السلام عليكم / سؤال اذا امكن ممكن اعرف ماهى السرعة الذى تصل لى بعد تركيب الفايبر
رد مع اقتباس
عليكم السلام ورحمة الله وبركاته
رمضان مبارك عليك وعلى الأمة الإسلامية يا أخ أيوب
أنا كمان مشترك على سرعة Up To 15 MB وتم تغيير الكابلات في منطقي لكابلات فايبر
معلومة سريعة:
تغيير الكابلات للفايبر في أي منطقة على مستوى الجمهورية بيكون من السنترالات إلى الكبائن الرئيسية في المنطقة
وتبقى الكابلات من الكبائن الرئيسية إلى البوكسات الفرعية نحاس كما هي.
طبعًا مازلت خطوة إيجابية ومهمة وبتحسن البنية التحتية للإتصالات بشكل كبير
لكن تقدر تقول هي خطوة أولى ولسه عشان نقدر نحس بقيمة كابلات الفايبر بشكل فعلي
محتاجين التوصيلة تكمل وتبقى من السنترال لـ الكابينة لـ البوكس.
بالنسبة للسرعة المفترض توصلك في حالة إن خطك تابع لسنترال مغير الكابلات لفايبر فالأمر فيه تفصيل:
السرعة اللي المفروض توصل للعميل بتعتمد على جودة وكفائة الخط ودي حاجة للأسف متغيرة
لكن بشكل عام لو خطك مفيهوش مشاكل السرعة هترفع معاك تدريجي لحد ما توصل 15 ميجا وممكن تعدي
أنا عندي في حالة استقرار الخط بتوصل 18 ميجا وتفضل كام يوم وتنزل لـ 17407 كيلو يعني تقريبًا 17 ونص
دلوقتي حالًا وقت كتابة التعليق السرعة 17407 كيلو وبقالها على كدا حوالي أسبوع.
بالنسبة لسرعة الدون لود مش بتقل عن 1.9 MB وبتوصل لـ 2 MB
لكن دا طبعًا مع اللينكات المباشرة والسيرفرات الضخمة زي جوجل ويوتيوب ودونلود دوت كوم وغيرهم.
بالنسبة لسرعة الأبلود متابعتهاش أوي بصراحة لأني أخري في الأبلود إني اعمل Backup وقليل لو رفعت حاجة
لكن قراءة الـ Upstream عندي 1911 كيلو وكانت أوقات بتبقى 2048 كيلو فغالبًا سرعة الأبلود هتكون في رينج 200 كيلو.
المفضلات