النتائج 1 إلى 6 من 6

الموضوع: هل تعمل الهاردات الـ PURPLE و الـ RED من ويستيرن بشكل جيد على الكمبيوتر المكتبي ـ( للتخزين )ـ

  1. #1
    عضو
    تاريخ التسجيل
    Dec 2014
    المشاركات
    100
    الدولة: Egypt
    معدل تقييم المستوى
    10

    هل تعمل الهاردات الـ PURPLE و الـ RED من ويستيرن بشكل جيد على الكمبيوتر المكتبي ـ( للتخزين )ـ

    السلام عليكم تحياتي للجميع و للأستاذ الفاضل عبد الحليم ..... أريد شراء هارد 6 تيرا بايت للتخزين على الكمبيوتر المكتبي ..... سابقاً كان يوجد بالسوق الهارد الأزرق 6 تيرا من ويستيرن يعمل جيداً و بميزانية مقبولة ..... و هنا أقصد هذا الموديل بالتحديد WD60EZRZ ..... و أقتني منه واحداً بالفعل منذ عام 2019 ..... لكن الآن لم يعد موجود نفس الموديل بمساحة 6 تيرا و أقصى سعة متاحة منه هي 4 تيرا فقط ..... و الموجود من الـ 6 تيرا الأزرق هو موديل WD60EZAZ ..... قمت بالبحث عن الفرق بين الموديلين وجدت معظم الآراء تقول أن موديل الـ WD60EZAZ أسرع من الآخر من حيث الكاش لكنه غير جيد بسبب تقنية الكتابة المسماه بـ SMR ..... و أنه يوجد نوعين من تقنيات الكتابة تلك و هما التقنية الأقدم CMR و التقنية الأحدث SMR..... و وجدت أن التقنية القديمة CMR أفضل من التقنية الحديثة SMR من حيث فرص إستعادة البيانات المحذوفة يدوياً أو بفورمات الهارد ..... هذه المعلومة من مركز متخصص في إستعادة البيانات عن طريق أجهزة مخصصة و ليست برامج ..... و ذكر لي أن الهاردات التي تعمل بتقنية SMR تكاد تكون شبه مستحيل إسترجاع البيانات منها..... و ده اللي خلاني أخاف من الموديل الأزرق WD60EZAZ ..... و من هنا بدأت أسأل عن الهارد الـ PURPLE المشهور بالبنفسجي و المخصص لأجهزة كاميرات المراقبة ..... وجدت متاح منه 6 تيرا و هو موديل WD60PURZ و تقنية الكتابة به هي الأفضل حسب ما تم ذكره سابقاً CMR ..... لكن في التوكيل الخاص بشركة ويستيرن المتواجد بمول البستان لما ذكرت له إني هستخدمه في التشغيل على الكمبيوتر بغرض التخزين خوفني منه و قالي هيحصل فقدان للداتا و تلف في ملفات كتير منها لأنه مخصص لأجهزة كاميرات المراقبة و مش مضمون في شغل الكمبيوتر ..... قولت له طيب إيه البديل للهارد الأزرق القديم و يكون كويس قالي الأحمر هيشتغل كويس لأنه مخصص للسيرفرات ..... محتاج أفهم مدى صحة كل الكلام اللي فات ده ..... و إيه الأفضل في البنفسجي و الأحمر ..... و لو في حالياً موديلات جيدة في شركة سيجيت بدون مشاكل زي زمان إيه هي ـ( و إن كنت شخصياً من زمان لا أحب هاردات السيجيت و دايماً بستخدم ويستيرن )ـ ..... و كذلك شركة توشيبا ..... المهم يكون هارد كويس للعمل على الكمبيوتر و أقدر أستعيد البيانات عليه في حالة الحذف أو الفورمات ..... معذرة على الإطالة لكني حبيت أوضح كل التفاصيل لأني عارف كرم حضرتك هتفيدني كويس ..... و بنفس الوقت الموضوع يكون مرجع لجميع الأخوة المقبلين على الشراء يكونوا فاهمين المعلومات دي ..... شكراً جزيلاً لحضرتك مقدماً و تحياتي ليك
    التعديل الأخير تم بواسطة أهلاوى سوبر ; 06-10-2022 الساعة 05:37

  2. #2
    الإداره الصورة الرمزية abdalhaliem
    تاريخ التسجيل
    Jun 2005
    المشاركات
    19,363
    الدولة: Egypt
    معدل تقييم المستوى
    1911

    رد: هل تعمل الهاردات الـ PURPLE و الـ RED من ويستيرن بشكل جيد على الكمبيوتر المكتبي ـ( للتخزين



    وعليكم السلام ورحمه الله وبركاته

    مرحبا أخى الكريم وأعتذر بالتأخير بالرد لظروف طارئه

    ياأخى الكريم أنت تريد ردودا شافيه بهذا الخصوص

    لذا دعنى أحدثك بأمانه شديده

    بحقيقه الأمر إنتهى تماما عصر الهاردات الميكانيكبه ( ال hdd )

    لم تعد تستخدم إلا بالتخزين فقط

    وحلت مكانها للأنظمه وإداره الأجهزه

    الهاردات الصلبه ( ال ssd ) ولاحقا ال m.2

    ( مع إنه من الخطأ ذكر كلمه هارد مرادفا لل ssd / m.2 )

    المقصود أن كل الهاردات الميكانيكيه الأن لاتصلح إلا للتخزين فقط

    فسرعاتها لاتلائم المعالجات ولا تردد الرامات ألخ ألخ .....

    كان ماذكرته أعلاه ممكن مناقشته سابقا

    لكن الأن جميع تلك الهاردات تتساوى حتى الفئه العليا منها

    كمثال ( ال black ) أصبحت جميعها تتشابه حيث

    باتت جميع مكونات الهاردوير بالنسبه إليها سريعه جدا

    وستصبح بطيئه بسبب تلك الهاردات ال ( hdd )

    وستمثل نوع من أنواع عنق الزجاجه

    أذا كلها تصلح للتخزين فقط لاعير

    وهذا الأستخدام تتشابه به جميع تلك الهاردت

    فلا تعطى أهميه لقول من هنا أو هناك

    لايوجد فارقا يذكر بهذا الخصوص بينهما

    حتى جزئيه الأسترجاع لأراها ذات أهميه

    لإنه من الممكن الأسترجاع بأى نوعيه منهم بطريقه أو بأخرى

    فإذا كنت تنوى التخزين فرأيى كلهم متساوين

    وإن كنت أحبذ السيجات الأن

    وبالتوفيق دائما

  3. #3
    عضو
    تاريخ التسجيل
    Dec 2014
    المشاركات
    100
    الدولة: Egypt
    معدل تقييم المستوى
    10

    رد: هل تعمل الهاردات الـ PURPLE و الـ RED من ويستيرن بشكل جيد على الكمبيوتر المكتبي ـ( للتخزين

    يا غالي مفيش داعي للأسف انت دايما موجود بإفادتنا جميعاو ربنا يعينك دايما و بإذن الله تكون كل أيامك خير و سعادة أما بخصوص الهارد أنا بالفعل هشتريه للتخزين فقط و الموضوع إني مش عايز أكون قلقان إن الداتا تتمسح مني أو يحصل لها أي تلف و أتصدم كمان إني ماقدرش أسترجعها و يكون ده بسبب سوء إختيار مني لنوع الهارد و أنا عندي هارد خاص بالويندوزSamsung 970 Evo Plus M.2 500 GBهو أنا بس بستأذن حضرتك لو تفهمني أكتر عن CMR و SMR بشكل عام و ده من باب التأكد من العلومة و فهمها بشكل صحيح من حضرتك بما معناه علشان لما أجي أشتري أي هارد HDD للتخزين أكون فاهم كل حاجة كويس عن التقنيات اللي تخص الهاردات دي و بطبيعة الحال كل اللي هيشوف الموضوع ده يستفاد منه أشكرك جزيلا و معلهش لو بتعب حضرتك ربنا يبارك فيك دايما زي ما بتفيدنا بعلمك تحياتي لحضرتك ❤️❤️
    التعديل الأخير تم بواسطة أهلاوى سوبر ; 09-10-2022 الساعة 06:39

  4. #4
    الإداره الصورة الرمزية abdalhaliem
    تاريخ التسجيل
    Jun 2005
    المشاركات
    19,363
    الدولة: Egypt
    معدل تقييم المستوى
    1911

    رد: هل تعمل الهاردات الـ PURPLE و الـ RED من ويستيرن بشكل جيد على الكمبيوتر المكتبي ـ( للتخزين



    وبارك الله فيك ياأخى الكريم

    سأحاول الإيجاز لأن هذا الموضوع قديم جدا

    وقتل بحثا على شبكه الإنترنت

    بالمطلق كتفضيل بينهما فال CMR أفضل بالطبع .

    القصه ببساطه الفرق بينهما هو أسلوب الكتابه

    فال CMR

    كان الهيد يستخدم الكتابه والقرائه

    بصوره تراكات دائريه مع ترك مسافات بينهما

    وكلما أرادت الشركات خلق مساحات أكبر

    كلما قلت المسافات التى بين التراكات

    إلى أن وصلت الأمور

    إلى أستحاله تقليل المسافات بين التراكات أكثر من ذلك

    لذلك إتجهو إلى الأسلوب أو التقنبه

    ال SMR

    وهنا إحتلف أسلوب عمل الهيد تماما

    فأصبح يعمل بشكل عمودى

    https://www.easeus.com/images/en/wik...cmr-vs-smr.png

    لكى يخلقوا مساحات أكبر

    وهذا تبسيط للفرق بينهما

    وبالنسبه لأسترجاع الملفات مع ال SMR

    عليك تقسيم الهارد ألى عده أقسام

    وترك مالايقل عن 30% مساحه فارغه

    ويأذن الله تسطيع أستعاده الداتا

    فى حاله ال delete

    إذا لم تكن قد قمت بالكتابه مره أخرى

    على تلك البيانات أو الداتا

    وقد قمنا بذلك مرارا

    لكنى أعود مره أخرى وأذكر

    بالنسبه لهاردات التخزين لاتفرق تلك الأمور عندى

    هاردات SMR

    أحتفظ بها بداتا منذ فتره

    ولم يحدث هناك أى خطأ يذكر

    فقط أقوم بنزع كابل الطاقه بعد الأنتهاء

    من نقل الداتا منه أو إليه وغلق الجهاز

    وعندما أحتاجه مره أخرى أقوم بتوصيله

    سيظل يعمل معك لسنوات طويله

    بدون تحديد أى سقف زمنى يتلك الطريقه

    وبالنهايه توجد هاردات Seagate IronWolf

    بتقنبه CMR كمثال هدا الهارد

    https://www.ubuy.com.bh/ar/product/2...mb-cache-for-r

    بالتوفيق دائما

  5. #5
    عضو
    تاريخ التسجيل
    Dec 2014
    المشاركات
    100
    الدولة: Egypt
    معدل تقييم المستوى
    10

    رد: هل تعمل الهاردات الـ PURPLE و الـ RED من ويستيرن بشكل جيد على الكمبيوتر المكتبي ـ( للتخزين

    أستاذنا الغالي أولا بعتذر لحضرتك جدا للتأخير في الرد
    ثانيا بشكرك جدا جدا للإيضاح و الشرح الوافي دمت في تمام الصحة و العافية و بارك الله فيك يارب

  6. #6
    الإداره الصورة الرمزية abdalhaliem
    تاريخ التسجيل
    Jun 2005
    المشاركات
    19,363
    الدولة: Egypt
    معدل تقييم المستوى
    1911

    رد: هل تعمل الهاردات الـ PURPLE و الـ RED من ويستيرن بشكل جيد على الكمبيوتر المكتبي ـ( للتخزين



    اقتباس المشاركة الأصلية كتبت بواسطة أهلاوى سوبر مشاهدة المشاركة
    أستاذنا الغالي أولا بعتذر لحضرتك جدا للتأخير في الرد
    ثانيا بشكرك جدا جدا للإيضاح و الشرح الوافي دمت في تمام الصحة و العافية و بارك الله فيك يارب

    الشكر لله أخى الكريم

    ومبروك مقدما على الهارد

    موفق دائما

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •