السلام عليكم و رحمة الله و بركاتة
رحت للمحل الى اشتريت منه اللاب و شرحت للبياع المشكلة و قالى ان صوت الخربشة ده عبارة عن صوت الهارد و ده مفيش فيه مشكلة ( الى ميعرفش المشكلة بسمع صوت خربشة خفيف لفترة اول ما افتح شاشة اللاب و بشكل متقطع عند السماعة اليمين فى اللاب لما بقرب ودنى من السماعة ) قولتله ان واحد صاحبى معاه نفس اللاب النسخة الى بشاشة تاتش و مفهوش الصوت ده قالى دى مش مشكلة و لو انت حابب تودى اللاب الضمان هوديهولك بس هيقعد 10 ايام مركون و هيقولك مفهوش حاجة قولتله ماشى على اساس انى محتاج اللاب الاسبوع ده جدا و صعب اقعد من غيره
و فى مشكلة تانيه و هى ان لما بحط الهيدفون فى اللاب بسمع صوت سماعة اعلى من سماعة كلمته فيه فضل يقنعنى ان مفيش مشكلة اخدت هيدفون من عنده و جربته اتاكدت انى صح و ان فى مشكلة فعلا لان الهيدفون جديد و لسه مفتوح و انا سبق و جربت اكتر من هيدفون و نفس المشكلة برضو كلمته و قولتله اسمع انت كده الصوت قالى مفيش حاجة الصوت مظبوط بصراحة حاجتى للاب الاسبوع ده قولت مش مشكلة بقى يعنى هى جت على دى . دى حاجة بسيطه و لو اتاكدت ان دى مشكلة ابقى اوديله الجهاز الاسبوع الى جاى اكون خلصت شغلى .
الى حابب افهمه منكم بقى يا جماعة عشان انا معنديش اى خبرة بالنسبة للاب توبات و حتى لما استخدمت لاب قبل كده كان قليل جدا لما اعمل عليه حاجة
هل فعلا صوت الخربشة الى فى الهارد ده عادى ؟ و ايه سببه ؟ ( للعلم انا مبسمعش صوت الخربشة ده غير لما اقرب ودنى من السماعة اليمين )
المشاركة الأصلية كتبت بواسطة 0Ahmed.Magdy0
المفضلات