انا نزلت موضوع قبل كده عن الموضوع ده بس كان ما بين اتنين بس...
المهم خلاص اتقريت علي ال nzxt 210 عشان اوفر شويه في الميزانيه وارفع البورده من h81 لل b85
انا عارف ان ال h81 هتديني كل الي عاوزه بس هرفع لل b85 عشان ابقا في الامان اكتر....
**جيه واحد ابن حلال قالي لو جبت ال nzxt 210 ب 300 هتدفع 300 زيهم في المراوح
فا رجعني لنفس الحيره تاني.....
فا انا قدامي 4 case 1-nzxt 210
2- k380 من كولر ماستر
3- zalman z3 plus
4- corsair carbide spec-01
5-Cooler Master HAF 912 Advanced Case
انا طلبي عاوز case اجيبها ومصرفش عليها بمعني اني مجبش مراوح لما اجيبها تاني...
و عاوز اعرف كل case من ديه فيها كام مروحه...
واخر حاجه في ال corsair ال spacce-01 هيفرق عن ال 2 كتير ...
معلش يا جماعه استحملوني
انا من النوع الي بسأل كتير ...وخصوصا في ديه
عشان ديه اول تجميعه هجيبها ليه
انا عارف ان الموضوع سهل بس انا مش عارف انا مكبرو ليه..
ومليش حد استشيرو غيركو...
وشكرا مقدما...وشكرا لكل واحد ساعدني في المواضيع الي فاتت؟؟
التعديل الأخير تم بواسطة Ell0l ; 19-08-2015 الساعة 15:04
كيس Zalman Z3Plus انسب اختيار لانه موفرلك 4 مراوح 120mm يعنى مش فى حاجه لشراء مراوح اضافيه
عموما جميع الكيسات اللى انت ذكرتها سعرها قريب من بعضه يعنى طبيعى التبريد هيكون بنفس الكفائه
التبريد مش العامل الوحيد فى الكيس اللى بندور عليه
انت ممكن تشترى كيس ب 300 جنيه وتلاقى درجات الحراره نفسها فى كيسه ب 1550 جنيه بالضبط وبدون اى اختلاف يذكر
لكن الكيس الكبير والعالى او الواسع مهم جدا لانه فعلا بياثر على حراره دائره الفولتيه فى اللوحه الام VRM الموجوده حوالين المعالج
ترتيب اسالاكك الباور داخل الكيس مهم جدا وبطبيعه الحال الباور مسؤل مسؤليه كبيره عن الامر ذاته
شوف الكيستين او التلات كيسات على مواقعهم ونظام فتحات الاسلاك اللى هيتم تمريرها من الخلف
شوف مين الكيس اللى بيدعم كروت الشاشه الكبيره
شوف مين الكيس اللى بيدعم طول المشتت بتاعك
شوف مين الكيس اللى بيعطيلك USB3 امامى ولكن تذكر ان فى لوحات ام مفيهاش USB3 Socket
عدد المراوح Cooling Fans
الموجوده بالكيس بتلاقى مكتوب بجانبها Included يعنى تحتوى علىها بالفعل وشوف حجم المروحه 12 او 14 وفى لحد 20cm بس فى الكيسات الكبيره
اللى ممكن تشتريها انت بنفسك وليها مكان فاضى فى الكيس بيقولك على سبيل المثال
صوره لكيس Corsair Spec 01
هتلاقى بيقولك كروحه تحت خالص جايه مع الكيسه والباقى اختيارى سواء 120 او 140 حسب مابيقول
يبقى كيس زالمان افضل فى المراوح
بس يمكن كيس كورساير عريض شويه من الداحل بس يمكن كيس زالمان عالى عنه فى الداخل
يمكن كيس كورساير سهل وافضل فى ترتيب الاسلاك ويكن كيس زالمان افضل فى الدهانات ومش كل خدشه تبان فيه
يمكن كيس كورساير يبقى سهل فى الفك والتركيب بس يمكن كيس زالمان افضل فى فتحات التهويه وعدد المراوح
عموما الكيس متاهه ممكن نفضل نتكلم فيها كتير جدا ومن خلال كلامك رايى ان كيس زالمان افضل حل بالنسبالك لو لحقته
يمكن يدايقك شويه فى التراب لانها مليانه صفايات واكيد الفلترات مش افضل مايكون بس تبريدها هيكون افضل
رأي حضرتك يا استاذ phenomenon بيعجبني جدا ...
طب بالنسبه لل z3 plus بيقولو المعالج والكرت بيسخن بسبب مروحه الباب الي مش موجوده...لولا ملاحظ الباقي مفهمش برده...
ولما شوفت ال corsair لقيت هتحتاج مراوح بعد الشراء...
و ال z3 plus ميزتها انها يعتبر بتقبل جميع كروت الشاشه كا حجم وترتيب سلوك الباور ممتاز فيها + انها مش ضيقه وواسعه كويسه وحضرتك اكدتلي ده...وكانت بالنسبالي اكتر واحده ممتازه بس زي ما قولت لحضرتك مشكله سخونيه المعالج والكرت ديه...فا قولت بلاش في ايه رأي حضرتك في الموضوع ده...
وحاجه تاني المراوح ديه كلها في ال z3 هعرف اوصلها في الماذر ولا لما يجي وقتها تتحل ان شاء الله ...
حضرتك من اكتر الناس الي فادتني جدا وتعبت معايا وبشكرك علي كل ده
انا كدا شبه استقريت علي ال z3 بسبب ان تبريدها كويس عن الباقي لان الباقي محتاج مراوح....
بس عاوز اعرف موضوع السخونيه ديه ولو حلها اسيب باب ال case مفتوح تمام...بس 50% الجهاز هيتحط في اوضه مكيفه...بس مش هسيبه طول اليوم في التكيف طبعا....
وانا هقارن بين ال case دول تاني برده بس انا يمكن ضعيف في المقارنه في ال case شويه...
وانا بتعلم من حضرتك برده لما ترد عليا
وشكرا لحضرتك مره تاني
التعديل الأخير تم بواسطة Ell0l ; 20-08-2015 الساعة 00:10
طب بالنسبه لل z3 plus بيقولو المعالج والكرت بيسخن بسبب مروحه الباب الي مش موجوده...لولا ملاحظ الباقي مفهمش برده...
لا شوف اخى احنا عندنا كيسات عاليه فى السعر عادى ومفيش فى الباب مروحه ..
مروحه الباب مهمه عشان خاطر كارت الشاشه طبعا واللى ممكن اه وممكن لا يكون ليها تاثير
خاصه حسب نوعها وسرعاتها وعدد الريش وخلافه
لكن انت مهم جدا تعرف نظام توزيع الهواء داخل الكيس ماشى ازاى
والاهم انه يكون بنظام واحد مش متفرع باتجاهات معاكسه
هنتكلم على كيس زالمان ومواصفاته بتقول فيه اربعه مراوح ..
مش عارف نظام توزيع الهواء فيه بالضبط ماشى ازاى لكن هنفترض انه واحد من الاتنين
فيها مروحه فى الامام من الاسفل front 120mm زى كيسه Corsair
فيها مروحه خلفيه Rear 120mm
فيها مروحتين Top 2x120mm
يبقى هو دلوقتى حاول يوفرلك نظام توزيع هواء متكامل داخل الكيس
لكن انت ممكن تغيره او تعدل عليه حسب امور كتير
المهم انك فى النهايه عاوز تدخل هواء بارد للقطع وفى نفس الوقت تخرج هواء ساخن من داحل الكيس بحيث انه مش يقابل بعضه
الهواء الساخن كثافته ااخف ثقلا من الهواء البارد يعنى بيرتفع لاعلى
وانت دلوقتى معاك اربع مراوح فى الكيس
يبقى طبيعى مروحه فى الامام بتدخل هواء بارد او بتخرج هواء ساخن
مروحه فى الخلف بتدخل هواء بارد ويقوم بدفع الهواء الساخن الناتج عن مروحه المعالج او تكون العكس تقوم بسحب الهواء الساخن خلف الكيس
ومروحتين بالاعلى بيدفعوا الهواء الساخن عن طريق دخول هواء بارد جديد على دائره الفولتيه نزولا ثم المروحه الاماميه تستلمها
او بتلاقى المروحتين بالاعلى عكس الاتجاه وبيقوموا بشفط الهواء الساخن فقط الناتج عن مشتت المعالج وخاصه لو المشتت ضخم
وبالتالى الهواء الساخن الناتج عن مروحه المشتت هيخرج فورا قبل ما ياثر على حراره اللوحه الام ودائره الفولتيه
وفى الحاله دى يبقى لازم المروحه الاماميه تكون بتدفع هواء مش بتشفط عشان يكون فى هواء جديد داخل للكيس
فهى اما كده او كده بحث فى النهايه يبقى نظام متكامل صحيح لنظان عمل Air Flow او تدفق الهواء بشكل سليم وفى النهايه بينتج عنه
تبريد نتموذجى ودرجه حراره ايجابيه
طبعا انت هتشوف بنفسك النتائج وقت عمل الكيسه قدامك وممكن تستخدم ورقه وتحطها قدام المراوح عشان تعرف اتجاهاتهم ايه
فهى مروحه الباب بقى بيكون ليها عامل ايجابى مع نظام التوزيع ايضا اما تشفط الهواء او تدخل هواء جديد حسب نظامك للتوزيع
كذلك مروحه المنتصف او مروحه بالاسفل بجانب الباور لو حبيت تشتريهم
ممكن اوريلك رسمه لو فى تشويش فى الامر او ارسملك يعنى الاتجاهات كانه مخطط لعمليه التوزيع حسب فهمى ليها
ولما شوفت ال corsair لقيت هتحتاج مراوح بعد الشراء...
و ال z3 plus ميزتها انها يعتبر بتقبل جميع كروت الشاشه كا حجم وترتيب سلوك الباور ممتاز فيها + انها مش ضيقه وواسعه كويسه وحضرتك اكدتلي ده...وكانت بالنسبالي اكتر واحده ممتازه بس زي ما قولت لحضرتك مشكله سخونيه المعالج والكرت ديه...فا قولت بلاش في ايه رأي حضرتك في الموضوع ده...
بصراحه انا مش مقتنع بكلام اى حد قالك الكلام ده حتى ومع كيسه Corsair صاحبه مروحه واحده من الامام
وينقصك فيها بس مروحه من الخلف وتبقى نموذجى
درجه الحراره مرتفعه اما بسبب سوء المشتت او يمكن اللوحه الام نفسها مش عاليه فى التبريد زى اللوحات الـ high-End طبعا
وبالتالى بتاثر على حراره المعالج فى اى كيس تشتريه ولكن دا معمول حسابه من انتل ومن شركات اللوحات الام
طالما انك داخل الرنج المضبوط مصنعيا عشان عمر الهاردوير يعيش اطول فتره
يعنى اللى حرارته 40 زى 50 زى 30 وفى الضغط 60 ممكن نقول زى 70 وزى 75 مازال الجميع فى الامان والرنج المفضل ومفيش خطوره
لكن 80 مش زى 90 و 90 مش زى 100 طبعا ولكن جميعهم عاليه بالشكل ده ولكن فرق كبير جدا بين 80 الى 90
يعنى انت حراره المعالج 80 هقولك مش خطيره لكن عاليه كده لو الجهاز 24 ساعه 7 ايام بالاسبوع ضغط مستمر واعمال تقيله
اكن لو قولتلى 90 او 90 موجب كده بنقصف عمر الهاردوير خاصه الاجيال الحديثه وشكلها مش كويس وبالتالى حراره خارجه من المشتت شوايه
ملحوظه عشان تكون مطمئن بردو :
حراره المعالجات تختلف عن حراره هاردوير كتير لانها شرائح سليكون وليست قطع من المعدن او الترانزستورز بالمواد الخام رخيصه الصنع
ولذلك هى قادره على تحمل درجات الحراره بنسب عاليه جد ولكن على كل مستحيل حراره المعالج تعلى فى كيس زى اى كيس من اللى انت ذكرتهم
لان الكيسات دى خامتها بتكون المونيوم او ستانل غير قابله على امتصاص درجات الحراره العاليه
وحاجه تاني المراوح ديه كلها في ال z3 هعرف اوصلها في الماذر ولا لما يجي وقتها تتحل ان شاء الله ...
هتعرف طبعا وحسب عدد منافذ المراوح فى اللوحه الام لو مثلا فيها 1 يبقى هتركب واحده ومتبقى تلاته
ولو الكيس مفيهاش توصيلات جاهزه يبقى هتوصل على الباور مباشره
حضرتك من اكتر الناس الي فادتني جدا وتعبت معايا وبشكرك علي كل ده
انا كدا شبه استقريت علي ال z3 بسبب ان تبريدها كويس عن الباقي لان الباقي محتاج مراوح....
بس عاوز اعرف موضوع السخونيه ديه ولو حلها اسيب باب ال case مفتوح تمام...بس 50% الجهاز هيتحط في اوضه مكيفه...بس مش هسيبه طول اليوم في التكيف طبعا....
وانا هقارن بين ال case دول تاني برده بس انا يمكن ضعيف في المقارنه في ال case شويه...
وانا بتعلم من حضرتك برده لما ترد عليا
وشكرا لحضرتك مره تاني
جزاك الله كل خير على رايك وزوقك وسعيد ان فى افاده ليك وشوف انت عاوز تتستفسر عن ايه واحنا معاك سواء انا او غيرى
بس انت طريقه كتابتك للموضوع بالاساس تخلى حتى لو الواحد مش عارف الاجابه بس تستاهل انك يترد عليك
phenomenon
وحضرتك متعرفش انا بستفاد اد ايه من كلام حضرتك ومن خلاله بتعلم حاجات وبفيد غيري الحمدلله وحضرتك استاذي و انا بتابع كل مشاركاتك في كل المواضيع عشان ازود معلوماتي
سعيد بردك حقيقى اخى الكريم والشرف ليا انك فعلا بتستفيد طول فتره وجودك وياريت تتابع مواضيع البوابه باستمرار ايضا هتفيدك فى امور كتير ..
واذا كنت محتاج تستفسر عن اى شىء الموضوع بسيط باذن الله
وكيس زالمان مناسب جدا اذا كانت الميزانيه متوسطه وتبريدها اكيد ممتاز بدليل انها شبه انتهت من السوق يبقى اكيد جميع ملاكها راضين عن ادائها وبيرشحوها لغيرهم
وزى ماقولتلك يمكن تشترى كيس اكتر شياكه عنها فى الشكل زى مثلا NZXT S340 وغاليه 150 جنيه ويمكن خامه اعلى او يمكن تقدر ترتب فيها سلوكك بشكل افضل
افضل مافيها ان الباور مش باين فيها وبيركب بالعكس وبالتالى موفر مسافه من سلوك الباور بدول ماتلف لكن يمكن تبريدها مش عالى جدا
او محتاجه مجموعه مراوح على حسابك عشان توصل للتبريد الصحيح وهكذا
فان شاء الله كيس زالمان ده كويس انه موجود فى السوق وياريت لو تقدر تلحقه لان تقريبا مفيش كيس بيعوض وجوده فى نفس السعر
اقل مروحه لواحدها دلوقتى 120mm اقل سرعات هتبقى مش اقل من 40 او 50 جنيه يعنى هو موفره عليك 150 جنيه مباشره
فعلا كيس zalmanهتبقا افضل اختيار ليا...وانا مش هستمر بيها لفتره كبيره...هحدث بي استمرار
وفعلا لما ركزت في حكايه توزيع الهواء في اي كيس...عرفت ان توزيع الهوا ده كلمه السر بتاع التبريد...توزيع الاسلاك بتاع الباور فيها تكفي حاجتي و هتبقا ممتازه وهعمل مراجعه بسيطه لما اجيبها ان شاء الله..الوسع بتاعها هيكفيني بزياده في المده ديه
و الحمدلله دلوقتي بقدر اخش واعرف كل حاجه عن كل كيسه...يعني يعتبر كل الي مختاره في 2* usb 3 تقريبا...واديني بجمع لنفسي وبتعلم في نفس الوقت عشان اوصل المعلومه لغيري...
التعديل الأخير تم بواسطة Ell0l ; 20-08-2015 الساعة 17:22
بالتوفيق اخى والكيس زيع زى اغلب الكيسات الان فيه فيشه لتركيب USB3 امامى و USB2 و Front Auduo
وحسب اللوحه الام ممكن يكون فى الراكه USB3 عدد اربعه وUSB2 عدد اربعه ايضا لكن اكيد العدد بيزيد ويقل حسب امكانيه اللوحه الام
اعرف خصائص كل الامر ودى من صفحه الخصائص فى صفحه اللوحه الام اللى بتفكر فيها ان شاء الله
المفضلات