المشكلة حدثت فجأة
كان يعمل الحاسب بالأمس ولا يوجد مشكلة وعندما قمت بتشغيله اليوم وجدت أن الجهاز يعمل ولكن الشاشة لا تظهر اى شىء سوى هذه الكلمة No signal
فى البداية قمت بتجربة شاشة اخرى ووجدت نفس المشكلة
ثم قمت بفك كرت الشاشة ونزعه وقمت بالتجربة بدونه والتوصيل باللوحة الام مباشرة.ونفس المشكلة
قمت بتنظيف الكيسة من الغبار ونفس المشكلة
ثم بعد ذلك وفقا لشروحات على الانترنت وجدت من يتحدث على أنها مشكلة كهرباء ساكنة
وفقا للشرح قمت بفك الرامات والهاردات ووضع الكيسة على الأرض لتفريغ الشحنة لمدة وصلت لأكثر من نصف ساعة ولم تحل المشكلة
ايضا قمت بفك البطارية وتوصيل القطبين ونفس المشكلة
وجربت التشغيل بدون البطارية ونفس المشكلة
وعليكم السلام ورحمه الله وبركاته ... ماعلينا بالشاشه الأن نريد الأطمئنان أولا على الجهاز بصوره عامه ..... قم بنزع كارت الشاشه وجرب أى باور سبلاى أخر أولا .... ثم قم بأزاله مروحه المعالج وإضغط على زر تشغيل الجهاز .... مع ملامسه سطح المعالج بأصابعك بلطف فأذا أحسست بحراره المعالج قم بإغلاق الجهاز فورا وأخبرنا .... وأن لم تكن هناك أى حراره فلابد من الذهاب بالبورده إلى أى مركز صيانه لفحصها ... ملحوظه مهمه .... يجب أن تغلق الجهاز فورا بمجرد الشعور بحراره المعالج .... بالتوفيق
قمت بإزالة مروحة المعالج كما قلت لى ووضعت اصابعى وبالفعل أحسست بسخونة المعالج وأغلقت الجهاز فورا
قمت بتركيب مروحة المعالج بعد ذلك وازلت كرت الشاشة وقمت بتجربة باور قديم عندى بدون كارت شاشة
ظهرت الشاشة ودخلت على اعدادات البويس لان الجهاز كان بدون هارد لاننى إزلته
قمت بإغلاق الحاسب وتشغيله مرة أخرى هذه المرة ظهرت المشكلة مرة أخرى
ثم قمت بإغلاقه وتشغيله اختفت المشكلة فى المرة الثالثة وظهرت اعدادات البويس
ثم قمت بإغلاقه وتشغيله للمرة الرابعة والخامسة ظهرت المشكلة مرة أخرى
بعد ذلك قمت بتركيب كرت الشاشة وتوصيل الشاشة به كل ذلك بالباور القديم الذى اجربه فى هذه المرة ظهرت اعدادات البويس قمت بإغلاق الجهاز وتشغيله وجدت اعدادات البويس مرة أخرى تظهر
قمت بإغلاقه للمرة الثالثة ظهرت المشكلة حاولت مرة أخرى ظهرت المشكلة ... ازلت كرت الشاشة وجربت بدونه أكثر من مرة لكن ظهرت المشكلة
قمت بإرجاع الباور الذى كنت اعمل عليه وقمت بتوصيل بدون كرت شاشة هنا ظهرت اعدادات البويس قمت بإغلاق الجهاز وفتحه مرة أخرى عادت المشكلة فى المرة الثانية حاولت اكثر من مرة ولكن نفس المشكلة
أعدت الباور الاخر وجربت بدون كرت شاشة لكن هذه المرة المشكلة موجودة لم تظهر صفحة اعدادات البويس هذه المرة
اسف على الإطالة لكنى أردت أن اشرح ما فعلته بالتفصيل
اريد إضافة شىء وهو آخر شىء فعلته قمت بتوصيل هاردين
Ssd والآخر العادى القديم hd وقمت بتوصيل كرت الشاشة كل ذلك باستخدام الباور الذى استخدمه دائما وليس القديم ووضعت الكيسة نائمة واشتغل الجهاز واقلع على الويندوز ولكن الهارد الhd لم يكن معرفا فقط هارد ssd فقط هو الذى يعمل .. تركت الجهاز وشغلت لعبة وتصفحت عليه وكل شىء يعمل .. قمت بعمل ريستارت للجهاز واشتغل ولكن عندما أغلقت الجهاز واردت تشغيله مرة أخرى لم يعمل وظهرت هذه المشكلة مرة أخرى .. ولا اعلم ماسبب ذلك
التعديل الأخير تم بواسطة ahmed3333 ; 13-09-2022 الساعة 18:46
انا للأسف رحت بيها لمحل صيانة اول امس ومش معايا دلوقت الكيسة .. هو سألنى النور قطع ولا حاجة قولتله هو النور بيقطع الايام دى كتير فممكن يكون قطع وانا فى الشغل بس مقطعش والجهاز شغال قبل كده قالى الفيش بتبقى محطوطة قلتله اه قالى يبقى ممكن فى مشكلة حصلت فى الباور أو المازر .. كلمته بالامس قالى لسه شغال فيها .. كلمته تانى دلوقتى قالى لسه شغال فيها قلتله يعنى لقيت فيها ايه قالى فى مشكلة فى دائرة الطاقة فى المازر قلتله يعنى المشكلة فى المازر قالى لسه انا حفك الباور واعرف .. الكلام ده منطقى يا استاذ عبد الحليم ولا ايه عشان أنا مش بفهم فى الحاجات دى .. هل كده المشكلة فى المازر ام الباور لأن لو الباور انا مش حشغله حتى لو هو صلحه وحجيب واحد تانى أما لو المازر هل ممكن تصليحها ولا خلاص كده انا خايف لأن المازر معناها انى خسرت كل حاجة لأنها قديمة بتشغل إنتل جيل رابع ومفيش منها دلوقت
كلام الفنى غير منظقى بالمره !!! .... دايره الباور التى بالبورده ممكن أصلاحها ... لكن لابد أن تكون متأكدا من الفنى حتى لايتلفها ... كما أن أصلاحها لايستغرق ساعتين بأسوأ الأحوال لكنهم ( محلات الصيانه ) أغلبهم يتعاملون مع فنى لأصلاح البورده ... وهذا الفنى يتعامل مع محلات عديده ... لذلك ستنتظر البورده دورها بالصيانه أو حتى مجرد فحصها ... بالنسبه للباور لاتقوم بإصلاحه حيث لايتوفر البديل أو قطع الغيار الأصليه من مكثفات وخلافه ... وبأغلب الأحيان سيستبدل تلك المكونات بأخرى تجاريه وتلك الأخيره لن تحل المشكله ... وتوجد بورد مستعمله أوريجنال للجيل الرابع فلا تقلق ... موفق
معلش يا استاذ عبد الحليم هى البورد المستعمله اوريجنال دى ممكن تبقى موجودة فى سوق الكمبيوتر فى سموحة ؟
الفنى للأسف شكله مش عارف العيب فين و بتصل عليه مش بيرد عليا وحروح اخدها منه سواء صلحها ام لا ..
ومعلش انا لو معايا فى حدود ١٢٠٠٠ جنيه مش الاحسن انى احدث دلوقتى قبل ارتفاع الأسعار مرة أخرى ولا ايه ؟
لو اجابه حضرتك أن الأفضل التحديث
انا الجهاز بتاعى دلوقتى كالاتى
I7 4770
ومشتت هوائى
Thermaltke ux200
Gigabyte B85 hd3
Rtx 2060 super
Xpg 650w gold
والكيسة nzxt lexa هل تنفع للتحديث ولا قديمة
وعندى ٢ هارد ssd و ٣ hd
....
ايه رأى حضرتك فى i5 12400f
ولو التحديث احسن ليا ياريت ترشحلى بورده تلاقم عدد الهاردات ورامات
و باور انا متابع حضرتك من زمان وعارف ان حضرتك دائما ترشح للجميع Seasonic
ايه رأى حضرتك فى
Seasonic Core Gold GX-650 650W 80Plus Gold-Full Modular
بس المشكلة أن. ممكن متبقاش موجودة
فمعلش ايه راي حضرتك كمان فى
COOLER MASTER MWE 650W 80+ GOLD FULL
أو
DEEPCOOL DQ 650W ST 80+ GOLD FULL
..
وهل المبرد الهوائى إلى عندى كويس ولا اجيب واحد تانى
تسألنى عن رأيى حسنا .... لاأحد ضد التحديث ولكن ... بظل الظروف الأفتصاديه والمغالاه بالأسعار بشكل جنونى .... أصبحت أنصح حاليا بعدم اللجوء لتحديث الجهاز ... إلا تحت ظروف قهريه ... تلف الجهاز مثلا بشكل كامل لاقدر الله ... ماعدا ذلك لاداعى للتفكير بالتحديث ... ( هكذا سأفكر لو كنت مكانك ) ... خد الجهاز من عند هذا الفنى وأذهب لأحد أخر ( يستحسن بعيد عن سوق سموحه للكمبيوتر ) وستجد بورده أخرى مستعمله بحال تلف البورده الحاليه ( لاتدفع فيها أكثر من 400 إلى 600 ) فقط أى بورده بأحدى تلك الشرائح ستعمل على المعالج الذى لديك ( Z97 / H97 / B85 / P85 / P81 / H81 ) بالنوفيق
شكرا لأرى حضرتك انا بردو متردد بسبب الاسعار دى
معلش انا مش فاهم كلمة حضرتك بعيدا عن سوق سموحة هل تقصد الفنى ولا كمان البورده مشتريهاش من سوق سموحة ؟ انا بصراحة مش عارف فين الاقي الاوريجنال ياريت حضرتك ترشح لى مكان
لأ ماقصدتش شراء البورده .... الشراء من أى مكان بفتره صمان أسبوع على الأقل من أى مكان ومش شرط أوريجنال .... الأوريجنال بنلجأ له بحال عدم توفر البديل بالسوق لكن بوردتك موجوده ومتوفره حسب الشرائح التى ذكرناها أعلاه من سموحه من أى مكان مش مشكله والسيوف مليئه بالمحلات التى تبيعها ... أنما قصدت التصليح ( بجمله بعيدا عن سموحه ) لم يعد هناك أهتمام بتلك الأمور بسموحه هناك شركه أسمها بيوس بمساكن الظباط بمصطفى كامل شارع المعسكر الرومانى أقرب للترام منها ألى البحر فقط توجه إلي هناك وإسأل على شركه بيوس ..... هذا بالنسبه للصيانه .. موفق
المفضلات