شيل اى تعريفات الاول من على الويندوز ونزل التعريفات اللى فوق وشوف الامور هتستقر ولا لاء
كمان اعتقد لو سيبت ذاكرة كارت الشاشه زي ما هيا على الوضع الافتراضي يكون أفضل لان فرق الاداء مش هيفرق كتير لما تزود ل 2 جيجا
الافضل انك تعمل استعاده للاعدادات الافتراضيه للبورده
جرب وردلنا خبر ايه اللي حصل وياك
هو انا كدا غيرت النسخه ونزلت التعريف والجهاز اشتغل تمام بس ف تقطيع كدا بسيط هقلل الاعدادات بتاعت الجرافيك واشوف
تاني حاجه الهارد فيه صوت كدا كركبه مش عارف من ايه مش عارف من الباور ولا هو كدا عادي
تالت حاجه بالنسبه لاولويه الحاجه اللي هجيبها الأول الباور ولا الراما ولا الهارد
الحمد لله ان الجهاز بقي تمام
بخصوص الهارد الصوت دا ساعات بيكون عادي لو فى تحميل على الهارد ومفيش منه قلق الا لو كان الصوت عالي اوي او الهارد بيخلي الجهاز بطىء جدا او بيهنج مثلا
من وجهة نظري الاولويه دايما للباور سبلاي لان دا اول حاجه بتحافظ على قطع الهاردوير اللى فى جهازك
بس ممكن بما ان جهازك حاليا شغال بدون كارت شاشه عالي ومفيهوش قطع هاردوير بتسحب باور كتير ممكن تمشي امورك بالباور مؤقتا لحد اما تشتري الباور الجديد
بس بدون شك طالاما قررت تحتفظ بالباور الحالي يبقي تجيب هارد SSD اذا قررت تشتري حاجه الاول
وفي الاخر انت شوف المناسب ليك واعمله
انا سالت المحل اللي اشتريت منه الكمبيوتر ع الهارد ssd معندوش غير كينجستون وويسترن ايه رايك ولا اجيب سامسونج من بره
بخصوص نسخة الويندوز دي تقريبا أحدث اصدار حاليا من ويندوز 10 حمل من هنا
الهاردات اللى انا جربتهم شخصيا اللى قولتلك عليهم مقدرش ارشحلك حاجه انا مجربتهاش
حاول لو تقدر توصي المحل يجيبلك نوعية من اللى قولتلك عليها يكون افضل او ممكن تشوف شركة زي النخيلي مثلا او ماكسيمم هاردوير يشحنولك الهارد لحد عندك وتدفعلهم عند الاستلام
معلش ممكن تكتبلي مواصفات رامات ياااما 2*8
يااما 1*16
وباور كمان محترم عشان لما اجيب كارت شاشه بعد كدا
والهاردssd خلاص اتفقنا عليه انه سامسونج
لاني كلمت النخيلي وقالي انه ف شحن ف المنصوره عادي فمحتاج حاجات بقا متوافقة مع الجهاز عشان ماادورش ع حاجه بعد كدا
معلش تكتبلي بس الباور والهارد والرامات عشان أطلبهم من النخيلي
المشكله ان السوق المصري محكوم بموديلات معينه بس عموما حاول تجيب كيت الرامات دا لانه متوافق مع البورده بتاعتك
Corsair Vengeance LPX 16GB (2 X 8GB) DDR4 3000MHz CL15 1.35V Dual Channel Memory Kit (CMK16GX4M2B3000C15)
وبخصوص الباور سبلاي هات الموديل دا
Seasonic M12II 620W EVO Edition 620-Watt 80 PLUS Bronze Full Modular PSU
الشكر لله أخي الكريم
معلش انا عاوز اسطب نسخه 7 لان نسخه10 بتقابلنى فيها مشاكل كتير ومش حاببها فبعد اذنك عاوز معنى الرساله دى ايه لانى دخلت على موقع الماذربورد لقيته بيدعم 10 و7 بس عند ال7 كاتب الرساله دى ياريت توضيح لمعناها لانى مش فاهم معناها
* To support Windows® 7 64-bit, you must install an AMD Pinnacle Ridge & Summit Ridge CPU.
معني الرساله ان عشان تنزل ويندوز 7 لازم البروسيسور المتركب على البورده يكون Pinnacle Ridge او Summit Ridge
يعني البروسيسور يكون من الجيل الاول من رايزن او الجيل التاني وتحديدا الاجيال دي بدون كارت شاشه مدمج لكن البروسيسور بتاعك الاسم الكودي بتاعه Raven Ridge
انا لسه واخد بالي من الموضوع دا دلوقتي بصراحة لما انت قولت ولما دخلت على موقع البورده لقيت فعلا مكتوب كده
يعني كده طبقا لموقع البورده مش هينفع تنزل ويندوز 7 على جهازك لان مش هتلاقي تقريبا تعريفات على ويندوز 7
ماهو انا مش بحب نسخ غير سفن غير كدا نسخه 10 بقابل فيها مشاكل كتير ومش عاوزها وكمان انا نزلت قبل كدا نسخه سفن بتنزل وكله تمام بس بتقف ع صوره الللي هيا بتكتب اسمك فيها اللي نزلتها ف اول الموضوع يعني ف النهايه بس للأسف بتيجي عن الخطوه دي ولما بتفتح عليها لا الماوس بيشتغل ولا الكيبورد
المفضلات