مساعده في اختيار بندل مناسب
السلام عليكم
لو سمحتو انا عندي القطع دي وعايز اعمل بيها بدل ببندل ryzen
i7 3770
i3 2120
msi z68
16 gb ram ddr3 ( 4*4 )
gtx 560 ti
سبب اني عايز اعمل بدل اني جبت كارت gtx 1070 msi gaming
وحاسس ان التجميعه مش شغاله كويس مع بعض وان البروسيسور قليل
فممكن مساعده لاني مش بفهم ف بروسيسورات amd خالص
ايه الانسب مقابل بيع القطع دي ولو في دفع فرق ممكن اعرفه
كمان ياريت لو حد يعرف مكان في القاهره بيعمل استبدال مستعمل ياريت يقولي عليه
وشكرا جزيلا
وعليكم السلام ورحمه الله وبركاته
مرحبا أخى الكريم
لاتخلط الأمور ببعضها
أولا قم ببيع مالديك
ومن ثم حدد ميزانيتك ليتم الترشيح بناء عليها
لكن أمور البيع والبدل
ليس مكانها قسم نصائح تجميع الاجهزه
( لو أردت البدل بشىء معين عليك أنشاء موضوع بقسم البيع والشراء بعد قرائه قوانين القسم )
عموماا لاحظت أنك تمتلك معالجان
الأول i7 3770 = بحدود من 1500 ألى 1700
الثانى i3 2120 = بحدود من 500 ألى 700
البورده = بحدود من 400 ألى 600
الرام = بحدود 500
كارت الشاشه = بحدود من 700 ألى 800
قم بعرضهم للبيع
ومن ثم تقوم بتحديد ميزانيتك
وتقديم النصيحه بأذن الله
بالتوفيق
شكرا الاهتمامك اخي عبد الحليم
ولكن عندي استفسار بخصوض سعر الرامات
الواحده المفروض سعرها ٣٠٠ فازاي ال ٤ ب ٥٠٠ ممكن توضيح ؟
كمان ايه افضل تجميعه ryzen ابحث عنها تشتغل كويس مع كارت 1070
الشكر لله أخى الكريم
الرام المستعمل 4gb سعرها 250 جنيها
تخيلت أنك تمتلك رامتين 2x4
ومادمت تمتلك 4 رامات
أضرب 250 × 4 = 1000
كمان ايه افضل تجميعه ryzen ابحث عنها تشتغل كويس مع كارت 1070
التجميعات كثيره أخى الكريم
المهم تحديد الميزانيه لكى نرشح من خلالها
بالتوفيق
الف شكر ليك اخي على المساعده وربنا يوفقك
الشكر لله أخى الكريمالمشاركة الأصلية كتبت بواسطة eslamneo
بالتوفيق دائماا
اخي عبد الحليم
ممكن ترشيح بندل ريزن في حدود ميزانيه من 6000 ل 7000
عايز بروسيسور + بورده + رامات + كيسه وباور
وهشغل عليهم كارت msi 1070 gaming x
على شاشه aoc 2590px 144hz
بعد اذنك استاذ عبد الحليم انا شايف ديه افضل تجميعة للميزانية
Ryzen 5 2600. 2500l.e
Ram crucial 3200 cl 16. 1500l.e
بخصوص الرامات ديه فى منها cl18 خليك فى cl16 افضل
Mother asrock b450m 1500l.e
بلنسبة للمبلغ المتبقى 1500 انت ممكن تجيب بيه كيسة مع باور بس مش هيكون الباور بنفس كفاءة الباور المنفصل اللى من ماركة معروفة فحضرتك لو تعرف تزود المبلغ شوية وتجيب باور منفصل وكيسة بتهوية كويسة وشكل كويس لو انت بتهتم بلشكل .اوك
معندكش امكانية انك تزود ممكن تجيب sesonic 620w s12ii
وكيسة تايجر تجارى بدون باور ب350
ولو عاوز حاجة افضل فى الباور ممكن تجيب باور evga 750w g3 gold
ناس كتير بيبعوه مستعمل بحوالى 1000 تقريبا بيبقا فى التعدين لو تعرف تدور وتلاقى حاجة مستعملة شهرين تلاتة وبالفاتوؤة يبقا افضل واهم حاجة الفاتورة .
وانتظر رارى الاستاذ عبد الحليم هو اعلم منا فى هذا المجال
أشكرك أخى الكريم على المشاركه والتفاعل
التجميعه التى قمت بترشيحها مناسبه جداا للميزانيه المحدده
فقط هناك نقتطان
الأولى
أذا كان هناك إمكانيه لزياده الميزانيه قليلا
والذهاب مع معالج 3600 سيكون أفضل كثيراا
( الفارق بين المعالجان بحدود 1100 )
أما النقطه الثانيه
فهى الإبتعاد تماماا
عن كل شىء عمل بالتعدين
كل شىء وأى شىء
سيكون غير آمن تماماا
ماعدا ذلك فالأستاذ محمد
قدم أليك مايناسب إستخدامك وميزانيتك
بالتوفيق دائماا
الف شكر ليك يا محمد على اهتمامك
بس فعلا زي ما استاذ عبد الحليم ما نصحني ب 3600 في كتير قالولي الفرق في الاداء يستاهل الفلوس
فلو خلينا البروسيسور 3600 مع التجميعه دي + ان انا بقالي مثلا قول 7 سنين شغال بكيسه كولر ماستر بباور 500 وغيرت عليها حاجات كتيره اوي ومحصلش مشاكل
فايه المشكله لو جبت كيسه بباور 600 مثلا ويكون شكلها مقبول
حاجه زي cooler master cmp 500 & 600 psu
وبالنسبه للبورده لاني سالت كذا حد عليها وملقتهاش هل في بديل كويس ؟ ولا تستاهل اني ادور اكتر
التعديل الأخير تم بواسطة eslamneo ; 26-09-2019 الساعة 14:56
لاتوجد مشكله من الذهاب
مع كيسه بها باور معتمد بقدره 600w
فقط عليك أن تعلم
أن الباورات التى تكون مدمجه بالكيس
ليست كتلك التى تباع منفصله
ستكون أقل كفائه بنسبه بسيطه
لكنها ستظل باورات معتمده
وبالنسبه للوحه الأم
هناك لوحات عديده لشريحه B450
وأخترنا لك تلك اللوحه
حيث تمتاز بالجوده والسعر المناسب
Gigabyte B450 Gaming Socket AM4
بسعر 1750
من هنا
بالتوفيق
تمام يا استاذ عبد الحليم
انا ف مول البستان حاليا للشراء
بالتوفيق إن شاء الله
الف شكر ليكم
تم شراء
RYZEN 5 3600 3650 L.E
Ram crucial 3200 cl 16. 32G 1550 L.EGigabyte B450M Gaming Socket AM41550 L.E
Cougar mx350 with 600 psu 1700 L.E
ضوابط المشاركة
رد مع اقتباس
المفضلات