مشكله فى حرارة البروسيسر 5820k أصبح 89 والكمبيوتر لا يعمل

[arabsup]

السلام عليكم ورحمه الله وبركاته

امكنيات جهازى هى

Cooler Master Cosmos II
Gigabyte x99 gaming 5p
core i7 5820k / 3.60 GHz / 15M Cache
Corsair Hydro Series H100i
Kingston HyperX FURY 16GB DDR4 2666MHz
KINGSTON 120 GB SSD + 6TB Western Digital black
4TB Western Digital black + 2TB Western Digital black
WD 4TB Black My Passport Portable External
Gigabyte GeForce GTX 960 2GB GDDR5
Asus VN248HA 23.8 Inch LED Monitor

Seasonic SSR-750FX Focus Plus Gold

نضفت الكيسه من التراب بالبلاور
وفكيت

Corsair Hydro Series H100i
ومسحت المعجون اللى كان على البروسيسر بالقطن ( بدون ما افك البروسيسر )
ومسحت المعجون اللى كان على القطعه النحاس اللى فى المضخه
ووضعت معجون جديد ماركة Cooler Master
وعندما شغلت الجهاز فتح لحد الديسك توب بس كان تقيل ووبص على الحراره عبر برنامج
Speccy
كان درجه حرارة البروسيسر 89
طبعا قفلت الجهاز بسرعه
شغلت التكييف وفكيت المضحه
ووضعت كمان شوية معجون
وقفلت المضخه اللى بتتحط على البروسيسر كويس جدا
شغلت الجهاز وبتيجى الشاشة الزرقا
وكلمة Corsair اللى على المضخه لونها بيحمر بسرعه جدا والويندوز بيحمل
ودا معناها ان درجه الحراره تخطت 50 درجه
وقفلت الجهاز بسرعه لانه مش راضى يفتح ويجيب الديسك توب
اخره يجيب علامه الويندوز وهو بيحمل وبعدها يهنج ويقف
انا دلوقتى مش عارف هل البروسيسر اتحرق ولا لا
وايه هى درجة الحرارة القصوى للبروسيسر دا
هل هى 66 ولا 100
واعمل ايه دلوقتى علشان الجهاز يشتغل بدون مشاكل

تحياتى وتقديرى

[abdalhaliem]

وعليكم السلام ورحمه الله وبركاته

مرحبا أخى الكريم

بالبدايه هل قمت

بأى أعدادات أو محاوله كسر لسرعه المعالج

إذا كنت قد قمت بذلك فلتقم بعمل

clear cmos jumper

( قم بعمل ذلك بكل الأحوال )

وإطمئن

بإذن الله المعالج بخير

وحسنا فعلت بقيامك بغلق الجهاز فورا

( الجهاز بكل الأحوال كان سيقوم بغلق نفسه )

والمعالج حسب موقع أنتل نفسه

المفروض ألا تتخطى درجات الحراره

66.8

وبعض المراجعات

تعطى 100 درجه مئويه

كأقصى درجه حراره له

لكننا بكل الأحوال

لابد أن نتفق إن عندك مشكله حقيقيه

فبعد عمل clear cmos jumper

أريد منك اذا كانت لديك بعض الخبره بذلك

أن تقوم بأزاله المعالج تماما

وملاحظه إن هناك تسرب للكولر

( المعجون الحرارى )

بقاعده السوكيت نفسه أو بأسفل المعالج

فأذا وجدت ذللك

عليك تنظيفه بحرص شديد

حتى لاتتلف سوكيت المعالج

( أو اللجوء لأحد الفنيين أذا خشيت حدوث ذلك )

وعليك مراجعه عمل المشتت جيدا

لربما طرأت عليه مشكله

تؤثر على كفائه عمله

وبالنهايه قم بفحص اللوحه الأم جيدا

تحت ضوء قوى

وتبين أن هناك تغير ما طرأ عليها

أهم شىء لاتحاول الدخول للنظام حاليا

عندما تقوم بتلك المحاولات

شاهد أولا درجات الحراره

وتابعها من داخل البيوس

وراقب أيضا ثبات خرج الفولتيه

من داخل البيوس

بالتوفيق دائما

[arabsup]

شكرا استاذى للرد والتوضيح
فى صاموله من الاربعه حلقت ومش عارف افكها
افكها ازاى دلوقتى
تحياتى وتقديرى

[abdalhaliem]

الشكر لله اخى الكريم

فى صاموله من الاربعه حلقت

ماذا تعنى حلقت ؟؟

[arabsup]

رأس الصاموله هارشة او تالفه والمفك لا يستطيع فكها

[abdalhaliem]

تمام أخى الكريم

هل أطمع بصور واضحه لهذا الأمر

بإنتظارك

[arabsup]

الحمد لله فكيت الصاموله
وهذه صور قبل الفك
الصاموله التالفه على اليمين فوق


https://imgur.com/a/eAGvlnV
https://imgur.com/a/mhTFOay
ودا المعجون اللى وضعته
https://imgur.com/a/kVxyCf7

الان مسحت اى معجون من على المضخه ومن على البروسيسر
سأضع معجون اخر واجرب الدخول على البايوس وارى درجات الحراره
علما انا لم اكسر سرعة المعالج ولا قمت بفك البروسيسر ولا فعلت اى شى نهائى سوى
طرد الغبار بواسطه البلاور ومسحت المعجون القديم ووضعت معجون جديد ( هذا كل شى )

هل الدخول على البايوس سيؤثر على درجة حرارة البروسيسر ام لا ؟
تحياتى وتقديرى

[arabsup]

يوجد رد فوق هذا
اللى عملته
شلت الرامات ومسحتها ووضعتها مره اخرى
ازلت كابلات اى هارد متوصل بالجهاز
مسحت المعجون من على البروسيسر والمضخه
ازلت البروسيسر لكى ارى هل هناك اى سنون فى السوكيت فى غير مكانها
ولكن كل السنون فى مكانها وهذه صور
https://ibb.co/bWpjDgG
https://ibb.co/T1c9bCQ
https://ibb.co/YhD6Zhh
https://ibb.co/rGzBVd6
https://ibb.co/kG3pdFv
https://ibb.co/wzNyWPg
https://ibb.co/xsCWxYZ
وضعت البروسيسر فى مكانه
ووضعت معجون غير نوع المعجون الاخر
وشغلت الجهاز ( معرفش اعمل
clear cmos jumper )
ودخلت على البايوس ودرجة الحرارة بترتفع درجة او اتنين كل ثانية
بعد فتح البايوس بحوالى 3 ثوانى كانت درجة الحراة 70
قفلت الجهاز بسرعه
شلت المضخه من على البروسيسر
وشغلت البروسيسر بدون اى مشتت حراره
وفتحت البايوس وكانت نفس درجات الحراره
سأجرب اضع
Cooler Master Hyper 212 Evo
واشوف النتيجه

لان
Corsair Hydro Series H100i GTX Extreme
كنت شاريه يوم
4\6\2016
واعتقد الان انه مش شغال لانه مش بيقلل درجه حراره البروسيسر
بعد التجربه اللى لسه مجربها

تحياتى وتقديرى

[arabsup]

فى ردين قبل دا

الحمد لله رب العالمين
الجهاز اشتغل بعد تركيب
Cooler Master Hyper 212 Evo
وبمروحه واحد فقط وليس اثنين
الكمبيوتر سريع زى ما كان قبل كدا
درجة الحراره




طبعا مفتحتش الجهاز الا لما اتأكدت من درجة حرارة المعالج فى البايوس لمده 5 دقايق متتالى انها 40

شغلت التكييف وفضلت مراقب درجات الحراره ودى صوره بعد 10 دقايق


كدا الواضح ان Corsair Hydro Series H100i GTX Extreme
باظ
رغم انه بينور والمراوح اللى كانت متوصله بيه بيشتغل
هو كدا بقاله 4 سنين وشهر
هل ينفع اعمله صيانه ولا اشترى واحد جديد وخلاص ؟
تحياتى وتقديرى

[abdalhaliem]

مرحبا أخى الكريم

كما توقعنا بردنا عليك اعلاه

وعليك مراجعه عمل المشتت جيدا
لربما طرأت عليه مشكله
تؤثر على كفائه عمله

واضح جدا أن هناك مشكله

طرأت على المشتت المائى

ولابأس من عرضه على الصيانه

لمعرفه سبب المشكله

وطالما المشتت الهوائى يعمل بكفائه

وليس هناك نيه للكسر

فلا بأس من الأستمرار مع


Cooler Master Hyper 212 Evo


ومتابعه درجات الحراره بأستمرار

نحمد الله أنك أهتديت لسبب المشكله

وتدارك الأمر

موفق دائما

[arabsup]

الف شكر استاذى الغالى
بارك الله فيك

انا لن اقوم بكسر السرعة
ولكن الان اريد اعمل صيانه للمشتت المائى
اين افضل مكان لذلك ؟
وما سعر المشتت المائى الجديد ؟
تحياتى وتقديرى لشخصك الكريم

[abdalhaliem]

الشكر لله أخى الكريم

وبارك الله بك وفيك

هى الفكره معاينه المشتت

من قبل فنى متمرس

أيا كان مكانه

لتبين

هل هناك إمكانيه لإصلاحه من عدمه

أما الأسعار

فتتفاوت حسب الحجم والماركه

بالتوفيق دائما

[arabsup]

شكرا للرد والمتابعه استاذى الغالى عبدالحليم
انا معرفش اماكن نهائى للصيانه
فياريت حضرتك تقولى على مكان للصيانه

واريد من حضرتك تقولى هل موجود فى السوق الان

Corsair Hydro Series H100i GTX Extreme
عاوز اجيب واحد ضرورى جدا فى اسرع وقت
او اجيب واحد قريب منه فى الكفائه
خلال 48 ساعة باذن الله سأشترى واحد جديد
الكيس
Cooler Master Cosmos II
الماذربورد
Gigabyte x99 gaming 5p
البروسيسر
core i7 5820k
انا بحثت عنه ومش لاقيه
ياريت حضرتك ترشحلى 5 حاجات يكونوا نفس الكفائه بغض النظر عن سعرهم

لان من شويه جيت اشتغل وافتح 43 Tab فى نفس اللحظه على متصفح
Brave
الجهاز خلال 3 ثوانى جاب درجه حراره 60 وشاشه زرقا ورستر لوحده
وانا كل يوم بفتح اكتر من 170 على H100i
على 3 متصفحات كروم وفايرفوكس و Brave
والموضوع كان بيبقى عادى جدا جدا
انما

Hyper 212 Evo لا يصلح معى نهائى

فى انتظار رد حضرتك
تحياتى وتقديرى لشخصك الكريم

[abdalhaliem]

الشكر لله أخى الكريم

170 تاب !!!!

وبتقدر تركز معاهم ؟؟
************

على كل حال

كيستك داعمه للمشتتات المائيه

240/280mm

ولا تدعم 360mm

وأنا أيضا فوجئت بخلو السوق بعض الشىء

كنت أريد ترشيح هذا المشتت لك

NZXT Kraken X62 280mm - All-in-One RGB CPU Liquid

https://www.amazon.com/Kraken-280mm-.../dp/B06XS9QNPS

بسعر 3100 لكنه لم يعد متوفرا بالسوق المصريه

( على الأقل أون لاين )

لذلك أفضل خياراتك الحاليه ويناسب كيستك

والترتيب حسب الأفضليه


1- AORUS 280 RGBGigabyte AORUS 280 RGB All-in-one Liquid CPU Cooler

بسعر 3600

https://www.gigabyte.com/arabic/Ther...-COOLER-280#kf


2- AORUS 240 RGB Gigabyte AORUS 240 RGB All-in-one Liquid CPU Cooler

بسعر 3300

https://www.gigabyte.com/arabic/Ther...-COOLER-240#kf


3- Thermaltake Water 3.0 240 ARGB Sync All-in-one Liquid

بسعر 2100

https://www.thermaltake.com/water-3-...argb-sync.html


بالتوفيق دائما

[arabsup]

الف شكر استاذى الغالى عبد الحليم
اخترت
Thermaltake Water 3.0 240 ARGB Sync All-in-one Liquid
وشوفت ريفيوهات عنه
سعره كويس وادائه ان شاء الله هيبقى كويس ومع وجود تكييف الوضع هيكون كويس جدا باذن الله
ان شاء الله اتصل بكرا بالمكان الوحيد اللى عنده الكولر دا ويارب يبقى موجود

بخصوص عدد التابات tabs
عامل بوك مارك لصفحات تخص الشغل ( لانه الانسان بطبعه بينسى )
ولانى حتى لو هفتكر مش هفتح كل العدد واحده واحده
حاجات زى روابط فى موقعى .. روابط احصائيات لموقعى .. مواقع بنوك حقيقيه ومواقع بنوك الكترونيه الخ
علشان اتابع على مدار الـ 24 ساعه ايه اللى بيتغير واعرف اصلح المشكله فى اسرع وقت لو لا قدر الله حصل اى تغيير
فبضغه واحده على البوك مارك اعمل open all
واقعد 16 ساعة فى التابات دى ( يعنى مش محتاج اى تركيز خالص )
اخلص تابه اقفلها واخش على اللى بعدها
جه وقت الصلاه اسيب الجهاز واروح اصلى وارجع اكمل وهكذا
الرامات 16 جيجا والحمد لله مش بتعدى استخدام 70% لو فتحت كل التابات دى
بس فى حوالى 100 تابه بيتقفلوا خلال ساعة
بس البروسيسر بيبقى اللود عليه 100% لمده دقيقه على الاقل
لما بفتح 43 تاب على brave او 30 على جوجل كروم او 100 على فايرفوكس
ولما بفتح اى بوك مارك من التلاته بشوف درجات الحراره واستهلاك الرامات
واستنى شويه وافتح بوك مارك متصفح غيره وهكذا
بس درجه الحراره بتبقى عاديه جدا مع المشتت المائى
مع المشتت الهوائى لو 4 تابات على جوجل كروم الجهاز بيقف

ان شاء الله اشترى الكولر بكرا او بعده وابلغ حضرتك لما اركبه
تحياتى وتقديرى لشخصك الكريم