استفسار بخصوص تلفزيون 4k

**RVD150** · 12-12-2019, 13:27

تم شراء شاشة تلفزيون 55 بوصة 4k كيرفيت من سامسونج

الشاشة تمام فى كل حاجة و لكن لحظة حاجة كدا و هى ان مع اللون الاسود بلاقى اضاءة بيضة معرفش بصراحة هل دة طبيعى فى شاشات التلفزيون ام لا

انا عملت اختبار من الفيديو دة

https://youtu.be/qnQNCWiw-XQ

طبعا عملت جودة الفيديو نفس جودة الشاشة و وجدت التالى لو الصورة كلها سودة التلفزيون بيبقى زى ما يكون مش شغال يعنى الشاشة بتبقى سودة تماما و لكن اذا ظهر بعض الكلام على الصورة السودة بيبقى فى اضاءة فى اللون الاسود

بمعنى اذا كانت الصورة كلها سودة ولا يوجد اى الوان أخرى مش بيبقى فى ولا اى اضاءة و بيبقى اسود تماما لكن اذا ظهر اى كلام بلون ابيض مثلا بيبقى فى اضاءة على اللون الاسود

أيضا اذا تم تشغيل فيلم فى اطارات من فوق و تحت بالون الاسود مع الإضاءة داخل الفيلم بتلاحظ ان الإطارات السودة فيها اضاءة بيضة حسب الإضاءة داخل الفيلم

**ALGS** · 12-12-2019, 15:47

جربت تغير المود بتاع الصوره وتخليه movie mode وتشوف اذا هيفضل نفس الشكل ولا لا ؟؟

----

استفسار خارجي لو سمحت .. انت بتشغل الالعاب على الشاشه ولا لا ؟؟

**RVD150** · 12-12-2019, 16:09

جربت جميع المودات نفس الكلام

بنسبة لسؤالك عموما شاشات التلفزيون لا تصلح للالعاب شاشات الالعاب بتبقى معمولة مخصوص عشان الالعاب فيها مميزات لى كدا مثل سرعة الاستجابة عدد تغيير الصورة و كل الكلام دة هايكون مفتقد فى التلفزيون

و لكن مش معنى كدا ان الالعاب كش هاتشتغل لا هاتشتغل عادى بس مش بنفس كفائة شاشات الالعاب

**RVD150** · 14-12-2019, 00:11

مافيش حد عندو خبرة فى الموضوع دة

**RVD150** · 14-12-2019, 11:00

ارجو غلق الموضوع و شكرا

**abdalhaliem** · 17-12-2019, 18:16

طيب ياأخ أحمد

ماهو نوع البانل بالشاشه

أو قم بإرفاق رابط لها

وماتزعلش من التأخير بالرد

النفسيه ليست على مايرام تلك الأيام

**RVD150** · 17-12-2019, 19:36

ولا يهمك يا استاذ عبد الحليم اتعلمنا من حضرتك كتير و ان شاء الله المزاج بتعدل عن قريب

دة لينك للشاشة

https://www.samsung.com/us/televisio...n55ru7300fxza/

**abdalhaliem** · 18-12-2019, 01:51

أشكرك أخى الكريم

بالبدايه هل قمت بتجربه خفض شده التباين ؟؟

كما أنه من المعروف

إن التفاصيل الدقيقه بالألوان

وظهور الأسود الحالك بجوار الألوان

هذا تخصص شاشات

panel type

IPS / PLS وإصداراتهم

بالنسبه لشاشتك فهى

panel type VA

وهذا الأخير وأن كانت ألوانه جيده

لكن ليس بجوده ال IPS / PLS

وخاصه مع التبايين

بين الأسود الحالك والأبيض

وأيضا هناك خاصيه بشاشتك

Ultra Slim Array

تتحدث عن ماأقصده بالنسبه لشده التباين

Samsung's Ultra Slim Array dynamically fine tunes the deepness of the blacks, to the brightness of the whites, for a picture with sensational contrast

بما معناه

تقوم تقنية Ultra Slim Array من Samsung

بضبط ديناميكي لعمق اللون الأسود

قياسا إلى درجة سطوع الأبيض

( تباين بين السواد والبياض )

للحصول على صورة ذات تباين

لذلك سألتك بالبدايه

هل قمت بتجربه خفض شده التباين ؟؟

وبالعموم أجد أن الأمور طبيعيه

وليس هناك مايقلق

بالتوفيق دائما