مساعدة فى تشغيل الصوت الخاص بالافلام بتقنية DTS

**nazeh000** · 13-12-2018, 21:41

السلام عليكم اخوانى املك سماعات Sound Logitech Z506 5.1 بنظام 5.1
وكارت صوت Sound Card Xonar DGX Audio Card
وكنت بنزل الافلام تكون الصوت فيها DTS 1509 وكنت متخيل ان الافلام بتشتغل على نظام DTS وجدت الافلام لما احول على نظام DTS الصوت مش بيشتغل كما بالصورة
هل فى امكانية حد خبرة فى تقنيات الصوت يفهمنى او يشرحلى الوضع اية مع العلم انى بشغل برنامج POTPLAYER

**abdalhaliem** · 14-12-2018, 05:28

مرحباا أخى الكريم

نظام ( DTS ) له متطلبات

لابد من توفرها بكارت الصوت

بخصوص فك الترميز DTS

DTS

هي اختصار لـ Digital Theatre Systems

وهي سلسلة من التقنيات

الصوتية متعددة القنوات المتخصصة

في تنسيقات الصوت المحيطي الرقمية

على كل حال

أعتقد هذا الموضوع سيفيدك

https://arabhardware.net/forum/showthread.php?t=223184

بالتوفيق

**الواد ميشو** · 14-12-2018, 09:10

وعليكم السلام ورحمة الله وبركاته ...
من خلال تجربتي في موضوع الصوت بتقنية DTS او خلافه- طالما الصوت اتسمع كدا يبقى كله تمام أو تم فك شفرته (سواء بكارت داخلى أو كارت خارجي) وهو ممكن يفرق في زي ما تقول تحقيق أقصى تجربه من خلال دعم السماعات أو كارت الصوت نفسه.
فعشان يكون يكون الصوت محيطى أولا بتظبط الاعدادات من خلال لوحة كارت الصوت Audio Control Panel لكارت الصوت المراد الاستماع منه- يعنى بتختار يكون النظام 5.1 وتوزع السماعات بشكل زي ما يكون دائرة حولك (القصد لو حضرتك مش عامل كدا)
وبتختار من البرنامج مخرج الصوت من اختيار Select Audio Stream اللي هو أول اختيار بعد كلمة Audio - وهنا هتلاقي كل ما يوجد بملف الميديا من أصوات و حتى اذا كان بأكثر من لغة.

لكن اختيار حضرتك لا اعتقد انه هيفيد (هو انا مش عارف هو لأيه بالظبط للأمانة) لكن القصد من خلال تجربتي..

وبالتوفيق...

**nazeh000** · 14-12-2018, 11:31

شكرا للاهتمام اخوانى هو الصوت بيشغتل عندى محيطى بنظام 5.1 يعنى السماعات الخليفية لما بيحصل ضرب نار من الخلف او اى مؤثرات الصوت فى الالعاب بيتوزع فى الحجرة وبيجى من السماعات الخليفية بس اللى انا اعرفة ان نظام dts بيطلعك الصوت واقعى جدا اكتر من كدة كمان

**nazeh000** · 14-12-2018, 11:37

ودية الاعدادات فى كارت الصوت وفى برنامج مشغل الافلام اللى بعملها بيدنى صوت محيطى واعتقد من خلال متابعتى لموضوع ا/عبد الحليم لازم علشان اشغل dts لازم تكون الكابلات ديجيتال مش اوبتيكال ولازم السماعات والكارت يدعموة ال dts

**الواد ميشو** · 14-12-2018, 16:12

أخي الفاضل ...
انا كان قصدي ان يكون مصدر صوت الفيلم بنفسه بكودك DTS \أو فيه افلام بيكون لها أكثر من مصدر صوت داخل نفس الملف(وانا واع ان حضرتك عارف) بس قصدي انك تحدد ان يكون المصدر نفسه بــDTS لان ربما يكون مثلا الفيلم الصوت به على نظام 5.1 تمام بس بكودك زي ACC فهيتم توزيع الصوت على السماعات لكن نوع كودك الصوت يفرق. (فهل تلك هي النقطة المراد الاستفسار عنها)
أم ان حضرتك بتعمل كل داه والصوت مش كما كان عند ظن حضرتك ؟

**nazeh000** · 14-12-2018, 17:15

المشاركة الأصلية كتبت بواسطة الواد ميشو

أخي الفاضل ...
انا كان قصدي ان يكون مصدر صوت الفيلم بنفسه بكودك DTS \أو فيه افلام بيكون لها أكثر من مصدر صوت داخل نفس الملف(وانا واع ان حضرتك عارف) بس قصدي انك تحدد ان يكون المصدر نفسه بــDTS لان ربما يكون مثلا الفيلم الصوت به على نظام 5.1 تمام بس بكودك زي ACC فهيتم توزيع الصوت على السماعات لكن نوع كودك الصوت يفرق. (فهل تلك هي النقطة المراد الاستفسار عنها)
أم ان حضرتك بتعمل كل داه والصوت مش كما كان عند ظن حضرتك ؟

لاء اخى كل ما فى الامر انا عندى السماعات دية من 3 سنين هى والكارت وكنت من ايامها لحد الان بنزل الافلام بلوراى بجودة عالية وكنت بنزل النسخ اللى صوت فيها بيكون dts 1509 5.1 مش acc لان حسب الكلام ان النقاء الصوت افضل بكتير واحسن فى التوزيع وانا بتفصح المواقع بالصدفة لاقيت حد كاتب انة عندة نفس الكارت بس مش بيخرجلة الصوت dts مع ان الفليم dts فاتصدمت ساعتها امال انا بنزل كل دة dts لية هههههههههههه مش هينفع تشغل dts غير بكابلات ديجتال وحوار فقلت اسئل فعلا هل مش هينفع نشغل الافلام بالنوعية دية من الصوت علشان لو كدة هبقى انزل افلام بجودة صوت اقل

ACC

واوفر المساحة طالما هيا هيا فى الاخر هتدى نفس النتيجة وانا اسف لو حضرتك مش فاهمنى