النتائج 1 إلى 3 من 3

الموضوع: الخبرة في الكمبيوتر في مصر مقارنة بالخارج

  1. #1
    عضوية جديدة
    تاريخ التسجيل
    Jan 2016
    المشاركات
    20
    الدولة: Egypt
    معدل تقييم المستوى
    0

    الخبرة في الكمبيوتر في مصر مقارنة بالخارج

    أثناء تصفحي في اليوتيوب وقعت على فيديو لسيدة لطيفة أمريكية بتتكلم عن مشكلتها مع كمبيوترAMD بعد تجميعه، والمشكلة باختصار إن بعد ما تم تركيب قطع الكمبيوتر وتشغيله بنجاح، الشاشة مش جايبة صورة.
    واضح إنها اعتمدت على نفسها في تركيب الكمبيوتر، بس وقفت عن المشكلة دي ومش عارفة تعمل أية، وابتدت تفكر في الحلول، قالت يمكن علشان الشاشة عندها قديمة يمكن هي دي المشكلة، جربت مع شاشة تانية، ومع شاشة تليفزيون برضو مفيش أي صورة خالص.

    لما زهقت من المحاولات وبعد أيام من التجارب قررت تروح مركز بيع كمبيوتر وقالت على المشكلة، قالها واضح إن في مشكلة توافق في الجهاز وبقترح عليكي انك تشتري نظام انتل أحسن. طبعا مش هو دة الحل، وقالت له أنا مش عايزة جهاز جديد، انا جهازي جديد أساسا وعايزة أعرف أية المشكلة.

    من ضمن المحاولات راحت لواحد فني آخر متخصص وعنده شهادة في المجال، وكان عنده الحل وبعتت ليه شكر مخصوص في الفيديو، وكان تحليله للموضوع، إن في مشكلة في بوردات الـ MSI مع معالجات AMD وللتغلب على المشكلة لازم يتم إضافة كارت شاشة خارجي، وفعلا اشترت كارت شاشة خارجي ووصلت الشاشة على الكمبيوتر واشتغل زي الفل، وهي ممتنة جدا لصاحب المشورة اللي أخرجها من المأزق.

    المفاجأة إن المشكلة اللي عندها أي حد هاوي أو اي حد شغال في المجال في مصر ولو عنده خبرة شهر واحد هيعرف إن معالجات Ryzen 5 2600 بتيجي من غير كارت شاشة مدمج ولازم تشتري كارت شاشة منفصل، يعني حتى المتخصص صاحب الشهادة مقدرش يشخص الموضوع بدقة واعتمد على البحث على النت علشان يقدر يفهم فين المشكلة.

    وكمان استغربت من التعليقات اللي كلها تقريبا بتتكلم عن نفس المشكلة، اللي بيدور على حل، واللي كان عنده المشكلة دي ومعرفش يحلها، حالات غريبة الصراحة.

    قريت الموضوع دة وقلت والله عندنا ناس زي الفل، أحسن من بره ميت مرة كمان.
    الفيديو بعنوان Monitor Black NO SIGNAL Issue- AMD Ryzen 5 2600- PC Build للي عايز يشوف التفاصيل، يمكن انا فاهم غلط ولا حاجة

  2. #2
    الإداره الصورة الرمزية abdalhaliem
    تاريخ التسجيل
    Jun 2005
    المشاركات
    17,740
    الدولة: Egypt
    معدل تقييم المستوى
    1857

    رد: الخبرة في الكمبيوتر في مصر مقارنة بالخارج



    مرحبا أخى الكريم

    أشكرك لمشاركتنا معك تلك القصه

    وكما ذكرت أى أحد ملم

    ولو ألماما بسيطا بالهاردوير

    يستطيع معرفه أن المعالج المركزى 2600

    ليس به معالج رسومى مدمج

    حتى وأن كان مستخدم جديد كليا بعالم الهاردوير

    فمن خلال موقع المعالج أو عن طريق البحث

    يستطيع معرفه كافه تفاصيل المعالح

    هذا حتى قبل الإقدام على الشراء

    ماأتحفظ عليه فقط هى تلك الجمله

    إن في مشكلة في بوردات الـ MSI مع معالجات AMD


    فتلك الجمله بالطبع خطأ جمله وتفصيلا

    أشكرك للمشاركه والتفاعل

    تم التقييم

    فائق تحياتى

  3. #3
    عضو فضي
    تاريخ التسجيل
    Jan 2012
    المشاركات
    1,122
    الدولة: Egypt
    معدل تقييم المستوى
    0

    رد: الخبرة في الكمبيوتر في مصر مقارنة بالخارج



    أنا فعلا أستغرب من قلة خبرة الأجانب أحيانا فى مجال الكمبيوتر، مع أنه من المفترض أنهم هم من اخترعوا هذه التقنيات من الألف للياء، ونحن استوردناها منهم.

    وهناك أمر اخر ايضا يحيرنى وهو لماذا لا يخرج من يصنعون هذه الحواسيب وعتادها بأنفسهم إلى الساحة ويحلون المشاكل التى تعترض طريق المستخدمين ؟

    موضوع رائع أخى الكريم، وأعجبني كثيرا ولطالما كان يدور بخلدى، لك تقييم محفوظ عندى حينما يسمح عم سمعة بذلك. (ملحوظة : هو مش عم سمعة، هو واحد تانى بس مش عارف اسميه إيه ؟
    لقد أعطيت تقييم أكثر من اللازم خلال 24 ساعة الماضية, حاول مرة أخرى فيما بعد
    )
    التعديل الأخير تم بواسطة MIDO V2012 ; 13-11-2020 الساعة 22:37

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •