GIGABYTE GeForce GTX 770 UNBOXING

[ahmed166]

السلام عليكم ورحمة الله وبركاته

انا قمت بشراء بطاقة GigaByte GTX 770 OC من فترة من متجر عرب هاردوير و البطاقة معاها لعبة assassin's creeds 3 بس اولا الكوبون مش معايا لإنه مكنش موجود فى العلبة و المتجر قام بإرساله عن طريق الايميل ثانيا العلبة كان علىها استيكر اللعبة لكن لأن الكارت كان بايظ من اول يوم وديته الضمان والضمان اعطانى العلبة الى حضرتكم هتشوفوها هو تقريبا متجر عرب هاردوير بيستورد من بره لإنى الكارت كان موجود عنده قبل ما ييجى عند الوكيل اصلا و وطبعا انا وديت الكارت للضمان علطول لإنه اقرب بالنسبة لى من المتجر و حصلت مشكلة مع الضمان ولكن بصراحة كلمت المتجر و كانوا فى منتهى الاحترام و حلوا المشكلة سريعا و بعدها الكارت نزل مصر فى المحلات التانية انا طبعا كنت كل اما اسألهم هينزل امتى يقولوا مش عارفين بس قلت الحمد لله لإنى طلعت بلعبة هدية يمكن لو كنت جبت الكارت من مكان تانى مكنتش هاخد اللعبة و قلت اعمل للبطاقة unboxing علشان اعضاء المنتدى يستفيدوا .

مواصفات البطاقة :
WINDFORCE 3X 450W Cooling system
Powered by NVIDIA GeForce GTX 770 GPU
Integrated with 2GB GDDR5 memory, 256-bit memory interface
Features Dual-link DVI-I/ DVI-D / HDMI / DisplayPort
BASE:1137MHz / BOOST:1189 MHz
System power supply requirement: 600W

والان مع صور البطاقة :

العلبة الخارجية



العلبة من الجوانب

نأتى الى الان الى العلبة الداخلية والتى تحتوى على الكارت و ملحقاته :

بعد فتحها







وهذه ملحقات الكارت


هذه صورة للكارت



وهذه مداخل HDMI,DVI,DISPLAYPORT


وهذه مداخل كابلات الباور 6 و 8 PIN


اخيرا صورة للكارت بعد تركيبه


وده صورة الكوبون الى المتجر بعتها

الان خلص ال UNBOXING ارجو ان يكون قد نال اعجابكم لأنه المرة ده هى الاولى وقريبا ان شاء الله هعمل مراجعة لنفس الكارت تحياتى لجميع اعضاء المنتدى وشكرا .

[Prince_hady]

مجهود اكتر من رائع ..

[eyad apdo]

فتح صندوق ممتاز
ومنتظرين المراجعة
بالتوفيق

[Aragon kingdom]

حقيقى بطاقه قويه و unboxing رائع و شامل تسلم ايدك للامانه ربنا يهنيك بيها

[mohammed.1]

فتح صندوق ممتاز

[ahmed166]

شكرا للجميع على المرور

[Mohamed Ibrahim The Unstoppable]

الف مبرووووووووك ربنا يهنيك بالبطاقة اخي الكريم

[bedoo]

مبروك اخي

لكن عندي سوال ما الفائدة من عمل انبوكس ؟؟؟؟

[ahmed166]

الف مبرووووووووك ربنا يهنيك بالبطاقة اخي الكريم

الله يبارك فيك

[ahmed166]

مبروك اخي

لكن عندي سوال ما الفائدة من عمل انبوكس ؟؟؟؟

الله يبارك فيك

بالنسبة لسؤالك unboxing مفيد بالنسبة للاعضاء الى عاوزين يشتروا اى قطعة او جهاز جديد بيشوفوها ويعرفوا تفاصيلها قبل ما يشتروها و يعرفوا ايه الى جوه العلبة علشان لما يرحوا يشتروا يبقى عارفين مكوناتها علشان لو حاجة مش موجودة طبعا ده قليل لما بيحصل فى المحلات الكبيرة لكن الاحتياط واجب

[bedoo]

امممممممممم شكرا اخي

ومبروك

[Abreimann]

ألف مبروك وربنا يبارك لك فى الكارت ان شاء الله
بس لاحظت فى متجر عرب هاردوير ان الأسعار أغلى من السوق! ولا الأسعار هى اللى غليت كلها مع الدولار وانا مش واخد بالى؟
أيا كان الكارت ده بالذات باحلم بيه

[محدودالدخل]

لو امكن أعرف البطاقه السابقه اللى كانت عندك كان أه موديلها ؟؟ وفرق الاداء تقريبا كان بنسبه أد أه ... حسيته ؟؟؟ مش مهم ارقام وفريمات ... أنا عايزك تقولى غالبا كان ألاداء أرتفع بمقدار كام فى الميه !!!
ومبروك على البطاقه الجديده ...

[ahmed166]

ألف مبروك وربنا يبارك لك فى الكارت ان شاء الله
بس لاحظت فى متجر عرب هاردوير ان الأسعار أغلى من السوق! ولا الأسعار هى اللى غليت كلها مع الدولار وانا مش واخد بالى؟
أيا كان الكارت ده بالذات باحلم بيه

الله يبارك فيك و انا ساعة ما جبته مكنش لسه موجود فى مصر خالص الا عندهم و كان اغلى 100 جنيه بس خدت معاه لعبة يعنى انا مستفيد برده وبعدين ربنا يكرمك وتجيب احسن منه ان شاء الله

[ahmed166]

لو امكن أعرف البطاقه السابقه اللى كانت عندك كان أه موديلها ؟؟ وفرق الاداء تقريبا كان بنسبه أد أه ... حسيته ؟؟؟ مش مهم ارقام وفريمات ... أنا عايزك تقولى غالبا كان ألاداء أرتفع بمقدار كام فى الميه !!!
ومبروك على البطاقه الجديده ...

الله يبارك فيك
كانت GigaByte GTX 460 1G OC وبالنسبة للاداء مش هقدر افيدك والله لان الكارت الاول كان معاه شاشة سامسونج 23 اما الكارت ده شغال على شاشة ASUS 27 3D وكمان الالعاب اتغيرت وانا مش بركز فى حكابية الاداء وكده لان مع الكارتين كنت بلعب بسلاسة