي انت بتدرس برمجة وبرمجة واسعة كمان لان السوفتوير والهاردوير بيكملوا بعض مفيش حاجة اسمها ادرس ده من غير ده لان الهاردوير الي هتدرسه مش هيشتغل من غير السوفتوير الي هتدرسه برضو : )
الفرق الي في مصر ان كلية حاسبات ومعلومات هتندرج تحت نقابة العلميين ( الخاصة بكلية علوم ) و الناس بتحاول انها يكون ليها نقابة مستقلة بدل الذل الي احنا شايفينه ده لكن بره مصر خريج حاسبات بيتعملهم تماثيل
المهم بس تجيب لابتوب كويس و GamePads كويسة علشان تعرف تلعب بيس وفيفا و wwe2k و العاب المصارعة مع اصحابك وافتكر ان الحياة العملية والي انت تعرفه حاجة والي هتاخده في الكلية حاجة تانية ولو فيه حد قالك هتدخل تتعلم الاختراق وتبقى مستر روبوت او النسخة المصرية منه الهرم الرابع مفيش الكلام ده وانت طول الترم كويزات (امتحانات شهرية) و شيتات (واجبات) و ميدترم (امتحان نص الترم) وفاينل (امتحان نهاية الترم) وسكاشن عملي بتاخد حاجات غير الي في المحاضرات ومشروعين تلاتة كل ترم وحاجة زي الفل يعني ..
المهم تصاحب بتاع المطعم علشان يحجزلك انت واصحابك مكان كويس جنب فيشة كهرباء علشان تعرفوا تلعبوا براحتكم
المفضلات