عليكم السلام ورحمة الله
يا ريت تقولنا الخدمة اشتغلت معاك أمتى بالضبط؟
لأن المفروض معاك من يومين لـ أسبوع لحد ما السرعة توصلك كاملة
وكمان عاوز أقولك إن كفاءة الخطوط مش ثابتة يعني ممكن ترفع أو تنزل عادي
الشركات لما بتقولك على كفاءة الخط بتكون الكفاءة اللي ظاهرة قدامهم على السيستم في الوقت اللي أنت بتسألهم فيه.
في نقطة كمان بالنسبة لسرعة الـ 30 ميجا، وهي إنك هتحتاج راوتر VDSL عشان توصل ليها
الراوتر العادي الـ ADSL أقصاه 24 ميجا ودا النظري كمان.
وأنت من ناحيتك اتأكد من السنترال نفسه اللي أنت تابع ليه إنه غير الكابلات لفايبر
عشان دا اللي هيحدد فكرة إنك تغير لسرعة الـ 30 ولا لا.
بالإضافة لتأكدك من جودة التوصيلات الخارجية والداخلية عندك
يعني من البوكس اللي في الشارع لحد البيت ومن البيت لحد الراوتر
ويفضل جدًا إن الكيبل يكون جاي من البوكس اللي في الشارع على الراوتر مباشر بدون أي لحامات ويكون كيبل نحاس ماركة محترمة
إما سلك الهيئة نفسها أو السويدي لو مش متاح حاجة من الاثنين ممكن المهندسين.
المفضلات