عليكم السلام ورحمة الله
أخي الكريم، المعلومات "الغير منطقية بالنسبالك" اللي الشركة بتقولهالك عن مشكلتك سببها ببساطة هو "الروتين"
نعم أخي هو الروتين الموجود في كل مؤسسات الدولة حتى المؤسسات اللي من المفترض تكون راقية وذو احترافية
ببساطة أخي كفاءة الخطوط بتتغير كل فترة بحسب عوامل كتيرة منها كفاءة أجهزة السنترال وحجم الضغط في السنترال
وأيضًا حجم الضغط على البوكس اللي في الشارع وكفائة التوصيلات بشكل عام،
بالنسبة لكفاءة التوصيلات ممكن تقدر تتحقق منهم لكن كفاءة الأجهزة في السنترال
وكفاءة السيستم والموظفين المختصين وحجم الضغط صعب تتحقق منه ودا بيتغير أكيد،
وبالتالي شركات الإنترنت بتقيس كفاءة الخط وقت ما العميل يتصل ويقولهم عندي مشكلة ما،
وبيبلغوه باللي بيظهر على السيستم وقتها، وطبعًا مش بيدخلوا مع العميل في نقاش إن دي الكفاءة الحالية وممكن تتغير بعد كدا،
وطبعًا العميل بيفهم إن دي كفاءة الخط بشكل عام، وهو دا تفسير مشكلتك،
وطبعًا الكلام اللي بقوهولك دا عن تجربة لأني عميل مع المصرية للاتصالات من سنين طويلة
وكتير حصلت معايا مشاكل بخصوص كفاءة الخدمة وكتير قالولي أرقام متغيرة لأقصى سرعة لخطي في أيام متتالية،
يعني كنت اتصل وموظف يقولي أقصى سرعة 25 ميجا وتاني يوم أو حتى نفس اليوم موظف تاني يقولي أقصى سرعة 30
وتالت يوم أقصى سرعة 15، أقوله لسه امبارح زميل ليك قايلي خطك يتحمل لحد 30،
فيقولي بالأسلوب الروتيني السمج المعهود "اللي ظاهر قدامي ع السيستم يا فندم إن أقصى سرعة يتحملها خط حضرتك 15 ميجا"
وسبحان الله في نفس اليوم ألاقي السرعة بقت 21 ميجا.
المهم حاول تكلمهم وتطلب تغيير البورت لخطك في السنترال،
وأيضًا أطلب فني يجي تاني لفحص الخط ولما يجي متخليهوش يفحص ولا حاجة،
أطلب منه بس يغير مكان الكيبل داخل البوكس وخليه يقيسلك فراعات الخط" هما بيبقوا 3 فراعات والمفروض كل واحدة تبقى 116 على ما أتذكر"
لعل وعسى الخطوتين دول يغيروا من كفاءة الخط الحالية.
وطبعًا لو بتستخدم اسبليتر افصله دلوقتي واشتغل مباشر
موفق.
المفضلات