ممكن تساعدونى لو سمحتوا عشان انا محتارة جدا جدا

[محمود ياسين حسا]

السلام عليكم :
مبدايا انا فتاه من القاهرة اريد شراء موبيل فى حدود 2000 او 2500
كان معى تاب لينوفو 3500 اشتغل زى الفل وبعد سنه بالضبط وقع جاب برودة
فانا الان اريد شراء هاتف ومحتارة جدا بين سامسونج / لينوفو s90 / هاواوى / سونى / الكاتيل
عندى فى البيت بيقولوا طالما اشتغلتى على شاشه 7 انش مش هتعرفى تشتغلى على حاجه 5 انش او 6 هل دة صحيح انا حاسه انه عادى هتعود
انا احتياجى معظمه انترنت وكاميرا عشان الاولاد وشويه العاب

مواصفات الجهاز اللى انا عايزاة :
نظام اندرويد / رامات 2 جيجا / بروسيسور رباعى او ثمانى / كاميرا مش اقل من 8 ميجا بيكسل / البطاريه طبعا تبقى كويسه على الاقل 2500 امبير وكل متعلى افضل طبعا
هل من مساعد عشان انا على قدى شويه فى علاقتى بالموبيلات

مش عارفه اوصل لقرار ومش عارفه اقارن بين الانواع دى كلها

:ah46:

[Dr.a7med]

samsung e7
او
huawei G7

[محمود ياسين حسا]

شكرا جدا بس معلش ايه الفرق بينهم انا مش شايفه غير ان الهوواوى بطاريته اعلى حاجه بسيطه
وهل حضرتك تعرف لينوفو s90 و سونى t3 ايه رايك

[Green Wolf]

السعر اللى حضرتك ذكراه مش هيجيب بروسيسور ثمانى النواة ابدا سواء سامسونج او سونى او اى موديل اخر مشهور
جربى infinix zero x506
ف البداية هوا موبايل فرنسى بتقفيل فرنسى ومش مشهور ف مصر لتوفره ف توكيل واحد فقط وهوا راية وبيتباع على الانترنت من خلال سوق كوم
مواصفاته والمواصفات دى فعلية يعنى حقيقية مش وهمية زى ما سامسونج بتكتب 16 جيجا ويطلع ف الاخر 6 للأستخدام - المهم
رام 2 جيجا - بروسيسور ثمانى النواة 1.7 جيجا هرتز باين - كاميرا خلفية 13 ميجا بالفلاش - ذاكرة داخلية 16 جيجا - حجمه كبير مش صغير - الوانه اسود وابيض ودهبى وافضل لون هوا الاسود
عيوبه
بطاريته متوسطة مش ضعيفة يعنى بتشتغل ف حدود 3 سعات لأقصى شغل وحجمها 1950 mah تقريبا - مش متوفرله اكسسوارات الا من خلال الوكيل الوحيد فى مصر زى جراب او غيره
مميزاته
بجانب مواصفاته الجامدة جدا جدا - سعره 1500 بس وده سعره الحقيقى بس هتلاقى ناس بتبيع اغلى وناس بتبيع ارخص بشوية - بتوكيل راية وطبعا عليه ضمان - موبايل فرنسى وتقفيله فرنسى يعنى لا تقفيل صينى ولا اى حاجة - المواد المصنوعة منه مواد خام جدا
اتمنى اكون افدتك وبالتوفيق

[Green Wolf]

لو عايزة حاجة سامسونج فى s4 zoom امكانياته متوسطة مثلا رام 1 جيجا ذاكرة داخلية 8 بروسيسور ثنائى النواة 1.5 جيجا هرتز بطاريته بتاع 4 سعات
احسن ميزة فيه كامرتو لو بصيتى لضهرو هتلاقيه كامرا مش تليفون كام 16 ميجا بفلاش وبيصور فديو فول اتش دى 30 لقطة / ثانية وبيدعم شبكات الجيل الرابع سعره ف موقع جوميا بعض التخفيض 1495 وعليه ضمان سنة

[yagami]

كل المعلومات دي و بتقولي علاقتي شوية في الموبيلات ومال اللي مايعرف الفرق بين البروسيسور و الرام هنقول عليه ايه؟
انصحك بسمسونج S5 ان كانت الميزاينة تسمح
على الاقل سامسونج بصفة عامة ليها دعم قوي من المطورين

[Green Wolf]

دول فعلا احسن موبايلين ممكن تلاقيهم حاليا كسعر واداء وسيبك من الاضافات اللى ملهاش لازمة زى بتاعة سونى تصوير تحت الميه ولو صورتى تحت الميه الكامرا بتوغوش بعد كده وبرضو سيبك من سامسونج تحريك الشاشة بالايد عن بعد بدون لمسها حتى فكرة مش لطيفة انك تمسكى الموبايل وتحركى ايدك ف الهوا يمين وشمال وفوق وتحت كل دى اضافات ملهاش اى لزمة بس بيعملوها بهدف جذب المستهلكين وزيادة سعر السلعة ع الفاضى
بالتوفيق

[محمود ياسين حسا]

انا مش عايزة اضافات ملهاش لازمه فلا انا حصرت المواصفات فى الرامات والبروسيسر والكاميرا والبطاريه مش عايزة اضافات اخرى
وبالنسبه للسعر لقيت ان ممكن اول لهوواوى g7 او لينوفو s90 او سامسونج e7
ايه رايكم فيهم وهل فيه اضافه غيرهم وايه اخبار سونى t3

[محمود ياسين حسا]

كل المعلومات دي و بتقولي علاقتي شوية في الموبيلات ومال اللي مايعرف الفرق بين البروسيسور و الرام هنقول عليه ايه؟
انصحك بسمسونج S5 ان كانت الميزاينة تسمح
على الاقل سامسونج بصفة عامة ليها دعم قوي من المطورين

سامسونج خلفيتى معاه مش لطيفه فى الرامات والبروسيسر المواصفات وهميه بعض الشئ لانه لا يعمل بكامل الطاقه المكتوبه

[Green Wolf]

انتى مش عايزة تشوفى حتى شكل انفينكس زيرو يمكن عشان مش مشهور هقولك على حاجة خشى على يوتيوب وشوفى شكله عامل ازاى واحكمى وفعلا سعرو ممتاز وبطارية معتقدش مشكلة انك هتستخدميه اقصى استخدام وهيقعد معاكى 3 سعات ولو استخدام متوسط ضاعفى المدة يبقى 6 سعات او لو عايزة تصوير وكاميرا مفيش غير سامسونج s4 zoom

بالنسبة لسونى t3 هجاوب لحضرتك
اولا سعرو ف حدود 2700
ثانيا مواصفاته رام 1 جيجا بروسيسور 4 انوية 1.4 جيجا هرتز - كامرا 8 ميجا - ذاكرة داخلية 8 جيجا - بيدعم جيل رابع - هيكلو الرئيسى بلاستيك وحطى تحتها ميت خط
تقييمى ليه موبايل تعبان ومواصفات تعبانة وسعره غالى جدا مقارنة بالامكانيات التعبانة دى

[محمود ياسين حسا]

انتى مش عايزة تشوفى حتى شكل انفينكس زيرو يمكن عشان مش مشهور هقولك على حاجة خشى على يوتيوب وشوفى شكله عامل ازاى واحكمى وفعلا سعرو ممتاز وبطارية معتقدش مشكلة انك هتستخدميه اقصى استخدام وهيقعد معاكى 3 سعات ولو استخدام متوسط ضاعفى المدة يبقى 6 سعات او لو عايزة تصوير وكاميرا مفيش غير سامسونج s4 zoom

بالنسبة لسونى t3 هجاوب لحضرتك
اولا سعرو ف حدود 2700
ثانيا مواصفاته رام 1 جيجا بروسيسور 4 انوية 1.4 جيجا هرتز - كامرا 8 ميجا - ذاكرة داخلية 8 جيجا - بيدعم جيل رابع - هيكلو الرئيسى بلاستيك وحطى تحتها ميت خط
تقييمى ليه موبايل تعبان ومواصفات تعبانة وسعره غالى جدا مقارنة بالامكانيات التعبانة دى

شكرا جدا على ردك واضح ان السونى تليفون تعبان خلاص هصرف نظر عنه
والانفينكس زيرو بطاريته ضعيفه مش هتستحملنى انا شغلى نت كثيف وبرضو زوجى مش بيوافق على اى نوع مش معروف

[محمود ياسين حسا]

طيب وخلفيه حضرتك على لينوفو s90 سيسلى

[محمود ياسين حسا]

دلوقتى الموضوع محصور شويه لينوفو s90 او الكاتيل g7 او جالاكسى e7 مع ان عليه كلام شويه لجسمه البلاستيك وتهنيج السامسونج عموما

[Green Wolf]

اللينوفو الشهادة لله عمرى ما جربته بس هجيب لحضرتك مواصفاته الرئيسية من الشركة وهحكم على اساسها
سعره 2450 - شاشته عالية الدقة 5 بوصة 720 x 1280 pixels (~294 ppi pixel density) - كامرتو 13 ميجا مع ضبط تلقائى وتصوير فديو فول اتش دى 30 لقطة / ثانية - الكاميرا الامامية جامدة جدا 8 ميجا بفلاش led -بروسيسور رباعى الانوية 1.2 جيجا هرتز - رام 2 جيجا وزاكرة داخلية 32 جيجا (بس مينفعش تدخلى فيه كارت مومرى مفهوش مكان للمومرى) - اندرويد كيت كات اخر اصدار 4.4.4 - بطاريته جيدة نوعا ما 2300 mah هتقعد بتاع 4 سعات ونص كأقصى استخدام للموبايل
تقييمى ليه : انا مجربتوش شخصيا بس باين من امكانياته موبايل ممتاز جدا جدا - عيوبه : هوا واحد بس مفهوش مكان للمومرى
ملحوظة بسيطة كلمة اقصى استخدام مش تصفح انترنت وفيس وكده اقصى استخدام زى ان حضرتك تلعبى احدث الالعاب اللى بتسحب كل موارد الجهاز وبتخليه يشتغل بكامل قوته انما الشغل ع النت والتصفح يعتبر استهلاك متوسط .
لو حبيتى تشتريه ويتشحنلك من موقع جوميا بيجيلك معاه ضمان سنة سعره 2445 الرابط اهو https://www.jumia.com.eg/lenovo-s90-...um-244793.html
بالتوفيق

[محمود ياسين حسا]

معلش تاعباك معايا اخر كلام هوواوى g7 ولا لينوفو s90
انا شايفه ان 32 جيجا مناسب جدا لاستعمالى
استعمالى فى اللعب ساب واى او سيمبسون او كاندى كراش
وبالنسبه للشراء انا هاجيبه قسط من رزق الله او b.tech
شكرا لتعبك